السلام عليكم

انا موالي مع الرجيم بلش من زمان زمان بجوز من 10 سنين او حتى اكتر بس كنت كل ما ابلش اوصل لنقطة اوقف عندها وغالبا ما كنت اطول كتير شهر او شهرين

حاليا انا مبلشة من شهر 1 وبلشت مع المنتدى وجد الناس اللي هون الله يجزيهم الخير كان الهم اثر كبير باني اضل ثابتة وما اوقف ونزلت منيح تقريبا نزل من وزني 12 كيلو مع العلم انو اصلا انا لسا ضايلي اقل اشي 30 كيلو لانزلهم

بلشت بنشاط وهمة كبيرة ونزلت وكنت عادي ارضى بالنزول مهما كان ان شاء الله جرامات بس الاشي اللي سببلي الاحباط الفترة الاخيرة انو صلو وزني فترة طويلة ثابت وجنني ومو راضي ينزل حاولت اغير من نمط الاكل وارجع بعديها للرجيم بدون فايدة مع اني منتظمة بلعب الرياضة

وبالاخر استسلمت وقررت اروح عند اخصائية تغذية بركي انعدل الوضع وطلع الخلل باكلي وحطتلي نظام والتزمت فيه ومشان انا بحاجة اني انزل مزبوط مشان تخرجي قرب كنت انزل العب ساعتين بالنادي وساعة امشي مشي سريع وبعشر ايام نزل وزني 2 كيلو وانبسطت انو اخيرا انحلت العقدة وبلش وزني ينزل وضليت ملتزمة بالنظام لاسبوع كمان وخبصت ليوم ونص بس مش تخبيص كتير ولما اتوزنت تاني يوم لقيت حالي زايدة ال 2 كيلو


صابتني حالة احباط رهيبة والله هدول ال2 كيلو تعبت فيهم كتير كتير وفجاءة الاقيهم راجعيين ووزني زي ما هو رجع دقر وبالموت بنزل
والله تعبت ورياضة بلعب 3 ساعات باليوم وكتير بحرم حالي من اشياء بكون مشتهيتها بس بحكي بتهون مقابل انو ينزل وزني بس لما الاقي وزني هيك والله بنقهر

انا مو عارفة شو بدي اعمل وخايفة الاحباط يخليني اوقف وارد ارجع اللي نزلتهم
حدا عندو فكرة شو مكن يكون الحل ؟؟

اهلا وسهلا بيك هموسة
انا سعيدة انك رجعتي للرجيم من تاني من بعد المسابقة
طب اعطينا نظام الدكتورة ؟؟
انا براي لو نظامها هرمي ومناسب ارجعي امشي عليه اصلا طريق الرشاقة مش مفروش بالورود
وما تعتقدي كل اللي حققوا نجاحات كبيرة ووحققوا حلم الرشاقة حققوها على طبق من ذهب
او انهم فضلوا ملتزمين بالرجيم طول الوقت لان احنا بشر بتمر علينا لحظات ضعف واحباط
بس اهم شئ انو ما نتوقف عندها كتير ونستمر في مشاورنا واذا كان وزنك عنيد وما ينزل تاكدي انه باصرارك وعنادك انت الا ما يتحرك الميزان وتفرحي بوزنك
الخلاصة ارجعي على نظام الدكتورة وهاتي وورقة وقلم واكتبي الاخطاء والاشياء اللي استفتدي منها واتعلمتيها وواصلي مشوارك ياقمري حتى لو رجعوا ال2 كيلو بكرة بالعزيمة والاصرار بتنزلي قدهم 10 مرات اهم شئ ما تخلي الياس والاحباط يسيطر عليك
وباتمنالك التوفيق من كل قلبي ياغالية

يسعدلي اياكي يا قمري
طيب هل حللتي الغدة الدرقية خمولها أو نشاطها
؟؟

بالنسبة للتخبيص أي تخبيص وبعدها توزني طبيعي بتلاقي نفسك زايدة

هلأ المفروض خلص تلتزمي كويس و100% ما باقي للتخرج شيء
وعلي ارادتك وقولي مستحيل أخالف ولا اي جزء
ولا حتى لقمة

ولا توزني خالص خالص إلا في الوقت المحدد و 10 ايام ممتاز بالنسبة لي وأكثر وقت مناسب للميزان
ربي يحميكي يارب


وان شاء الله اسمع عنك أخبار تسر وتسعد
بالتخرج وبنزول وزنك ووصولك للمثالي

ربي يحميكي يارب

السلام عليكم

يسعد مساك همس

ويعطيك الف عافية

ومثل ما حكوا الغاليات ام صلاح ورشا

بس هزود على كلامهم بدك تصبري ولا تتنازلي عن حلمك

واكييد وزنك اللي زاد بيكون مثلا سببه مثلا الامساك او قرب الدورة او نهايتها لانه بعض الاجسام بتزيد باخر الدورة

