سمسم حبيبي قلبي عندك يا جميله بقي انتي يا قمر الي بتقولي كده؟ ده انتي دمك شربات
بصي يا قمر الاحساس الي حستيه كلنا حسناه وبنحسه من حين لاخر بس لازم تتغلبي عليه طبعا ازاي
اولا اي حاجه بتعمليها فتكون ابتغاء لمرضاة الله واي صبر بتصبري بيكون عندك قناعه انك بتعبي حسنات وده الي بينفعنا في الاخر مش اي حاجه تانيه
بالنسبه لاستغلال الي حواليكي طبعا الام والزوجه هيا اكثر من يتحمل والكل بيضغط عليها وطبعا ليها جزاء كبير لكن انا بقولك بجد من غير متقصري مع حد لازم تشوفي نفسك شويه والريجيم نفسه يعتبر اهتمام بشخصك اعملي نيولوك تسريحه او قصه صبغه
انزلي هاتي هدوم جديده
او برفان ان شاء الله شوية توك لشعرك المهم حسي بنفسك وبقيمتك
مارسي اي هوايه قديمه كنتي بتحبيها
دلعي نفسك شويه
شوية كريمات علي ماكياج عارفه اننا بنبقي زي العفاريت فيه بس مش مهم الواحد بيحس كده انه لسه عايش وزي الناس
متدفنيش نفسك لانك لو عملتي كده لا هتنفعي نفسك ولا عيالك ولا زوجك
وربنا يفرج كربك وكربنا كلنا
الروابط المفضلة