صباااااااااااح الخير يا بوناتات ودبدوبات (احم احم قصدى فراشات )

هههه


اولا اعرفكم بنفسى انا من مصر (ام الدنيا) عندى 20 سنة بس والله

طولى 178 الحمد لله

وزنى للاسسسسسسسسسسسسسف 114 ايوووة 114
يعنى عندى بتاع 35 كيلو عايزين الحررررررق

انا كل شوية هاقول عايزة اخس ومش باعرف انا وزنى من سنة كان 135 ايوووووووة 135 بس مشيت على رجيم تخفيف نزلت لحد 114 ودة فرق جدااا معايا فى الشكل والثقة بالنفس وكفاية والله يا بنات ان كل ما حد يشوفنى يقولى انتى خاسة اوى كدة اممممم احلى كلمة


المهم عايزة اخس 30 كيلو فى شهرين يعنى كل شهر 15 كيلو ان شاء الله

قولوا معايا ان اشاء الله كلنا هانخس بصحة ياااااااارب

اممم مين من البنات عايزة تخس كتيير كدة زيىى تدخل ونتجمع ونشوف نظام يخسس 15 ك فى الشهر هااااا مين الاولى ؟؟؟؟؟؟

أهلا بك اختي وبالتوفيق يا رب ان شاء الله بتلاقي مجموعة حلوة تكون محتاجة تضعف وتلتزموا سوا بس عندي نصيحة يا رب تتقبليها وهي ان 15 كيلو يعتبر نزول سريع ومش صحي كتير حاولي تتبعي نظام يكون معتدل بيعتمدعلى الخضروات والفواكه والبروتينات ومنتجات الحليب خفيفة الدسم والقليل من النشويات وابعدي عن الحلويات والدهون والمقالي والموالح والرياضة كتير مهمة بس ممكن تبتدي بالتدريج ولو بدك تنزلي أسرع ممكن تزيديها بعد فترة وربنا يكون معك ويقوي ارادتك وعزيمتك وتوصلي لهدفك وتنعمي بالصحة والرشاقة والعافية وتحية قلبية كبيرة لشعب مصر الحبيب والله يحمي مصر

اختي الغالية تحيه طيبه
يارب عقبال ماتنزلي الي تتمنيه
وانا مع اختي ريم النزول البطيئافضل من النزول السريع يعني 15 في شهر كتير حاولي تكون 30 في ست شهور عشان تضمني ماترجعي
ام بالنسبه للأنظمه والرجيمات كتييييييييير وفي الي ينزل بسرعه وقي الي بينزل ببطئ
والخيار راجعلك

شكرا يا بنات على نصائحم دى أنا بجد هاحاول امشى عليها. وان شإء الله كلنا نخس ياااارب

أهلا و سهلا بيكي أختي

ماشاء الله نزلتي قبل هيك من وزنك نزول ممتاز

اعملي نفس الشي
خخفي أكلك زيدي نشاطك شوي شوي أهم شي ما تضغطي على نفسك
ووزنك ينزل شوي شوي و يبين عليك
و انا اشجعك تعملي رجم صحي او تخفيف من الأكل
مع شوية رياضة و شرب الماء
بكون نزول وزنك ممتاز
و ايضا 15 كيلو في الشهر نزول سريع
يعني 8 كيلو تكون ممتازة و اهو تزيدي شهر كمان في الرجيم والأحلى في تخفيف الأكل هو الاستمرار عليه و عدم الإحساس بالحرمان

يلا ابدئي بسم الله و نحن معك و نشجعك
و الله يوفقك

اهلا بيكم يا بنات وبجد متشكرة على تشجيعكم الحلو دة ,,,

انا خلاص هابتدى ان شاء الله من بكرة رجيمى الجديد والى حابة تشترك معايا تتفضل اهلااا وسهلا وغلا وهلا وكل الحاجات الحلوة دى

ودى الحاجات الى هامشى عليها :

- كل يوم هاخد فيتامينات

-شرب 8 كوب ماء و4 او 5 كوبايات شاى اخضر

- ممنوع الاكل قبل النوم ب 5 ساعات ( ربنا يقدرنى)

