من وجه نظرك ما هو الغذاء الذي يقوم بحرق الدهون ؟؟
اكيد طبعا مافي نوع اكل يحرق الدهون ولا حتى الشاي
المهم اخذ كميات قليله حتى نتمكن من حرق الدهون
يعني مجموع السعرات الحراريه في اليوم اقل من حاجة الجسم
واللي بيساعد انا لازم نزيد حاجة الجسم لحرق السعرات
وهاد بيكون عن طريق الرياضه
وكلما زاد الفرق بين الداخل والطالع بينزل الوزن اكتر
ماهي الاغذية المسؤولة عن زيادة الوزن اكثر الدهون ام النشويات ؟؟
اكيد طبعا اي شي بيزيد عن الحد المسموح فيه رح يزيد الوزن
بالعكس ممكن انو تناول الكميات المسموح فيها من النشويات والدهون
والموجوده في النظام الغذائي تعطينا شعور بالرضا والشبع
(طبعا فقط في نطاق المسموح)
وهاد بيساعد على تحمل النظام الغذائي والالتزام فيه
يعني انا مثلا باعتقادي الشخصي اني لو ضليت طول اليوم اكل خيار
مستحيل اني اشبع او يجيني شعور الشبع
وصراحه عندي قناعه شخصيه انو الخيار بيجوع!!!
بس شو نعمل مضطرين ناكله1!!
]
ما هي وجبة الفطور المثالية لمن اراد اتباع حمية صحية ؟
اكيد خبز اسمر مع شيء قليل الدسم (جبنه بيضاء او صفراء) او ممكن البيض لانه بيعطي
شعور بالشبع مع نوع خضار (خيار او خس او بندوره....)
واكيد الحليب قليل الدسم مهم جداااا
كم كيلو غرام يجب ان نفقد في الاسبوع ؟؟
والله انا شخصيا بفضل لنو نفقد كتير خصوصا اول فتره وخصوصا اذا كنا
ملتزمين بالرياضه بشكل كبييييير
ليش ما ينزل وزنا كتير.... مش غلط
اصلا رح يعطينا دافع اكبر انو نكمل
وانا ما بقتنع اكون حارمه حالي طول الاسبوع عشان نص كيلو او كيلو
لو اكلت نفس الاكل وزدت من الرياضه ليش ما اخسر وزن اكتر!!!
(وجهة نظري طبعا)
الماء مهم لانقاص الوزن هل يمكنني شرب الماء في اي وقت ؟؟ام ان هناك اوقات لايستحب فيها شرب الماء ؟
اكيد الماء مهم في كل الاوقات
]هل التمارين الرياضية مهمة لانقاص الوزن ؟
مالمدة الزمنية الكافية للتمارين الرياضية اذا كنت راغبة في تخفيض وزنك ؟؟
طبعا مهمه كتير ومن غيرها ما رح ينزل الوزن
الاهم من التمارين الرياضيه ومدتها انا نبدأ فيها بالتدريج
يعني مش معقول تكوني طول النهار قاعده على التلفزيون او الكمبيوتر وفجأه تصيري تمشي او تركضي ساعه ونص!!!
لا مش غلط نبدأ بربع ساعه مشي بطيئ وكل يوم نزيد شوي شوي
والاهم في التمارين الرياضيه انو لازم نوصل لمرحلة حرق الدهون
وفي جداول معينه اظن انها بتعتمد على الاعمار بتوضح نبض القلب اللي لازم توصليله عشان جسمك يبدأ يحرق الدهون
يعني لو مشيتي ساعه كامله ونبض قلبك كان 110 او 120 فانتي ما حرقتي دهون
ولا حتى استفدتي من الرياضه
وصدقوني لازم تعرقوا او يصير وجهكم احمر لانه هاد مؤشر على بذل الجسم لمجهود في حرق الدهون
اسفه طولت عليكم بس حبيت اشارككم برأيي
وصدقوني عن تجربه لاني قدرت انزل 10 كيلو في شهر باتباع نظام صحي ولعب الرياضه بالشكل الصحيح
وانشاءالله ارجع لنفس الهمه والاراده وانزل مره تانيه
ادعولي
الروابط المفضلة