حبيبتى ... حاولى الاول انك تشوفى من 5 سنوات لحد دلوقتى نظامك فى الاكل كان ازاى عشان تزيدى فيهم 26 كجم ... حاولى تشوفى الاول ايه الحاجات اللى فى اكلك وانتى بتشتهيها وبتسبب السمنة ... وبعد كده تحطى قدامك هدف انك تخسى بهدف انك لسه بنوتة مقبله على الزواج ...
ولعلمك لان وزنك عدى الـ 100 فحيكون قابل للنزول بشكل كبير اكتر من اللى وزنها فى الثمانينات او السبعينات .... لان حتلاقى جسمك محتوى على الماية بشكل كبير ...
فى نظام اكلك حاولى تتبعى السلوك السليم فى الاكل ... بمعنى انك تبدأى تشربى كوبين ماء قبل كل وجبة .. ده عشان تسد نفسك شوية .. بالاضافة الى انك وانتى بتاكلى حطى فى بالك انك عاوزة تخسى ما تحطيش فى بالك ان الاكله دى بتحبيها .
كمان حاجة تانيه .. انك لما تغرفى طبقك ما تحطيش اكل كتير فى الطبق .. لا .. حطى كمية بسيطة ولما تخلصيها ما تحاوليش انك ترجعى تغرفى تانى .
حاولى تملى بطنك بالماء على اد ما تقدرى قبل كل وجبة
نصيحة منى .. وسمعتها من دكتور تغذية .. وانا كمان مجرباها ... اول ما تقومى من النوم الصبح اشربى 4 اكواب ماء على الريق ... حاولى حبيبتى انك تشربيها ... الدكتور قال لانها بتنظف المعدة من اى فضلات موجودة فيها وبتغسل المعدة .... وكمان قال ان الـ 4 اكواب دول بيساعدوا على التخسيس ....
حبيبتى حاولى بجد تحطى قدامك اهداف .. وزى ما قالت لك مايا كمان .. انك تبطلى المشروبات الغازية والحلويات والمقليات ... لمدة اسبوع بس ... حطى فى بالك انك تنظمى نفسك لمدة اسبوع فقط لا غير وتشوفى نفسك فى اخر الاسبوع حيكون وزنك كام ...
الصبرررررر كمان ده اهم .... واعتقد انك طالما عاوزة تخسى فحتصبرى ان شاء الله
وابعدى عن اى فكرة للعمليات خالص ... المفروض العمليات دى بتبدأى تفكرى فيها اذا جربتى كل انواع الريجيم وما نفعش معاكى .. لانى اعرف ان فى ناس اضرت من العمليات دى .
وربنا يوفقك ان شاء الله ويكرمك ويرزقك بالزوج الصالح ان شاء الله
معلش طولت عليكى
السلام عليكم
الروابط المفضلة