السلام عليكم ورحمة الله
كيف الأخوات ؟ ان شاءالله بخير ؟
أدري مكاني غلط .. لكن لـ ندرة المنتديات أو لـ نقل قلة الحملات المهتمة بـ إنقاص الوزن في الأوساط الشبابية حتى إن وجد فـ ليست ( ماشاءالله ) بـ نفس القوة والعزيمة الموجودة لديكم
طبعا ً تجربتي مع الوزن حاااافله :
لكن ان شاءالله هالمرهـ نبدأ جديا ً مرة أخرى
والله يكرمنا وياكم بما نريد و فيه المصلحة والخير لنا
دائما ً ما أقول هالشيء : لكن نسبة تقيدي فيه ماتصل 100 % .. و هو الإرادة و قوة العزيمة و نبذ الملل ( سبب جوهري في طرحي لهالموضوع )
مو من عادتي أجرب ريجيم معين أو أتقيد فيه .. غالبا ً تخفيف الأكل .. والتركيز على الأطعمة ذات السعرات الحرارية الأقل
دائما ً استخدم البدائل : يعني بدلا ً عن المشروبات الغازية ( حتى لو كانت دايت ) .. استخدم شاي أخضر .. عصير أناناس طازج
الرياضة مكمل أساسي لنظام الريجيم :
ماينفع تخفف أكلك و تترك الرياضة ( يمكن لو نزلت ) نسبة النزول قليلة مقارنة بـ ممارسة الرياضة مع الريجيم .
المغريات :
الواحد منا أو الوحدة منا : تتمنى تصل لجسم فلانة أو شكل مدري من .. لكن عند الأكل تضيع كل هالامنيات أو ننساها
غالبا ً لو ركز الشخص على هالأمنيات وقت الأكل بـ يخفف و يحس إنه بـ يدخل مرحلة الخطر و الدوران في حلقة مفرغه
احرصي على تأخير الوجبة :
لأن تأخيرها يعني تأخير اللي بعدها .. أو يمكن تـُـلغى
خصوصا ً اللي في دوام .. يلهيك هالشي عن الأكل
التثقيف :
ثقفي نفسك .. تدخلين سوبر ماركت ؟ حاولي قبل تشترين تشوفين السعرات الحرارية
تتعودين تحسبين بسرعة وش تحتاجين لوجبتك ( أو وجباتك في هاليوم )
تشوف مواقع اللي تهتم بالكالوريز .. أكيد الأخوات هنا مايقصرون في هالناحية.
قرأت معلومة :
في أول فترة الريجيم الجسم يرفع معدل نسبة الامتصاص لأنه يشوفها جوع لكن مع الوقت يبدأ يتعود على الوضع فـ حطي ببالك فترة و تعدي
انتبهي :
من الطلعات اللي تخرب عليك .. عزيمة .. مناسبة .. بالنسبة لي اذا ماتحملت الوضع بمطعم احاول اعتذر و إلا آخذ لفة بالسيارة .. على الأقل ما أخربها فـ شوفي كيف تتهربين من اللي يخرب عليك نظامك
التنوع الغذائي :
فترة الحمية .. تأثر على الجسم .. بالنسبة لي حاولت أنوع .. والفترة الأخيرة دخلت تحت إشراف أخصائية تغذية ( أبكتب نظامها بآخر الموضوع )
على الأقل حتى يجد الجسم كل مايحتاج في نظام أكلي
تذكري إن هالريجيم :
هو فترة و تعدي .. و ضعي قدامك عدد من التضحيات اللي سويتيها بـ كفة .. و شكلك و لبسك و سؤال الناس لك ( كيف نحفتي ؟ و شلون ؟ و ساعديني ؟ ) بكفة .. هالشي يحمسك ويعينك بمشيئة الله
مرحلة مابعد التخفيف :
احرصي على الرياضه .. حتى نبتعد عن الترهل
امشي على نظام لـ تثبيت الوزن .. لأن ما أصعب من القمة إلا المحافظة عليها
يمكن هذا بعض مما مشيت عليه
ونقصت من 130 كجم لـ 100 كجم
وان شاءالله معكم .. وبحماسكم و تشجيعكم راح أصل لـ 70 كجم
أنا مريت على اخصائية تغذية كتبت لي النظام التالي لمدة اسبوع .. على اساس أنقص 25 - 30 كجم في 4 - 5 أشهر :
الإفطار يوميا ً :
عصير برتقال طازج + ملعقة عسل + 2 توست مع لبنة ( أو جبنة ) خالية الدسم
اليوم الأول :
الغداء : سلطة خضار مع خس + خل تفاح + صدر دجاجة + 1 توست
العشاء : عصير برتقال طازج + 1 توست مع جبنة بيضاء + 2 فاكهة ( يفصل أناناس أو تفاح أخضر )
اليوم الثاني :
الغداء : سلطة لبن مع خيار + ستيك مشوي أو مسلوق
العشاء : سلطة خضار + جبنة بيضاء + 1 توست + 2 فاكهة
اليوم الثالث :
الغداء : سلطة تونه + 1 توست + عصير ليمون بدون سكر
العشاء : بيضة مسلوقة + 1 توست + بندورة + حليب + 1 فاكهة
اليوم الرابع :
الغداء 1 بيضة مسلوقة + 1 توست
العشاء : سلطة لبن و خيار + 1 توست
اليوم الخامس :
الغداء : لبن ( ابو ريال - خالي دسم ) صدر دجاجة
العشاء : 1 توست مع لبنة ( خالي دسم ) + بندورة + حبة فلفل رومي + خيار + عصير برتقال + 1 فاكهة
اليوم السادس :
الغداء : لبن ( ابو ريال - خالي دسم ) + صدر دجاجة
العشاء : فنجان ذرة + سلطة خضار مع خس وجبنة بيضاء
اليوم السابع :
الغداء : سلطة خضار + ستيك + 1 توست
العشاء : 1 بطاطا ( بدلتها بكوسة ) مسلوقة + عصير برتقال طازج
هذا النظام اللي انكتب لي لمدة اسبوع
مع حبوب MegaSlim هي عبارة عن شاي أخضر مركز
3 مرات باليوم ( اللي معها ضغط و سكر و امراض قلب لاتقرب منها )
و رياضة لمدة نص ساعه - لساعه يوميا ً
انا ماكتبت النظام هذا أحد يمشي عليه
لكن قد يكون لأحد عليه تعليق
أو يكون من لها خبرة أكثر .. ان لها رأي او ملاحظة
أتمنى من الله تعالى يكتب لنا و لكم النجاح في الوصول للوزن المنشود على صحة و عافية يارب
و بحاول اتابع الجديد معي هنا
أخوكم : رشيق سابق
الروابط المفضلة