انا محتاجه دكتور يكون شاطر او دكتوره ويعقدش لانى عايزة اخس تقريبا 30 كيلو وجزاكم الله عنى كل خير ياريت كل واحده ليها تجربه تكتبها وتكتب اسم الدكتور بالكامل والاسعار حتى المكان شكرا ربنا يوفقنا جميعا
للبحث في شبكة لكِ النسائية:
|
انا محتاجه دكتور يكون شاطر او دكتوره ويعقدش لانى عايزة اخس تقريبا 30 كيلو وجزاكم الله عنى كل خير ياريت كل واحده ليها تجربه تكتبها وتكتب اسم الدكتور بالكامل والاسعار حتى المكان شكرا ربنا يوفقنا جميعا
انا كنت محتاجلكم بس الظاهر ان مفيش حد يساعدنى شكرا
حمدالله على السلامة كنتي فين
انتي كنتي امل تقريبا مش كدة طمنيني
بالنسبة للدكتور فيه دكتور في فيصل اسمه عبدالمنعم حجازي
دة في العمارة اللي على ناصية شارع المستشفى كويس
وبيشتغل مع دكتور خالد دراهم اكيد سمعتي عنه
وطبعا دكتور خالد ليه عيادة في المهندسين ومدينة نصر برضو كويس
ممكن تجيبي الرقم من الدليل
وفيه دكتورة منى راداميس مش مها لان منى احسن من مها
دي ي مصر الجديدة برضو ممتازة
وربنا معاكي وطمنينا عليكي وعلى البيبي
ربنا يخليكى ليه ياهبه انا بالفعل كنت عند دكتور خالد بس زهقت عايزه اجرب حد تاانى وشكلى هروح لدكتوره منى رادميس بس عايزة حد يكون جربها ويحكيلى عملت ايه معاه عشان اشوف اسلوبها وشكرا ياجميله وانا الحمد الله تمام
انا رحتلها من سنتين
هي ممتازة واحسن كمان من مها لانها بتكلم معاكي كتير وبتعرف كل حاجة عنك
وساعات بتكتب ادوية مع الريجيم بتساعد على عدم امتصاص الجسم للدهون
هبه انا مبسوطه جدا انك مهتمه بموضوعى يارب يجزيكى كل خير بس ليه سوال هى بتعمل اجهزه عندها ولا النظام الغذائى والوزن فقط وكام اسعارها تقلت عليكى معلش ربنا يخليكى ليه
ممكن عنوان منى راداميس
انا عارفه مها تقريبا فى نبيل الوقاد
شذى انا برده زيك عايزه اخس 30 كيلو
وياريت تقوليلى عمتلى ايه مع خالد ونزلتى معاه ولا لا
مساء الخير يا بنات انا عاوزة اخس 40 كيلو و كمان نفسي في دكتور كويس في مدينة نصر و سمعت عن دكتور ممتاز اسمه ابو الغيط عنده عيادتين واحده في الزمالك و واحده في المعادي بس محبتش اروحله لأنه بيدي نظام للعاقلين يعني يخسس مثلا في الشهر من 6 ل 8 كيلو و دا قليل اوي بالنسبالي يعني اقعد 6 شهور على بالل ما أخس اللي انا عوزاه و انا طبعا معنديش لا صبر و لا ارادة انا عاوزة دكتور مجنانين من اللي بيخسس من 12 ل 16 كيلو في الشهر يعني من 3 ل 4 كيلو في الأسبوع (طماعه ) انا عارفه بس رحم الله امرئ عرف قدر نفسه انا بزهق بسرعه
ربنا يعينا جميعا يا رب
انا عاوزة اخس برده بس حوالي 20 كيلو وعاوزة اعرف اسعار الدكتور عبد المنعم حجازي وعنوانه فين بالتفصيل في فيصل
الروابط المفضلة