السلام عليكم يا بنات
بصو انا حدخل فى الموضوع على طول انا الفترة دى بره مصر وحرجع ان شاء الله مش قبل شهر سته يعنى فاضلى تقريبا 3 شهور وبقالى فترة وزنى بيتذبذب بين ال93 لل90 بجد حموت واشوف رقم 8 ده على الميزان
قلت ادخل ونتفق سوا ونعمل مجموعة لمدة تلات شهور والهدف النزول من 20 الى 30 كيلو ونكتب كل حاجة ونتفق على الريجيمات الى حنعملها ونشجع بعض والرياضة وكده

انا عارفه ان فى مواضيع كتير زى كده فى المنتدى بس انا فتحت ده لسببين اولهم ان بقية المواضيع بقالها فترة واتكسفت ادخل عليهم بعد ممشيو جامد كده
السبب التانى انى عايزه الاقى حد زيى قرف وطهق هل فيه ولا ايه؟؟؟

انا حتكلم عن نفسى وبياناتى
الاسم: منمونة 87
الطول:167
الوزن الحالى:92
الهدف الاول:80
الهدف الثانى:70
الهدف الثالث والأخير إن شاء الله: 60
نوع الرياضة: حاليا مش حقدر اروح الجيم بس حمشى ساعه على السير وساعة فى الكورنيش وحطلع وانزل السلم 10 دقايق مع محاولة عمل بعض التمارين للبطن وكده
الحالة النفسية: زى الزفت لأن خطيبى عمال يتريق عليا صبح وليل وليل وصبح<<<< وبينى وبينكه حقو الواحد منظره غير حضارى خالص
نوع الريجيم: حنتفق عليه ان شاء الله
الأعشاب: حعمل خلطة الى هيا بابونج+ميرامية+شمر+زنجبيل+شاى أخضر+اكليل الجبل وبفكر اجيب بذرة الكتان

يلا يا بنات عايزين نبتدى من يوم السبت 1/3 بس عايزين نتفق على الريجيمات الأول انا بصراحه مش عارفه انتو عندكو خبرة اكتر منى ياريت اى واحدة عملت نظام وفعلا نزلت عليه تكتبهولنا بس ياريت ميكنش نظام عملته بعد فترة لخبطة كبيرة لان كده كده الوزن بينزل بسرعة عايزين حاجة تكون فعلا بتنزل عايزين نعمل نظام يكون لمدة شهر ويكون بينزل من 7 الى 10 كيلو فاهمين قصدى؟؟؟

فى انتظار ردودكم على أحر من الجمر ياريت اى واحدة حتشاركنى تكتب بياناتها زى الى فوق
وأهم حاجة يا بنات اننا ندعى لبعض بجد دى مهمة اوى دعاء الأخ لأخيه بظهر الغيب يارب يحققلى وكل البنات كل الى بيتمنوه ويوصلو للوزن المثالى ويحبو نفسهم وجسمهم

اسفه على الاطاله

تحياتى

يا رب تنحفي يا حبيبتي وتوصلي لمرادك اللهم امييييييين

السلام عليكوا منمونة:

انا كمان عيد ميلادى يوم 16\3
انا كان وزنى 96 يوم 9\1 وامبارح وزنى بقى 87 كيلو انا عملت رجيمات كتيييييييييييييير اوووووووووى فوق ماتتصورى من كيميائى لصحى لكله ماخلتش المهم فى الاخر عرفت دكتور زى العسل كويس جداااا ودة الى انا ماشية دلؤتى معاه ع فكرة انا كتر الريجيمات عملى انيميا المهم انا باخد فيتامينات مع الرجيم والحمد لله صحتى اتحسنت كتيييييييييييييييييير عن الاول وبقيت احسن والدكتور مش مانع عنى اى حاجة ...

