السلام عليكم ورحمه الله و بركاته
ازيكم يا اخواتى
اول حاجه انا بشكر كتير اختى فى الله صاحبه موضوع
(تغير زوجها بعد الرجيم 180 درجه!!!موضوع مشوق ومحمس جدا لايفوتكم )
الله يباركلها يا رب
وعلى رأى ماما يكتبلها فى كل خطوه سلامه
انا بعد ما قريت الموضوع ده فرحت اوى
لقيت بالظبط كل احساس جوايه و مش عارفه اعبر عنه
اه نسيت اقولكم انا عندى 23 سنه مخطوبه ووزنى 108 وطولى 167
يعنى من الاخر مربعه هههههههه
وللاسف هو بصراحه مش للاسفاوىيعنى
بس انا خطيبى رفيع جدا
وانا اتخطبط عن حب
هو بيحبنى وكل مايجيب سيره التخسيس يقولى عشان لما نتجوز و الخلفه
هو اكيد بيبقى مدايق من شكلى
ويامه حسيت انى بتعرض لمواقف محرجه وانا معاه
بس الله يباركله عمره ماكلمنى فى الموضوع ده بطريقه تجرحنى
بس اكيد لما اخس هيبقى مبسوط وكمان اخواتى بيبقى نفسه يجبولى من السمه حته بس فعلا انا الى مش بخلى حد يجبلى حاجه ولا انا حتى بجيب لنفسى
ده انا بحس انى وانا ماشيه فى الشارع لو اى حد دحك بيضحك عليا انا
على فكره انا طول عمرى تخينه وعمرى ماجربت انى ابقى رفيعه
بس نفسى اوى
معلش طولت عليكم

بس انا كده ومنغير ما احس بدات انفذ اتفاق عوزاكم تتفقوا معايه عليه
اننا كلنا ندخل واللى عاوز يكتب الى بيضايقه و هو تخين يكتب
بس الاهم ان احنا نكتبه
تخيلى انك رفيعه
ورشيقه
وممشوقه القوام
وصاحبه اجمل جسد فى الدنيا
واكتبى كده مزكرات يوم اى يوم فى حياتك وانتى صاحبه اجمل جسد فى الدنيا
اى يوم اقولكم اكتر يوم كان نفسك تبقى رفيعه فيه
يااااااااااااااااااااااه ايام كتير اوى مش كده
بس اختارى يوم كنتى مضايقه فيه اوى واحكيهولنا وانتى رفيعه
كان ممكن يبقى ازاى
انا هستنا ردودكم ولو عجبتكم نبدا مع بعض
جزاكم الله خير
السلام عليكم و رحمه الله و بركاته

السلام عليكم
أنا تخيلت اني رشيقة
وفعلا نزلت قبل ما أتزوج من 121 الى 68
وكان شكلي غير
ولكن زيادة الوزن الآن أصبحت بسبب الحمل والولادة 3 مرات وراء بعض
واليكي رابط تجربتي الشخصية

تجربتي الشخصيه ونزول وزني من 105 الى 68 كيلو خلال 6شهور تقريبا**وسام افضل تجربه**

واتمنى ان تستفيدي

شكراً لك على الموضوع الجميل جدا جدا

وزني 84

وطولي 164

يعني لازم اخس 20 كيلو على الاقل

اولا نفسي احكي عن جسمي قبل 4 سنوات كان وزني 65

لدرجة انه اللي حوليا لما يشبهوا جسم وحده عجبهم يشبهو بجسمي

.................................................. ................................

بعد كده اتخطبت وزدت بس في فترة الخطوبه 9 كيلو من الحب هههههههههـ

وبعد ما أتزوجت 7 ويمكن أكتر بس الكارثه لما حملت

وزني زاد 9 كيلو يعني سرت بطريق
.................................................. .......
وأكثر شيء قاهرني اني لما ولدت تخيلو نزلت من الرضاعه يمكن 15 كيلو

لاني ولدت ولاده متعسره ونزفت وجاني أكتاب بعد الولاده وما أكل مع اني ارضع
والكارثه اني ما حافظت على هادي النعمه
ورجعت ال15 كيلو
20 كيلو
ومع تشققات الحمل
انا الان نفسيتي جدا تعبانه وللأمانه زوجي ماشاء الله عليه مرررررررره