- هاحاول انزل اتمشى شوية مع انى والله عندى جهاز السير والستيبر بس مش بيجلى ارادة انى امشى عليهم خالللللللللللص

- السكر الى هاستخدمة يكون دايت فى كل حاجة

- الافطار كوب نسكافية او شاى اخضر ومعاة حاجة خفيفة زى زبادى او سلطة او كوباية عصير طبيعى او ثمرة فاكهة

- الغذاء هايكون شاى اخضر او نسكافية ومعاة حصة من البروتين (سمك او فراخ او لحوم ) وسلطة ممكن كربوهيدات زى معكرونة او رز بس مش كل يوم الكربوهيدرات ممكن يوم و يوم


- العشاء هايكون زى الافطار بس هايكون معاة سلطة علشان الهضم قبل النوم واثنائة كمان

- هاحاول اصوم اتنين وخميس والافطار يكون حاجة خفيفة (مع انى مش هاقدر لان عندى فى اليومين دول كورسات بس هاحاول )

اية تانى اية تانى اية تانى اة هاخلى الميزان كل 10 ايام

وهاقولكم على يومياتى كل يوم




بس ادعولى ويارب الاقى حد يبتدى معايا انا هابداء من بكرة السبت اول الاسبوع ( هو مش بكرة السبت برضة ؟؟ هههههههه )



اممم اقولكم على سر هو الى شجعنى اخس !!!!

خطيبى محمد ربنا يخلية ليا هو الى شجعنى بكام حاجة كدة :

1- هو الى اشترالى السير والستيبر ( امواااا)

2- بيحاول كل يوم ياخدنى نتفسح شوية ويخلينى امشى كتيير مع انى عارفة انة بيعمل كدة علشان اخس مش علشان نتمشى

3- بيقولى لو خسيتى واستمريتى على الرجيم ليكى مفاجأأأأة تفتكروا اية ؟؟؟؟؟؟

واهم حااااااااااافز طبعااااااااا


4 - فستان الفرح اشتراهولى من دلوقتى (((( ومقاسة صغير وعايزنى البسة وانا كل ما اشوفة اتحسسسسسسسسر





بس بصراحة هو عمل الى علية وزياااااااااااااااااااااااااادة وانا الى باستعبط وباتدلع ولازم اشوف حل واخخخخخخخخخس على الاقل علشاااااااااااااانة

صح ولا انا غلطااااانة ؟؟؟



عقبالكم يا بنات (وعقبالى انا كمان ) لما تفرحوا بنفسكم يوم فرررررحكم ان شاء الله

الله يوفقج يارب وتضعفين ان شاء الله شدي حيلج والله معاج

الله يوفقك وان شاء الله تنحفي بصحه وعافيه ونشوفك احلى عروس ياقلبي
نصيحه لا تستعجلي بنزول وزنك سريعا
لان بعد الزواج راح يزيد
لا تنسي شهر عسل واكل بالمطاعم
ووراح يزيد وزنك
لان هذا اللي صار لي
انصحك بالتخفيف
وشدي همتك بالرياضه
ونشوفك احلى عروس

اهلين اختي انا حبيت موضوعكك كتير والاراده الي عندك ما شاؤ الله وانا حابه اشترك معاكي في الجروب اصل زهقت من شكلي وتريقت الناس عليه وانا وزني 96 وطولي 170
وبكره ان شاء الله هخرج اجيب اكل صحي من السوق وهبدا معاكي من بعد بكره ان شاء الله

صباح الخير يا قمرات ..., عايزة اشترك معاكو لانى زهئت من حاجتين ,أول حاجة شكلى وانا تخينة و تانى حاجة الجروبات الى بدخل فيها و ما بيكملوش فعشان كدة ياريت ياريت نكمل مع بعض لحد لما نوصل للوزن الى نفسنا فيه .
انا من مصر ام الدنيا و عندى 30 سنة و طولى 169 ووزنى 95 كيلو و نفسى اوصل لل 60 كيلو زى ما كنت قبل الحمل و الولادة يعنى انا عايزة اخس 35 كيلو بحالهم . و هبدأ ان شاء الله من بكرة و هكتب يومياتى .
يارب تقبلونى معاكم و نشجع بعض .مستنياكم