ازيكم يا بنات عاملين ايه؟
معلش ندخل فى الموضوع على طول وعالسريع
طبعا انا منذ الطفوله اعانى من امساك شديد وزاد الموضوع معى فى سن ال 16 او بعدها بشوية
وبدأت المعاناة فى الآلآم الرهيبة وقت الحمام وطبعا نزول دم
تهدا الحكايه شوية وترجع تانى ولم اكشف او احاول اتعالج كنت لسه بنت وخايفه ومكسوفه اروح لأى طبيب
تزوجت وعمرى 23 سنة ومع او بعد الولادة الاولى طبيعى زادت وكانت غير محتمله لدرجة ذهبت للطبيب وكنت ابكى له وكنت فى رمضان قاللى تعالى بعد العيد اعمللك العمليه ولكن الأمور ارتاحت وانا بصراحه استخسرت اعملها بعدما ارتحت
حملت تانى ومع ولادتى التانية يمكن من تانى يوم الولادة الى اربع شهوووووووووووووووووووووووووووووووووووووووووووووووو وووووووووووووووووووووووووووووور مستمر الألم ولا يذهب بس الم مش طبيعى فعلا موووووت الاكتئاب على اصوله والآلآم المميته ذهبت للطبيب قاللى بواسير من االدرجه التالته وشرخ شرجى وطبعا محتاجه عملية كنت خايفه علشان الرضاعه والبيبى بس طمننى قاللى يرضع بعد العمليه
والله العظيم اخذت القرار فى ثانية وانا واقفه عندة فى العيادة وبعدها بيوم واحد كنت فى المستشفى بعمل العملية
عملتها ببنج نصفى مدة العملية ثلث ساعه والله لم تكمل النصف ساعه ومفعول البنج بدأ يروح بعد حوالى خمس ساعات والألم كان موجود طبعا بس محتمل وكل الم بعد العملية اهون واخف وارحم مليون مرة من قبل العملية والله يا بنات
ودخلت اول حمام بعدها بيومين من الخوف ايضا كان مثل قبل العملية او اخف فى الألم والله بالتدريج الالم بيخف ويهدا واكتر يوم اتألمت فيه كان اخف كتير من قبل كذه يا بنات اى واحده بتعانى من هذا الموضوع لا تخاف من العمليه وتتشجع واى استفسار انا موجودة بما انى من سنين طويلة من حوالى اكتر من عشر سنين لى خبرة فى هذا المرض اللعين ربنا يتم شفائى على خير ويشفى مرضى المسلمين جميعا
رد مع الاستدلال
الروابط المفضلة