بالنسبه لرجيم الدكتور فاروق شاهين أنا حكتبه دلوأتي مع طريقة تثبيت الوزن
يلا نبدأ علي بركة الله بس إدعولي أخس عليه
الاول
الافطار
كيك او قطعة جاتوة اوشيكولاتة كيت كات اربع قطع اوكرواسون او دانش بعدالفطار بساعتين تلاتة واحدة فاكهة
الغداء
نصف فرخة مشوية او مسلوقة او تلت ك لحمة او نصف ك سمك اوتلت ك كفتة +خضار ني في ني او مسلوق + سلطة
بعدة بساعتين تلاتة واحدة فاكهة برتقال او يوسفي او جوافة او كمترة
العشاء
ربع رغيف + قطعة جبنة او بيضة مسلوقة او 3 ملاعق فول + نصف سلطة وبردة بعد العشا بساعتين واحدة فاكهة ودة في كل الانظمة ماعدا اللي حقولك علية
الثاني
الافطار
2بيضة مسلوقة او جبنة او 6 ملاعق فول
+1 خيار او جرجير+نص رغيف

الغدا
نفس النظام الاول
العشاء
تونة مصفاة +نصف سلطة
او 1 زبادي +2فاكهة
الثالث
الافطار
نصف رغيف +جبنة او 2بيضة او 5م فول + جرجير
الغداء
زي الاول
العشاء
ممكن تقسمي العيش ربع في الفطار وربع في العشاء اة نصف في الفطار فقط +جبنة او نصف تونة او سوسيس او 3قطع لانشون +سلطة
علي فكرة ليكي في اليوم عامة نصف كوب لبن كامل الدسم او 3|4 كوب منزوع الدسم
الرابع
الفطار
نفس فطار الثالث

الغداء
ربع رغيف او علبة زبادي كبيرة فيها ارز مسلوق + الفراخ واللحمة اللي سبق زكرهم + سلطة
العشا
1 زبادي واتنين فاكهة او تونة وسلطة
الخامس
علي فكرة كميائي ولازم النظام دة واللي بعدة يطبقور ورا بعضهم علشان ميحصلش زيادة
الفطار
2 ف-------اكهة
الغداء
صبق سلطة + خضار مسلوق او ني في ني
العشاء
نصف فرخة اةتلت ك لحمة او كفتة او نصف ك سمك او زبادي او 2بيضة
هذا النظام مافيش فاكهة بين الوجبات
السادس
الفطار
2فاكهة او 2 بيضة
الغدا
نفس النظام الاول
العشاء
1 زبادي + 2 فاكهة او تونة
مصرح بالفاكهة بين الوجبات
بعد كدة كرري النظام التاني والتالث وبعد كدة عيدي من الاول علي حسب ما تعوزي وزنك
نظام التثبيت
عبارة عن اربع ايام ريجيم وثلاثة مفتوح والاربعة الدايت بيكونوا
الافطار
ربع رغيف + بيضة مسلوقة او 4 م فول او جبنة + شاي او قهوة او نسكافية
الغداء
4 ملاعق ارز مسلوق او مكرونة مسلوقة او ربع رغيف +خضار ني في ني + لحمة او فراخ او سمك او كفتة مشوية + سلطة
العشاء
2فاكهة او زبادي

انا عاوزة اسأل هل هذه الرجيمات بتخسس كل الكيلوات المكتوبة دى عن تجربة ولا لأ
وكمان عايزة اعرف الرجيم اللى كاتباه فجر للى وزنهم كام كيلو وايضا الرجيم الى كاتباه نشوى للى وزنهم كام كيلو
وهل فى احد منهم كان بيتابع مع الدكتور فعلا
اصل انا عايزة اروح له او اخد ريجيمات من حد بيتابع عنده
ويكون فى مثل وزنى
انا وزنى فوق 100كيلو

انتوا فين يا بنات!!!!!!!!

كتبت بواسطة @honey@

انتوا فين يا بنات!!!!!!!!

