:[شرح واقعي لعمليات شفط الدهون وشد المعده
السلام عليكم ورحمة الله وبركاته ...... من فتره وانا اقرأ في المنتديات تجارب لبنات وسيدات لعمليات شفط الدهون وشد المعده وبالتالي اقرأ الردود والمشاركات التي تأتي مع كل موضوع ولي عدة ملاحظات وقد قررت ان اكتب موضوع لعل الافاده تتم للكل اولا.....من يحتاج لعملية شفط الدهون هو او هي اللي وزنها مش كبييريعني بينها وبين الوزن المثالي بالكتيير 12 كيلو لان دا معناه انه رغم وزنها الشبه مثالي انه فيه اماكن بقيت ولم تتأثر بالريجيم اي انها تكتلات دهنيه باقيه في اماكن معينه فيه ناس في الارداف والارجل وفيه ناس في البطن وفيه في الذراعين وفيه في الظهر ..... وهكذا وهنا بيبأه مع طول وقت الريجيم ولعب رياضه خفيفه وعدم استجابة الاماكن دي بتكون محتاجه لعملية شفط الدهون دا اذا كانت مأثره نفسيا على صاحبتها لان في ناس مابيفرقش معاها الكلام دا ثانيا....شفط الدهون دي عمليه سواء بنج كلي او نصفي بس هيا عمليه في الاول و في الاخر يعني فيه تعب وفيه اثار مش حاجه سهله احنا مش رايحين نعمل مكياج احنا حانعمل عمليه وحاقولكم على التعب بتاعها اولا الافاقه من البنج صعبه لان اول لما الشخص بيفوق بيحس بالالم اللي كان نايم ومش داري بيه وهنا الدكتور بيدي مسكنات بتشيل الالام دي وبعدين الجسم بيكون ازرق من اثار عملية الشفط كان الواحد عشرين واحد ضربوه علقه الازرقاق اللي في الجسم دا بيروح تدريجي خلال 2 اسبوع واحتمال مده اطول للاجسام الحساسه وكمان الغرز الصغيره واللي هيا اماكن الفتحات اللي اتعمل منها شفط الدهون بتألم لفتره لانها غرز مش خدش وعموما كون العمليه فيها الاام درجة احتمالها بتعتمد على شخصية اللي عمل العمليه فيه ناس بتتحمل الالام وفيه ناس دلوعه ثالثا...... فيه حاجه مهمه ومؤثره جدا في درجة نجاح العمليه بعدها وهي الكورسيه اللي طبعا بيحدده المكان اللي بيتعمل بيه الشفط ودا كورسيه ليه مواصفات معينه بيأولك عليه الدكتور وبيأولك على اماكن بيعه الكورسيه بيعمل على ان الجلد يلصق في الجسم وما يحصلش ترهل فيه والفتره بتعتمد على الاماكن اللي فيها الشفط بس هيا تقريبا من 4 ال 7 اسابيع وعموما من التجارب كل لما طولتي المده كل ما النتيجه كانت احلى رابعا......لازم تلتزمي بالريجيم بعد العمليه لضمان التناسق مش ناكل ونتخن ونقول العمليه فشلت العمليه نتايحها بتبان بعد 3 اسابيع لو قعدنا ناكل كتيير في الفتره دي عمر النتايج ما تبان كمان لازم نحافظ على الوزن بعد العمليه لانها مش عملية تخلي الشخص مابيتخنش لا دي لتحسين شكل القوام فقط ودا بيخلليني اجي لنقطه مهمه وهيا ان العمليه حاتخللي الشكل كانك خسيتي 10 او 15 كيلو بس في الشكل العام بس لكن على الميزان بالكتيير تكوني خاسيتي 2 كيلو دا لان الدهون اللي بتتشفط بتكون واخده مساحه كبيره في الجسم لكن وزنها مش كتيير حتى شوفوا الدهون اللي في خروف مثلا لما بندبحه حجمها قد ايه لكن لو حاتطوها على الميزان مش حاتوزن كتييير كمان مقاسات الملابس بتقل نمرتين او تلاته وطبعا دا في حد ذاته ممتاز جدا جدا خامسا ........نيجي بأه لنقطه من اهم النقط رغم اني ما قلتهاش في الاول وهيا اختيار الدكتور اي كان بلده لازم نسأل ونتحقق من شطارة الدكتور دا اولا ولازم يكون جراح تجميل مش جراح عام لان دي جراحه عايزه فن هيا نوع من نحت الجسم والامانه مطلوبه جدا جدا ف الموضوع دا والدكتور الامين حاتلاقيه بينصحك باللي ينفع تعمليه واللي مالوش لازمه عمره ما حيرضى يعملهولك لانه ماعندهوش استعداد يخسر سمعته يعني انا عاصرت بنات راحوا لدكاتره كويسين وطلبوا منهم حاجات لكن الدكتور شاف انها ماتنفعش ومالهاش لازمه لكن البنات ماعجبهمش كلامه فاراحولغيره وعملهم غيره دا اللي هما عايزينه وتعالوا شوفو الندم اللي هما فيه واضطروا يرجعوا للدكتور الاولاني عشان يصلحلهم اللي حصل طبعا هنا فيه خساره من كل نوع ماديه ومعنويه وجسديه سادسا.....ونصيحتي الاخيره في موضوع شفط الدهون دا ان لازم نجرب الريجيم بالتزام الاول ونخس مع رياضه واللي هيا المشي مستمره واذا بعد كل دا الاماكن اللي فيها تجمعات دهنيه دي ماراحتش تبأي تلجاي لشفط الدهون ..............وربنا يوفق الجميع وان شاء الله حاكتبلكم موضوع تاني عن شد المعده....اه نسيت اوضح ات اللي تعمل شفط دهون في منطقه وبعد كده تتخن تاني بتتخن من الاماكن اللي ماعملتش فيها شفط وكمان اللي عملت فيها شفط بس الجزء الاول بيتخن اكتر من اللي اتعمل فيه شفط ودا لان الخلايا الدهنيه مازالت موجوده في الجسم عملية الشفط ماخلصتهاش وبالتالي لو تتخني اكيد حاتتخن هيا كمان .MM

