بسم الله الرحمن الرحيم
كل سنه وانتم طيبين
اهلا بيكم معايا مره تانيه فى جروب جديد هدفه الوصول للوزن المثالى ومساعدة بعض لتحقيق هذا الهدف باذن الله
رمضان خلص والعيد كمان واللى فاضل اوزانا اللى زادت بعد التخبيص اللى حصل طوال الفتره السابقه
علشان كده حبيت اعمل جروب جديد للبنات اللى كانت مشتركه معايا من قبل ( طبعا لو حبوا يشتركوا معايا ) وبنات جدد يدخلوا علينا الحماس ونشجع بعض
( انا غيرت اسم الموضوع السابق لاننا لازم نكون رشيقات دايما مش رمضان بس لا طووول السنه )
حنقسم الجروب لمجموعات حسب الاوزان والتنافس حيبقى بين المجموعات على لقب المجموعه المثاليه ( بحساب مجموع الكيلوات اللى نزلت من كل مجموعه ) يعنى كل البنات فى المجموعه الواحده يشجعوا بعض للحصول على الترتيب الاول واللقب ( تنافس جماعى وليس فردى )
نظامك الغذائى براحتك هرم غذائى او نقاط او سعرات براحتك واللى يريحك امشى عليه
ولكن فيه عندى شروط بعضها اجبارى والاخر اختيارى اقروها وحددوا قراركم
اولا الاجبارى
الالتزام 100% بالدايت ( مفيش سماح المره ده او معلش معزومه كل ده مش حيمشى معايا 
) المشى 4 ساعات فى الاسبوع قسميهم براحتك ( اللى مش ناويه تلتزم بالشرط ده متدخلش احسن 
) شرب الماء كتير ( رايحه جايه تشربى صحيتى من النوم تشربى رايحه تفطرى اشربى تتغدى اشربى تضحكى اشربى الخ الخ الخ عاوزاكم بالونات ماااااااااااء )
الميزان كل عشر ايام ( مفيش تزويغ )
اللى عارفه نفسها مش حتلتزم متشتركش احسن وتسيب مكان للى ناويه تلتزم ومن الاول بلاش تتعب نفسها
ثانيا الاختيارى
تصوير الميزان وتحميله فى المنتدى ووضعه فى الرد
شرب سوائل تساعد على الدايت ( جنزبيل بالليمون جريب فروت او برتقال 
شاى اخضر يا سلام عليه 
) كل على حسب ظروفك وتقبلك للمشروبات ده
تسجيل البيانات ( الطول السن الوزن ) مفتوح لغاية يوم السبت 26 سبتمبر ان شاء الله
عاوزه بنات قويه تقاوم شهوات الاكل وتعمل بحديث الرسول ( صلى الله عليه وسلم ) اننا نملى ثلث المعده للشرب وثلث للاكل وثلث للنفس
اتمنى انها تكون فاتحة خير ليكم وليه وبدايه قويه لحياه جديده كلها صحه ورشاقه وبعدهم ثقه فى نفسك انك ممكن تعملى المستحيل بكل بساطه ان شاء الله
رشيقات طووول السنه
كتبت بواسطة لمسه اطفال
الروابط المفضلة