ربي يوفقك وان شاء الله بتفرحي بنزول وزنك بكل الصحة والسعادة

اهلا اهلا همس نورتى كيفك
طمنينا خلصتى امتحانات وكيف اخبار اختك
كلنا بتجينا حالات احباط وملل بس انت بما انك عندك هدف
خلى عندك ارادة وعزيمة لتوصلى لهدفك وبالنجاح والتوفيق

وعليكم السلام ورحمة الله
كيفك أسماء حبيبتي ؟,والله اشتقنالك
لازم تكملي وما تستسلمي ,وإيمي من بالك الوزن بالمرة
خلي اعتمادك بس عالقياسات بالمتر
يا رب تحققي حلمك وتتهني بالرشاقة كل عمرك

كتبت بواسطة حكايات القمر

اهلا وسهلا بيك هموسة
انا سعيدة انك رجعتي للرجيم من تاني من بعد المسابقة
طب اعطينا نظام الدكتورة ؟؟
انا براي لو نظامها هرمي ومناسب ارجعي امشي عليه اصلا طريق الرشاقة مش مفروش بالورود
وما تعتقدي كل اللي حققوا نجاحات كبيرة ووحققوا حلم الرشاقة حققوها على طبق من ذهب
او انهم فضلوا ملتزمين بالرجيم طول الوقت لان احنا بشر بتمر علينا لحظات ضعف واحباط
بس اهم شئ انو ما نتوقف عندها كتير ونستمر في مشاورنا واذا كان وزنك عنيد وما ينزل تاكدي انه باصرارك وعنادك انت الا ما يتحرك الميزان وتفرحي بوزنك
الخلاصة ارجعي على نظام الدكتورة وهاتي وورقة وقلم واكتبي الاخطاء والاشياء اللي استفتدي منها واتعلمتيها وواصلي مشوارك ياقمري حتى لو رجعوا ال2 كيلو بكرة بالعزيمة والاصرار بتنزلي قدهم 10 مرات اهم شئ ما تخلي الياس والاحباط يسيطر عليك
وباتمنالك التوفيق من كل قلبي ياغالية

الله يسعدك يا حكايات ^^
كلامك ردلي شوية أمل <3
بالنسبة لنظام الدكتورة هو فعلا هرمي ورح اصورو واحطلك اياه

كتبت بواسطة - بنت الأحرار -

يسعدلي اياكي يا قمري
طيب هل حللتي الغدة الدرقية خمولها أو نشاطها
؟؟

بالنسبة للتخبيص أي تخبيص وبعدها توزني طبيعي بتلاقي نفسك زايدة

هلأ المفروض خلص تلتزمي كويس و100% ما باقي للتخرج شيء
وعلي ارادتك وقولي مستحيل أخالف ولا اي جزء
ولا حتى لقمة

ولا توزني خالص خالص إلا في الوقت المحدد و 10 ايام ممتاز بالنسبة لي وأكثر وقت مناسب للميزان
ربي يحميكي يارب


وان شاء الله اسمع عنك أخبار تسر وتسعد
بالتخرج وبنزول وزنك ووصولك للمثالي

ربي يحميكي يارب

الله يرضى عنك يا رب
بالنسبة للغدة انا حللتها من اشهر وما كان فيها اشي بس حاليا ناوية اعيد التحليل
انا مشكلتي انو الميزان بالبيت عندي بتوزن كل يوم بس خلص ان شاء الله رح اتوزن كل 10 ايام

كتبت بواسطة هبهوبة

وعليكم السلام ورحمة الله
كيفك أسماء حبيبتي ؟,والله اشتقنالك
لازم تكملي وما تستسلمي ,وإيمي من بالك الوزن بالمرة
خلي اعتمادك بس عالقياسات بالمتر
يا رب تحققي حلمك وتتهني بالرشاقة كل عمرك

الحمدلله انا بالف الف خير جد مشتاقيتلكم كومايات انتي كيفك ؟؟
انا مقاساتي بتنزل بس هو وزني اللي قاهرني
المقاسات نزلت كتير وفرق متل السما والارض عن اول ما بلشت وبعرف اني لازم اركز ع المقاسات بس دايما بخطر ببالي وزني

كتبت بواسطة اشجان الحياة

اهلا اهلا همس نورتى كيفك
طمنينا خلصتى امتحانات وكيف اخبار اختك
كلنا بتجينا حالات احباط وملل بس انت بما انك عندك هدف
خلى عندك ارادة وعزيمة لتوصلى لهدفك وبالنجاح والتوفيق

اهلين يا حلوة
الحمدلله خلصت امتحانات من فترة وتخرجي ان شاء الله ب 18-6 ودندن الحمدلله بخير ^^
انتي كيفك طمنيني عنك ؟؟؟
وشو اخبار الرجيم معك ؟؟