أول شي أنا تعبانة نفسياً جداً والدنيا مسدودة بوجهي وقاعدة أكتب وأنا والله قلبي يبكي قبل عيوني
مصيبتي في وزني
ياناس أنا عمري 34 سنة عندي ولد وبنت وباقي صغار
واللي يشوفني يقول إني جدة جدة جدتهم من ثقلي والله حتى جدة جدة جدتهم مو زيي أكيد إنها كانت نحيفة !
لأنو مالي شبيه ابد
ياناس أنا وزني 161 كيلو
تراني كتبت صح وانتوا عيونكم ماخانتكم ولا شي أنا فعلا كذا وزني 161 كيلو
لا واسمعوا اللي أكثر من كذا
أنا طولي 164 سم يعني باقيلي 3 كيلو واصير مربع
شفتوا انا في أي مصيبة
طول عمري وانا أعمل ريجيم انحف وامتن وانحف وارجع امتن
لحد ما وصلت لهذا الوزن بعد ولاادتي الاخيرة
ايش اعمل ..
زوجي ادري انه ماعاد طايقني لاني ما صرت اشوفه الا صدفة بالبيت
ماينلام اكيد طفش من الفيل اللي يشوفه كل يوم
بس ما يبغى يقول لانه قالي قبل كذا كلمني وطبعا ما تحملت
وكنا بننفصل وزاد زاد زاد وزني من بعدها بسبب قهري وحطيت حري في الاكل من وقتها
ما صرت ابغى اختلط بالناس ويا كثر جمعات وعزايم اهله وطبعا يبغاني اكون موجودة وانا ابغى اكون مختفية عن الأنظار
أنا حزينة على نفسي وعلى اولادي اللي مااقدر العب معاهم جدتهم تلعب معاهم احسن مني
انا قاعدة ابكي ياناس انا محطمة محطمة محطمة ويائسة فاهمين كيف حالتي
زوجي رااااااااااااااااااااافض رفض تام موضوع تحويل المعدة يقولي انا ابغاكي نحيفة بس ماابغاكي تمرضي ولا تموتي ومافي اي نقاش ممكن معاه في هالموضوع استعنت بالله ثم بأهلي وأهله يمكن احد يوقف جنبي ويأيدني في موضوع العملية هادي بس ما احد مأيدني ابدا
ايش أعمل ؟؟
من كثر ما سويت ريجيمات في حياتي صرت مو قادرة اعمل اي شي ثاني وصرت موعارفة اصلا ايش اعمل
وصرت يائسة استغفر الله العظيم بس انا فعلا يائسة ومحبطة وثقتي بنفسي وفي كل شي ضعيفة
لو اثنين يتكلموا مع بعض احس ان الكلام عني لو ضحكوا احس ان ضحكتهم عليا
انا ابغاكم تسبوني وتهزأوني لأني موقادرة الملم شتات نفسي وابدأ ريجيم
ابغاكم تهزأوني لأني ضعيييييييييييييييييفة وبس قاعدة ابكي على حالي في كل دقيقة بس بايش يفيد البكا ؟
زواج اخت زوجي بعد شهرين وخيطت فستان طلعت فيه زي الحوت زي الفيل
ايش اعمل بس ياناس
انا حتى معرف اسوي اية ريجيم
ومعرف انا متى عاد اببدأ
اختكم الحزينة حتى الموت / أم فهد
رد مع الاستدلال
الروابط المفضلة