اختى مولى ... شكرا على مجهودك ولو انى ضد العمليات دى من أساسها

كتبت بواسطة ام يوسف77

اختى مولى ... شكرا على مجهودك ولو انى ضد العمليات دى من أساسها

السلام عليكم شكرا يا ام يوسف على ردك بس لي تعليق انو ما ينفعش تكون ضد حاجه طبيه لاني انا مش باشجع علها بس العمليات دي غيرت حياة ناس كتيير لان الكتل الدهنيه دي واللي بتفضل في الجسم بتكون نوع من التشوه مش طبيعه بنغيرها لا سمح الله انا فعلا ضد التجميل للتجميل زي تغيير شكل الانف لمجرد ان الانسان مش عاجبه انفه لكن لو هو فعلا تشوه فا اعادة شكله للاحسن دا شئ جيد وبرضه بالنسبه لشفط الدهون انا حاقولك بصراحه تجربتي مع الكتل الدهنيه فا انا كنت رفيعه طول عمري ومن الحمل تخنت جدا ويعلم ربنا انه مش من اكل كتييير يعني مش طفاسه كان من ادويه اثناء الحمل بتخن وبعدين قدرت اخفض وزني والحمدلله وبعدين الحمل التاني برضه تخنت وبعدين خفضت وزني للمثالي بس فضلت شكلي تخين وملفت في اي ملابس وانا والحمدلله ملابسي مش فاضحه بس بطن كبيره ومتهدله وارداف كبيره من اثر التخن ورافضه انها تصغر رغم وصولي لوزن مثالي ولقيت اني بقيت ملفته جدا وباسمع تعليقات سيئه جداا حتى زوجى تضرر جدا فاماكانش في حل غير اني الجا للعمليات دي ولان بطني من الولادات القيصريه اصبحت شكلها بشع فوق مايمكن ان يتخيل احد والحمدلله على ك حال فا اذا كان ربنا ارسلنا طب يداوي هذه الاثار فلما لا المراه الحامل واللي بتولد قيصري هيا برضه بتعمل عمليه ليه ماصممناش انها تولد طبيعي واللي يكون يكون ليه بنرضى انها تتشوه ومانحبش انها تعالج التشوه مدام شئ في الحلال وللحلال وجزاكي وجزاني الله كل خير