انتى وزنك كام انا بفكر جديا اتبع الريجيم دة بتاع فجر عاجبنى قوى
انا وزنى 127 ومتهيألى ان الوزن لازم يكون فوق المية
فى انتظارك لو تحبى نتبعة مع بعض

عزيزتى احلام عادية
اخيرا حد تجاوب معايا طبعا موافقة نتبعه مع بعض
انا ابتديت من النهاردة الاسبوع الاول وعلى فكرة هو مش متعب
كل 3ساعات فى اكل
انا كمان ان شاء الله بعد اسبوع او اسبوعين ناوية اروح للدكتور فاروق شاهين
لان ريجيماته سهلة وبتجيب نتيجة كويسة
بس قلت ابدأ الاول واجرب الريجيمات قبل ما اروح له
اما عن الوزن 137
وياريت نشجع بعض حتى نصل للوزن المناسب

كتبت بواسطة @honey@

عزيزتى احلام عادية
اخيرا حد تجاوب معايا طبعا موافقة نتبعه مع بعض
انا ابتديت من النهاردة الاسبوع الاول وعلى فكرة هو مش متعب
كل 3ساعات فى اكل
انا كمان ان شاء الله بعد اسبوع او اسبوعين ناوية اروح للدكتور فاروق شاهين
لان ريجيماته سهلة وبتجيب نتيجة كويسة
بس قلت ابدأ الاول واجرب الريجيمات قبل ما اروح له
اما عن الوزن 137
وياريت نشجع بعض حتى نصل للوزن المناسب

انا ببتدى معاكى من بكرة احس انة كويس لاوزاننا
وما نستطيع على الاقل فى الاول ان نقلل اكلنا اكثر من كدة
بس عايزين نتفق على شئ
وهو ان كان معدل نزولنا مش مرضى جدا مثل ما مكتوب مش مهم نكمل لو حتى خسنا فى الشهر 10 بدل 16 مش مهم المهم نعود انفسنا على التحمل وبعدين نكمل المشوار انا امامى 5 شهور قبل ما انزل لاهلى ان شاء الله اريد ان يكون وزنى بدل 127 حتى 85 يعنى انقص 42 ك بمعدل 8 ك فى الشهر وان شاء الله بحقق هذا هاة تستمرين معى وممكن نتواصل على الاميل لو عايزة

ماشى انا موافقة
وانا على فكرة من حوالى اسبوعين كنت عاملة نفس الريجيم ده ولكن سافرت فى اجازة نصف العام مع زوجى واولادى وطبعا كل حاجة اتلخبطت وعملته خمس ايام خسيت فيهم 3كيلو وده طبعا لان وزنى كبير
وانا ناوية زى ما قلت لك اننى هاروح للدكتور بس بعد ما اتعود على الرجيم وابقى اكتب لك الريجيمات الى هاخدها وان شاء الله نخس وما نرجعش اللى خسيناه تانى لان سبب زيادتى فى الوزن اننى عملت ريجيم وبعد ما خسيت رجعت اللى خسيته اضعاف

هو انتى مش قاعدة فى مصر - امال قاعدة فين حسيت من لهجتك انك مصرية
وياريت تبعتى لى ايميلك على الخاص
وربنا يوفقنا

انا اضفت حاجة للرجيم هى انى باخد اقراص بران مع كل وجبة
وهى بتحسس بالشبع شوية وبتمنع الامساك
ولكن لازم تشربى مية كتير

انا ياستى مصرية بس مقيمة بالسعودية
انا برضة كنت بفكر اخد ردة مع الأكل والأيميل حبعتهولك على الخاص

احلام انتى فين مش باينة عملتى الرجيم ولا لأ طمنينى

انا النهاردة فطرت باتيه وبعدها بساعتين اكلت يوسفى
والغداء كان رز وسلاطة وبعدها بثلاث ساعات 2جوافة
والعشاء 2توست +شريحتين جبنة شيدر + 2خيارة
وده تانى يوم لى
وعلى فكرة النهاردة الصبح وزنت نفسى علشان الرجيم حاسة فيه اكل كتير قلت اشوف ايه الاخبار لقيت نفسى خاسة كيلو
وده من اسهل الرجيمان اللى عملتها فى حياتى
ونصيحتى لكل واحدة وزنها فوق المية تعمله هتلاقيه سهل
وخصوصا لو بتحب النشويات زى حالاتى