اهلا وسهلا فيكِ معنا اختي الكريمة
اولا ابنك كبير ماشاء الله .. المفروض ياكل كل شي..
رح احكيلك عن تجربتي بابني والرضاعة والريجيم...
ولدت وزاد وزني قررت ابدا ريجيم بعد ال40 وبالفعل بدات
ولكن انا اصلا حليبي قلييل جدا وكنت مُصرة اني ارضع طبيعي من دون ادخال الصناعي ابدا ...المهم جربت الريجيم اسبوعين وماقدرت كمل بسبب حليبي القليل ومع الريجيم قل اكثر...
تركت الريجيم لكن محافظة على عدم التخبيص وابتعدت عن الحلويات واستبدلت الحلو بتمر.. وخففت نشويات شوي وماكنت اشرب اي شيء غير الماء والشومر والحليب ...
وحافظت على الرياضة بشكل يومي...
بعد ماصار ابني بين ال4 وال 6 شهور وبدا بالاكل خفف رضاعة شوية و بلشت اقدر اسيطر على الوضع
بلشت ريجيم صحي متوازن وهو ريجيم النقاط للمرضع من غير حرمان طبعا... واستمريت على الرياضة بالبداية قل شوي الحليب بس بعدين اصبح عادي جدا وابني اعتمد على الاكل اكثر وصار يعتبر الرضاعة تسلية فقط...
وبفضل الله نزلت 20 كيلو بطريقة صحية وفطمت ابني من سنتين ... والحمد لله محافظة على وزني المثالي بدون تعب ولا ضرر...
كلي خضار وفاكهة كثييير وكاستين حليب يوميا واشربي ماااء وشومر
خففي نشويات و خلي عشاكِ خفيف لاتلغيه ولا تلغي النشويات من العشا لكن خففيها..
اذا اشتهيتي الحلو وهادا طبيعي عند المرضع .. كلي تمر 5 باليوم...
ولو بتحبي العصاير ممكن تعملي العصير بالبيت طبيعي وسكر خفيف...
ولاتنسي اهم شي الرياضة لو حابة تنزلي منيح وجسمك ينشد ونزولك يكون صحي 100%
بالنسبة لرمضان الامر سهل جدا.. خلي رمضانك ورمضان عائلتك صحي..
السحور يكون متل اي فطور بيوم غبر رمضاني
يعني قطعة خبزة وجبنة وخيا اوبيضة وكاسة حليب وممكن تمرة ومااااء كثيير
والفطور
تمرة
صحن شوربة مغرفتين مثلا...
وبعدها ممكن تاكلي من اي طبخ طابختيه بعيد عن المقلي والمعجنات وممكن تاخدي منهم كل كم يوم مرة بكميات قلييلة..
وصدقيني برمضان من اول لقمتين منشبع لكن احنا اللي طماعين وخايفين نصوم تاني يوم ومانقدر ناكل ههههه
وخلي السهرة كلها فواكهة وماااء وحليب ركزي ع السؤال وصدقيني حتنملي معدتك ومابتحتاجي الاكل ابدا ولو جعتي بالسهرة خددي نص خبزة صغيرة مع اي شي بتحبيه..
لاتنسي صحن السلطة والشوربة مهمييين جدا وبيشبعوا وبيغنوا عن بقية الاكل وبتاكلي من الاكل بكميات قليلة...
والحلويات لاتلغيها لكن كل 3 ايام مرة بتكفي كلي حبة من اي شيء بتعمليه واعملي بكميات قليلة حتى تخلص بنفس اليوم وماتبقى قدامك وتاكلي منها كل الوقت...
صدقيني رمصان فرصة لانقاص الوزن لو الناس بتستغلو صح
واي سؤال لاتترددي
ولو حابة تكتبي نموذج عن يومك ونتابعك مارح نقصر ابدا
رد مع الاستدلال
كتبت بواسطة سيريناي
الروابط المفضلة