ازيكم يا بنااااااااااااااااااات
بصوا بقي انا جاية النهاردة عشان افتح جروب عايزة فيه معايا 9 بنات
يعني كلنا نبقي 10
بس قبل ما تكتبي انك عايزة تشتركي اقري الموضوع ده للاخر و لو لقيتي فيه اللي هيساعدك ما تتردديش لحظة
لكن لو كان مش مناسبك ف من فضلك اتركي مكانك لاخت اخري
شوفوا بقي الجروب ده هيكون جديد الي حد ما في طريقته
هدفي في الجروب ده اننا نساعد بعض عشان نغير العادات الغلط اللي بنعملها و نكون واضحين مع نفسنا
في الجروب ده هنكون ايد واحدة نشجع بعض و نعين بعض اننا نعيش حياتنا بشكل صحيح
طيب شروط الجروب:
اكل صحي
علي حسب مشكلتك في الاكل هنساعدك و كله واحدة واحدة
خطوات بطيئة مستمرة نحو التغيير للافضل يعني مشكلتك النشويات ؟؟؟
هنقللها تدريجي مع بعض
مشكلتك الحلويات ؟؟
هنقللها و نلاقي بدايل صحية مع بعض
مرتين خضار في اليوم + مرة فاكهة + كوب لبن او زبادي ( اجباااااااااااااااااااري يوميا )
التمر اقصي حاجة 3حبات
الفري
وجبة واحدة كل أسبوع
و بأكرر وجبة واحدة مش يوم لو ما اخدتيش فري غير كل اسبوعين تبقي حبيبتي و كفاءة هههههههههههههههههههههههه
مرة واحدة حلو في الاسبوع و
تكون الصبح علي اد ما تقدري
اكيد مش اجباري يعني مش عايزة تاخدي فري تبقي شطورة و ليكي بوسة ههههههههههههههههههههههه لكن تزودي ليكي عضة و هيكون فيه عقاب اكيد
الرياضة :
لسة بتبدأي جديد ؟؟ و لا يهمك واحدة واحدة و لو هتبدأي ب 10 دقايق
لو بدأتي من فترة هتبدأي معانا ب 30 دقيقة
هنغير التمارين كل شوية هنحط جديد عشان الملل و اكيد بردو مش اجباري التغيير لكن الرياضة اجباري طبعا
شغل البيت الشاق هنعتبره رياضة يعني غسيل سجاد - غسيل شبابيك
مش تقولي كنست و مسحت لاااااااااااااااااا شغل شااااااااااااااااااق اهي فرصة ننضف بيوتنا عشان رمضان قرب و الصيف كمان
هيكون فيه تجدد ان شاء الله كل يوم
هيكون فيه رد كل يوم مني فيه صفحة قرآن نقراها سوا و ذكر نقوله سوا حتي لو انتي ليكي ورد لوحدك بردو اقري معانا الصفحة دي اكيد انتي الكسبانة مش هتاخد منك 5 دقايق
كمان هيكون فيه معلومة جديدة او نصيحة او قصة
تبادل خبرات مع بعض في كل حاجة مش الدايت و بس
كل اسبوع هيكون لينا هدف جماعي نعمله سواااااااا ان شاء الله
البداية ان شاء الله هتكون
يوم السبت 7/3/2013
و هنتفق علي يوم الميزان مع بعض
ها ؟ هتسجلي معايا ؟
طيب شوفي بقي عايزة منك
الاسم :
الوزن:
الطول :
الهدف الاول :
ايه اللي بيخليكي تبوظي الدايت ؟
ايه مشكلتك اللي نفسك تتغلبي عليها ؟ يعني مثلا تقليل كمية السكر - الاكل بالليل - النقنقة طول اليوم - الحلويات - النشويات
الروابط المفضلة