ازيكم يا بنات كل عام وانتم بخير
انا قلت اعمل حمله للمرضعات علشان ظروفهم متسمحش بأى رجيم علشان اللبن
انا بنتى عمرها 3 شهور ونصف عملت رجيم قبل كده لقيته وقف اللبن وبرضه لما اتمشيت على المشاية ساعة باليوم اللبن برضه وقف
الحمله مش هنلتزم بنظام معين ولكن هنحاول كل واحدة على حسب الرجيم اللى ممكن ينفعها علشان اللبن
واللى ما تقدرش ممكن تقلل الطعام او تستبدله بأكل سعراته اقل مثل مثلا بدل اللبن الكامل الدسم لبن نصف دسم وانا بقول نصف مش خالى علشان الدكتورة قالتلى انى اخلى الامور الوسط علشان لبن النونو يعنى نوسطن الامور مثلا بدل المحمر يكون مشوى ونستبدل المياه الغازيه مثلا بالدايت منها
وبدل السكر نستخدم بديله وهكذا والمشى بدل ساعة يكون مثلا من 10 دقايق لتلت ساعة يوميا
والوزن يكون كل 10 ايام والراحة من الرجيم ايضا تكون كل 10 ايام
انا كبدايه هخلى هدفى الاول هو الاستمرار على العشر ايام اللى جايه على الرجيم حتى لو مش هنزل عليه بصورة جيدة علشان ابدء اعود جسمى يعنى مش هيكون هدفى الاول بوزن معين وبعدين ان شاء الله اكون قدرت على الرجيم واجعل هدفى بالوزن اللى محتاجة افقده كل 10 ايام مع انى من انصار الرجيم السريع وكنت متعوده عليه وبنزل على الرجيمات السريعة بطريقة هايلة وسريعة لكن الظروف تحكم وكل واحدة ليها الحريه فى تحديد اهدافها
واللى عندها اى فكرة جديدة او تفيد فى زيادة اللبن مع الرجيم او رجيم سهل ومريح ياريت تفيدنا ونساعد بعض
انا مستنياكم لو شجعتونى واشتركتوا معايا هنبدأ سوا ولو مشجعتونيش مش عارفة
ياريت نشجع بعض فى انتظار اشتراكوا وربنا ان شاء الله يوفقنا
الروابط المفضلة