هاي يا بنات...ازيكو
كل بنت حلوة في الدنيا نفسها تكون كمان رفيعه وجسمها حلو ..وساعات يقابلو ناس ..انا بسميهم (محبطين)عشان بيقولولهم (تخسي ايه يا بنتي بلا وجع دماغ انتي كده جميله ولوخسيتي هتبقي وحشه)وطبعا الكلام في اغلب الوقت بيتقال لما تبقي معزومه عند حد من القرايب او صحابك..
يا جماعه اول حاجه عاوزه اقولوكو اني من الناس اللي جنو عليا اصحابي انا كنت زمان تخينه اوي ووزني كان 90 كيلو عشان يعني وقتها كنت خارجه من ثانويه عامه
وبعدين دخلت الجامعه وقررت اني اخس والحمد لله خسيت وبقيت 65كيلو وفي شهر ونص كان عندي اراده جامده مووووت والفكره كانت منوره اوي في دماغي
بعد كده صحابي بدؤوا بقي واحنا في اللند اسكيب بتاع الكليه كنا بنروح نرسم لوحات في الجناين وبعدين بدأت اكل واتخن واللي حوليا هما اللي حسسوني اني رفيعه ومش بتخن
وفجاه
بصيت في المرايا لقيت واحده تانيه وفي خلال شهرين.وزنت لقيت وزني بقي 79كيلو كنت بجد بفكر افجر نفسي
طبعا اول حاجه عملتها قررت اخسر صحابي طبعا
وبعدين ..لازم اعمل دايت تاني
بس للاسف ماكنتش بعرف
خلاص
معدتي اخدت علي الاكل الكتير ومش بشبع وطول الوقت بفكر انا حاكل ايه والله ...
روحت لدكتورز كتير اوي ومافيش فايده كانو بجد عاوزين يفجروني
بدأت ابقي عصبيه اوي لو ما اكلتشششش..بكمية كبيره
بقي كل تفكيري في الاكل تصورو
في اليوم الواحد 3 جانك فوود كومبو كأن في حفله
وبعد ما كنت اكل ...في الاول كنت بحس بالندم
بس بعد كده بقي اتعودت يلاااا بقي وبقيت كمان ااعزم صحابي في البيت عشان طبعا انتقم منهم واخد بتاري
وسادت روح الانتقام داخلي لازم تحسو باللي حسيت بيه
بعد كده عملت وقفه جامده اوي مع نفسي لسه بدأها من اسبوع وقولت لنفسي لا بقي حرام عليكي نفسك ليه عاوزه اضر نفسي؟كل حاجه بتدخل فمي لازم افكر قبل ما اكلها واعرف اللي يضرني ايه وما اكلوش ..بجد اوعو تسمعو كلام الناس كمان اللي بيقولو (ان الاغلبيه بيلتزمو بالدايت اسبوع ولا اسبوعين ويسبوه )قررو انكو ما تبقوش كده وتحبو نفسكو عشان تعرفو نفسكو وماتضروهاش وبجد كل لما تضعفو افتكرو النتيجه هتبقي ايه في الاخر وقد ايه هنبقي قدوه لغيرنا وهنبقي محل اعجاب وقبل كل ده هنعرف
ان اي حاجه عاوزيين نعملها ...هنعملها يعني هنعملها
عاوزاكو بقي تحكولي حكايتكو مع الدايت انتو كمان بالتفصيل واي مشكله ممكن نحلها مع بعض واحده واحده وهبقي قولوكو انا هبقي ايه بعد كده وانتو كمان تقولولي هتبقو ايه ونشجع بعض وكل يوم ندخل نكتب احنا انهارده عدينا اليوم علي الخير ولا لا...
معلش صدعتكو اوي..في انتظاركو بقي
الروابط المفضلة