الامينوكولاجين....وشباب السنين
سالتنى اخت فاضلة عن منتج انتشر فى المنتديات العربية وبعض الاسواق اسمه امينو كولاجين وزى ماهو واضح انه بيلعب بعواطف الجنس اللطيف وحلمهم ببشرة لا تشيخ جذابة تسر الناظرين وده سؤال جميل ومفيد لذا احببت ان يشاركها فى الاستفادة كل راغب فيها ...لو فى يعنى ..و هذا السؤال يحتاج اجابة طويلة ولكن المختصر المفيد ان المشروب ده يحتوى على كولاجين سمكى المصدر (اللى بيتكون من كم حمض امينى ) + الارجينين وده حمض امينى مفيد وفيتامين سى وده برضو مفيد والجلكوزامين سلفات وده حاجة جميلة طبقا لاخر الابحاث ...الكولاجين اول ميدخل المعدة والامعاء يتكسر لمكوناته الاساسية ..اللى هية الاحماض الامينية وطبعا الجسم غير قادر على اعادة تكوينه لكولاجين تانى....يفضل عندنا الاحماض الامينية ..اللى فعلا ممكن يستفيد منها الجسم ...طب والكولاجين اللى انا اصلا شارية المنتج علشانه؟؟ مراح يا ستى واتكسر ... امال انا بشرب ايه ؟؟ بتشربى شوية احماض امينية مع بقية المكونات المفيدة للبشرة والمحفزة لانتاج الكولاجين طبقا لبعض الابحاث الحديثة .اما كونك تستفيدى من هذا الكولاجين فده صعععععب ومعتقدشى باحث منصف يؤيده....طب امال انا لاحظت تحسن فى وشى...ووشى ملا وتخن ازاى ؟؟ ده للاحماض الامينية اللى بتاخديها ( والتى لا تخلو كثرتها من مشاكل ) ...وبقية المكونات ...طيب امال الناس بيبيعوه فى المنتديات ليه ؟؟ لانهم ببساطة سذج وبيبيعو اى حاجة تكسب ...زى مكانو بيهروا بعض بشوربة التخسيس بتاعة الدكتور اياة واللى طلعت فى الاخر بينى وبينك سامة ...الذى اردت ان اصل اليه ..انك لوشارية المنتج طمعا فى فايدة الكولاجين اللى فيه ...فلا تشتريه...اما طمعا فى بقية المكونات المفيدة ...فلا باس
رد مع الاستدلال
الروابط المفضلة