السلام عليكم
اهلا ببنات المنتدى اكيد نسيتوني لاني من زمان منقطعه عن الكتابه لكن اطلع على الموضوعات باستمرار المهم راح احكي لكم حكايتي الحزينه مع شاهي الرشاقه الضيافه طبعا اكيد شفنتوا الوصفه هذي زيي وطبعا من غير مااقولكم رحت واشتريت الشاهي وقلت خليني اجرب ماني خسرانه شي مادريت اني بخسر احلى حاجه فيني في البدايه طبعا حسيت بلام فظيعه بمعدتي حسيت ان مصاريني بتتقطع لكن قلت معليه كله يهون في سبيل الرشاقه
واسهال وتحملنا واستمريت في استخدامه مره في اليوم بعد العشا مع عمل رجيم وكنت سعيده بالنتيجه لانها فعلا ساعدتني ونقصت كيلو في اقل من شهر بتقولون بس كيلو بقولكم نعمه انا اصلا لي فتره احاول انزل ذا الكيلو ماني قادره والحمدلله صار وزني تمام وقربت اوصل للنتيجه المطلوبه لكن صارت ماساه ماانتبهت لها الا بلاخير وهي تساقط شعري في البدايه شعرتين ومااهتميت لكن لما زاد التساقط بديت افكر في السبب فكرت انها خلطة الزيوت اللي كنت احطها بشعري وفعلا وقفتها لكن مافيه فايده والتساقط مازال مستمرا احترت بديت استخدم وصفات
ومافيه فايده في النهايه وبعد تفكير طويل(وحده غبيه) تذكرت الشاهي وفعلا لما رجعت بذاكرتي
للوراء(الله من زين الذاكره) اكتشتفت ان التساقط بدا معي مع بداية استخدامي للشاهي....
والحين حالتي تبكي شعري خف بشكل فظيع ولكن لسه ماصلعت الحمدلله على كل حال
والمشكله اني ملكتي قريب وهذا اللي عقد المساله اكثر صار كل همي شعري اطالعه بالمرايه اليل النهار واذا استمر على كذا شكلي بكنسل الملكه ماني حمل نظرات الناس لي وش ذا عروس صلعا
وفي النهايه اطلب من البنات اللي جربوا الوصفه يقولون وش صار معاهم؟؟ واحسن لهم يبطلون الوصفه هذي (ابعد عن الشر وغني له) وخصوصا ان صاحبة الوصفه مو مو جوده عشان نسالها
وعندي رجاء منكم انكم تدعون الله يصبرني على بلواي ويعوضني عن شعري اللي طاح
وحسبي الله ونعم الوكيل
اسفه على الاطاله
بااااااااااي
الروابط المفضلة