وسيم وجسمه حلو
واتمنى انه محد يكون بيقارن بينانا من العائله
والامر انه ملكة اختي بعد اسبوعين ونزلت اشوف فساتين وجربت 2

وكلهم كان شكلهم غلط لدرجة اني بكيت في السوق

بس انا الان بعمل رجيم وباذن الله ماسكته لغاية عيد الفطر
وأكتر حاجه متخيلاها اني اشتري كل اللي نفسي فيه
وانا رشيقه
اه اللي مصبرني انه اللهم لك الحمد مليون مره الصحه والعافيه
تمام
قصتي حكيتها وعذرا على الاطاله ولكن والله ارتحت لما حكيت

مرحبا
انا كل يوم بحلم بالرشاقه وبتمنى ارجع متل قبل ..........
حتى وانا نايمه بحلم اني رشيقه ..........وياما تخيلت اللبس اللي رح البسه والأحساس اللي رح احسه رح أكون واثقه من نفسي اكتر
مره شريت فستان لزواج اخو زوجي ولبسته وبكيت من الحسره ولبسته اختي ماشاء الله عليها وزنها بيجنن لاحظت وقتها الفرق وصرت البسه واتخيل اختي فيه الله يحفظها
زوجي مايقول لازم تخسي بالعكس راضي بشكلي لكن اكيد يبيني اكون احلى والحلاوه ماتكمل الا بالرشاقه

الموضوع ده فى الجوووووووووووووووون بالنسبالى
انا لسه امبارح بليل كنت بعيط لمامتى واختى علشان مش بخسس وانى مدايقه اوى من شكلى ومبقتش قادره استحمل شكلى وبطلت حتى ابص فى المرايه
انا زمان ايام الرشاقه كنت 60 ده ايام ما كنت فى ثانوى ( ودى اخر مره شوفت عالم الستينات
المهم دخلت الكليه وزاد وزنى وفضل يزيد لحد ما وصل فى يوم 102 يوميها كنت حيغمى عليا من الصدمه
وكنت كل ما انزل اشترى لبس ملاقيش فعلا حاجه عدله خالص ومفيش حاجه بتيجى مقاسى
ولاقيت نفسى بخس وصلت ل 96 وايامها كنت بلبس 54 يعنى اكبر من مامتى شخصيا بس دلوقتى الحمدلله بلبس 46 ( شوفتوا الفرق
بجد ايامها كنت مدمره نفسيا وبقيت منعزله عن العالم واى فرح مش بروحه ومكنتش بخرج ولا اى حاجه خالص

بس بعد كده تجارب فاشله كتيره لحد ما قررت فى يوم انى لازم اخس كل مره اوصل لل 80 وارجع ل 87 بس الحمدلله دلوقتى ثابته على ال 80 مع انى عامله ريجيم وخسيت ال 7 كيلو بس مش راضى جسمى ينزل تانى
اينعم خطيبى عاجبه كده وقالى كذا مره مش عايزك تخسى انا عايزك كده انا بحب كده بس انا اللى نفسى فعلا اخس

اكتر يوم بقى كان نفسى ابقى رفيعه فيه لما كنت فى الكليه فى سنه تالته وجم اصحاب يحكولى موقف وهما بيضحوا
ن واحده صحبتهم بتقولهم انها قابلتنى وسلمت عليا وكنت بتقولهم هيا اسمها ايه قالولها مين مكنوش عارفين هيا بتتكلم عن مين قعدت بقى تقولهم المليانه دى قالولها مين دى قالتلهم التخينه دى اوى اللى بتلبس واسع دى برده معرفوش مين قالتلهم التخينه اللى فيكم
وكلهم هاتك يا ضحك وانا طبعا ربنا اعلم كانت حالتى ايه ساعتها حتى هما لاحظظوا وبعديها بصوا لبعض بلوم وبطلوا ضحك وقعدوا يقولو والله مش عارفين مين دى التخينه قال تخينه قال ( قال يعنى بيرفهو عنى)
بس الحمدلله من قبل ومن بعد

بس دلوقتى بقى اكتر موقف بتخيل نفسى فيه رشيقه يوم زفافى
نفسى البس فستان موديله حلو ( انا حتى مختاره الموديل وكل ما اروح فرح اخاف الاقى العروسه لابساه
بس لازم تكون رفيعه اللى تلبسه علشان يليق عليها

انا حكيتلكم حياتى كلها
بس بجد موضوع جامد جدااااااااااااااا