اخواتي مشرفاتنا الغاليات
كما تعلمون انني الآن في الشهر الثامن وباقيلي شهر ونص على موعد ولادتي
صارلي اسبوع تقريبا اشعر بأوجاع توسعات اسفل الرحم وانا طبعا بعرف شو يعني توسعات لأن هذا حملي الخامس على خير
المهم نأتي الى بيت القصيد
انا طبيعة جسمي لما اصل الى المراحل الاخيرة من الحمل بيكون التوسعات عندي شكلين : اوجاع اسفل الرحم وايضا وجع بالكلية اليمنى يعني بتصير تضرب علي
يعني اقولكم بحمليني الاخيرين قبل هاد بنهاية التاسع قبل موعد الولادة باسبوع صارت الكلية اليمين تضرب علي بطريقة ممييييييييييتة كنت رح اموت ورحت عالفجر للمستشفى لحتى اخد مسكنات للكلية وللا طلع عندي توسع 5 اصابع وقالتلي الدكتورة هاد وجع الطلق وليس كلية
قلتلها لا
الوجع هون واشرتلها جهة اليمين ولكن من الظهر قالتلي هاد طلق
المهم
الآن بعدني بالتامن وصايمة ولله الحمد ولما افطر ما بفارق قنينة المي منشان ما توجعني الكلية لكن اثناء الصوم بتوجعني كتير وبتضرب علي ومع ذلك بدي اكمل صومي والاجر عند ربنا ان شاء الله
سؤالي: هل وجع الكلية خاصة انه تزامن مع اوجاع اسفل الرحم من بداية هذا الاسبوع هل اعتبره طلق خفيف وتوسعات ام انه قلة شرب ماء وايش الحل لحتى اخفف منه ويزول خاصة اني بشرب مي كتيييييييييير طول اليوم وانا مفطرة بس لما اصوم طبعا بيرجع يوجعني وهل في مشروبات معينة بتزيل وجع الكلى او بتزيل الرواسب منها متل زنجبيل او غيره علما ان عندي زنجبيل مطحون مو طازج؟
بارك الله فيكم غالياتي المشرفات افيدوني جزيتم الف الف خير
الروابط المفضلة