حبيت استجابة لرسايل كتير ..انى اتكلم فى كم حلقة عن الروتين اليومى الصحيح للعناية بالبشرة ...ومش هنرغى كتير ...ببساطة دايما اقول حافظ وحافظى على بشرتك فى عشر دقايق او ربع ساعة ..ده كفاية يا حكيم ...اه كفايه ...ركزى على التلات امور اللى هقولها فى نظامك اليومى ..هتلاحظى اولا تحسن الحالة العامة للبشرة ..ثانيا تخلص البشرة من بعض عيوبها بدون مجهود...ثالثا هتلاحظى وضاءة وتالق..لان البشرة تحتاج الى اعتناء بسيط وعدم اهمال ...البرنامج بلخصه فى تلات كلمات ..بسهلها اكتر فى تلات حروف ...ركزى معايا.....(نور)....ن.......و.......ر....البرنامج كله فى كلمة نور..طب ده اختصار ايه يا عم الحكيم ...ركزى ورددى ورايا انتى وهية وسيبك من البامية دلوقتى..طفشتو الراجل باقماع البامية وسواد البتنجان ...آن الأوان ان نتحرر من أسر البتنجان...
ن -------> نظفى
و--------> وحدى
ر -------> رطبى
سر جمالك فى الكلمة دى...نور...نظفى بشرتك ...وحدى قوة البشرة وتناسقها...رطبى بشرتك ...تعالو وتعالين...دى للنسوة طبعا ..نشوف اول عنصر فى سر ((نور)) للروتين اليومى للبشرة وهى النون...ودى فعلا لازم تكون...نون النسوة....نون....نظفى بشرتك ..
* كل يوم حضرتك خارجة من البيت بتواجهى كم هائل ليس من التراب فحسب لان بلدنا مفيهاش تراب خالص..طبعا حاسين بكدة...بل ايضا ملوثات غريبة الشكل والمنظر...فكرى بمجرد وصولك لعملك ان تمسحى بشرتك بمنديل ورقى ...انصحك متجربيش..لانك هتصابى بصدمة...كل ده بييجى على البشرة ؟ طبعا ...وبيسد مساماتها ؟؟؟ أينعم ...طب ودى ضررها فى ايه يا حكيم ..ببساطة هتسد مسامات بشرة جناب حضرتك...والبشرة دى عاوزة تهوية فتتخنق ..وتشرق..وتكح...ولونها يبقى غريب...مش كدة وبس ده الافرازات الدهنية الطبيعية تتحبس ..وتبدأ البكتريا فى ممارسة هوايتها ...ويبدأ عناء الحبوب..او التهابات خلوية ...انتى فى غنى عنها ..من هنا تاتى دور النون ...نظفى بشرتك يوميا ....اذا بماذا انظف بشرتى ....وكيف ؟؟
١- بماذا ؟؟؟ اكيد مش بالصابون المعتاد ...يا نهار ابيض ..ليه يا حكيم ..ببساطة لان بشرتك لها مقياس حامضى ٥ أو ٥.٥ حامضى يعنى سنة معظم الصابون العادى قلوى اكتر من ٧..وده يسبب جفافا فى البشرة وتقشر واحيانا التهاب ...امال انضف بايه ..اجمل ما ينظف بيه هو الماء ..ويزيد جمالا اذا كان فيه خلاصة عشب خفيفة ..لو هتستخدمى صابون قبله او بعده استخدمى صابون مظبوط الحامضية زى مثلا بروتكس رقم واحد...كان زمان ممتاز هل تغير ؟؟مقدرشى اقول فى زمان تغير الذمم....ده تنظيف يومى ...التنظيف الاسبوعى بماسك خفيف غير دهنى ...هنا تسالنى واحدة ناصحة -مع ندرتها - سؤال حلو ...طيب ما هو الماسكات اصلا ممكن تسد المسام..ناصحة والله...شوفى يا ستى الماسكات الصح لها قدرة على امتصاص الشوائب اصلا يعنى بتعمل سحب ..الامر التانى ان حضرتك هتغسليها برضو فتبقى شلتيها وشلتى معاها الشوائب ..ود كتير بيلاحظوه بعد ماسك نضارة البشرة او حتى التفتيح ..طبعا فى تنظيف بماسك صنفرة وده مهم بشرطين..الصنفرة تبقى مش جارحة او مدببة ودى عملنالها مطحون بذور طبيعية خفيفة جدا...الشرط الثانى الا يزيد الاستخدام عن مرتين شهريا يعنى كل اسبوعين على اقصى تقدير ...دايما اعجنى بودرة الماسك بخلاصة عشبية ملطفة زى خلاصة الكاموميل او الصبار او ورق الزيتون او اللافندر او الكالنديولا...يبقى رغوة خفيفة من صابون مظبوط الحامضية ..ثم شطف بماء عذب ...اشطفى حتى تتخلصى من كل الصابون...وخلى دايما فترة الشطف ثلاث اضعاف فترة التنظيف....ودعى بشرتك تتنفس....ونلتقى مع ((واو)) ..((نور))...شكرا لكم
الروابط المفضلة