السلام عليكم و رحمة الله وبركاته
اخواتى الاعزاء
و الله علشان بحبكم حبيت اقولكم ازاى الاهمال بقى موجود فى كل حتة حتى فى حياه الناس
حياه البنى ادم بقت رخيصه جدا
اكيد اللى مش من مصر سمع عن حمله التطعيم و اللى من مصر اكيد شاف ازاى كل الهيئات و الوزارات مهتمين بهده الحمله
اكيد هى مفيده جدا
انا معاكم محدش ينكر
بس زى ما قالوا فى الاعلام عن فوايدها كان لازم يقولوا انها ما ينفعش تطعم واحدة حامل او بتفكر فى حمل خلال من 3 الى 6 شهور
بلاش فى وسايل الاعلام كانوا قالوا فى الوحدات اللى بتطعم
هتقولولى اكيد قالوا
انا صيدلانيه فى وحدة صحيه من اللى طعمت الناس و محدش قالنا حاجة
و انا نفسى اتطعمت و بعدها بكام يوم عرفت من النت انى ماينفعش احمل خلال 3 شهور على الاقل
المشكله مش مشكلتى شوفوا معايا الاربع حالات دول و ادعولهم
1- حاله لواحده اعرفها عندها مشاكل فى الانجاب بقالها 3 سنين بتتعالج وتم علاجها واتطعمت فى وقت التبويض عندها و لا تدرى ايه اللى هيحصل
2- من محافظه المنيا حصل اجهاض لطالبه بعد اعطاءها الطعم
3-من المنيا ايضا حصل اجهاض لطالبه اخرى بقالها سنتين مبتخلفش و الان هى مهدده بالطلاق
4- من المنيا ايضا حصل اجهاض لفتاه زوجها توفى و كان هدا الجنين الامل الوحيد لترث من زوجها لان اهله طماعين و طردوها من بيتها
تبقى مأساه ولا لأ
يبقى لازم ننبه لان ارواح الناس مش لعبه
الروابط المفضلة