نكمل يا بنااات قبل ما ستي تنام 
- و السكري و فقر الدم ايش حلهم...
- ملعقة عسل نحل مع كاسة مي على الريق تحمي منهم ان شاء الله....و زيت الزيتون كويس عشان فقر الدم....
-و شو من شان الحمى...؟
- الشيح المغلي بيخففها ان شاء الله و بيخلي المريض يعرق......
- و ابن جارنا اللي ارتعب من كلب الجيران يا ستّي..؟؟
- الله يصلحها امه، كانت شربته من طاسة الرعبة (الخضة او الرجفة) ، اللي هي طاسة نحاس منقوش عليها اية الكرسي و اسماء الله الحسنى بيشرب منها ثلاث مرات.....
- طب يا ستي كم وصفة على ذوقك....
- الحامي رب العالمين، وما في شفا بغيرإذن رب العالمين .....
اممممممم من شان النمش اللي بوجهك حطي عليه ريحان مسلوق، و ادهنيه بزيت اللوز،
و الطحينة مليحة للحبوب بالوجه، العنبر مع العسل بيرجعو بإذن الله القوة للكهل، و
اللبان الذكر مليح للذاكرة، زيت القرنفل بيطرد الغازات من البطن، الزعتر بيخفف من
وجع الاوراك، زيت النعناع بيخفف وجع البطن و النقرس و عرق النساء .....و شو بدي
عدلك لعدلك.....
- طيب انت من شو بتشكي....؟؟
- انا الحمد لله ما بشكي من شي.....بس علتي دواها صعب....انا علتي الوطن...و هاي ما
لها دوا غير حفنة من تراب بلادي....
يوم اللي ارجع ع بلادي و ع داري اللي ما بقيلي منها غير ها المفتاح المعلق بصدري.....
بتمنى تكون عجبتكم......انتظر اراءكم القيمة......
ملاحظة:
هذه الوصفات بحثت و سألت عنها و لكني لم اجربها و لست طبيبة حتى اقيمها لذا فلا انصح بتجربتها الا بعد سؤال المختص و انا اخلي مسؤوليتي امام الله، فالهدف الاساسي من الموضوع هو تسليط الضوء على جانب من تراثنا الفلسطيني..
.
، اسألي يا ستي ايش بدك...
- يا ستي صدري طابق علي، و نفسي ضايق، شو فيني اعمل...- ول سلامتك، هذا اكيد البرد، كلتلك (قلت لك) لا تروحي من مكان دافي لمكان بارد كبل(قبل) ما تشربي كاسة مي (ماء)، خذيلك شوية عسل و اخلطيهم مع صفار بيضة واشربيهم على الريق، بتروح السعلة ان شاء الله، و من شان صدرك خذيلك شوية عصيرقصب هاذ بينظف الحلق و اذا معك بلغم كليلك كم حبة فجل، و من شان نفسك الليضايق، احرقي شوية شيح و سكر و استنشقيهم بتصيري مثل الفلة......و لا تنسي تدهنيصدرك بزيت السمسم بالليل......(اللهم عافينا) بنربط فوق
بنكوي حوليها بالنار و بنحط
رد مع الاستدلال
كتبت بواسطة *عاشقة الاقصى*
الروابط المفضلة