الرجيم بتاع الاسبوع دة :

الافطار:

2 كوب كبير ميه
+عصير جريب فروت
+بيضة مسلوقة جيدااا
أو 3 معالق فول مع قليل من الزيت والليمون
أو قطعة جبن قريش أو كوب زبادى بدون دسم
+نصف رغيف اسمر
+شاى أو قهوة بدون سكر

الغدا:
3 كوب ميه كبير
سلطة خضرا(فلفل اخضر-طماطم-خس-خل)
+2 قطعة لحم مشوى او مسلوق
أو ربع فرخة مشويه او مسلوقة
أو 2 سمكة مشويه أو سمكة واحدة مقلية ومتصفية كويس من الزيت
أو 2 بيضة مسلوقة جيدااا
+طبق خضار سوتيه
+نصف رغيف اسمر

العشا::
3 كوب ميه كبير
بيضة مسلوقة
أو طوب زبادى خالى الدسم
أو كوب لبن رايب
+سلطة خضرا(خيار-خس-طماطم-فلفل-بقدونس)
أو ثمرة فاكهة(موزة-تفاحة-برتقانة-كمترى-جوافة)
الرياضة:
مشى او الرقص او جهاز اوربت تراك اى حاجة تعرقى فيها بس مش سونا.

انا حكتب الريجيمات الى كانت قبل كدة بس هما مع بنت خالتى لما لقتنى خسيت فا اخدتهم علشا تصورهم واول ماحتجبهم حكتبهم ع طوووووووووول
ومش عيزاكى تزعلى نفسك ونصيحة منى انزلى بالراحة وكلى كل حاجة جسمك محتاج لكل حاجة علشان انتى لسه صغيرة وانا معاكى لو عوزتى تستفسرى عن اى حاجة

ع فكرة انا من اسكندرية

بدور

وأهم حاجة يا بنات اننا ندعى لبعض بجد دى مهمة اوى دعاء الأخ لأخيه بظهر الغيب يارب يحققلى وكل البنات كل الى بيتمنوه ويوصلو للوزن المثالى ويحبو نفسهم وجسمهم

يارب تنحفى وتتجوزى خطيبك قادر يا كريم
حلوه اوى فكره الدعاء دى بدل الانتحار ربنا يستجيب ليكم وينحفكم
وبالتوفيق والدعوات

وعليكم السلام ورحمه الله وبركاته

اللهم يا حنان يامنان يا واسع العطاء والاكرام حقق لكل اخت تقرأ هذا الدعاء مناها ووصلها للوزن المثالى بصحه وعافيه
عاجلا لا آجلا
وقدم لها الخير حيث كان ورضها به
اللهم آمين آمين آمين

ندعى بظهر الغيب من عينيا بس العنوان مكنش متفق خالص مع الدعوه بظهر الغيب
والا انتى مش معايا

ولعلمك بفرضيه انك نحفتى 6 كيلو فى الشهر ( المتوسط من 4 الى 8 كيلو شهريا ) ببطىء لكن ان شاء الله لا رجوع فيها يبقى خلال ال 3 شهور 18 كيلو يا قمر
بس لو عملتى ريجيم سريع ممكن تنزليهم فى شهر وعلى التلات شهور ما يمروا تكون زياده الوزن 25 كيلو مش بس 18

وخطيبك ربنا يكرمه دنيا واخره ليه حق انتى ولسه صغيره ولم تتزوجى وتاركه نفسك طيب ما تصرفك بعد الزواج والحمل والرضاعه وطالما بدأ يعطيكى ملاحظاتى ركزى يبقى هذا الامر يضايقه
ونصيحه من اختك الكبيره طالما بدأ يضايقه لابد تتصرفى وتبدأى تنزلى وزنك حتى تكونى احلى زوجه فى عينه مستقبلا ربنا يوفقكم

حتى أنا سأنضم إليكم ولكن المشكلة ما عارفاش وزني لأني أعيش خارج المدينة

السلام عليكم انا اريد ان ادخل معاكن واسجل بيناتي ونشجع بعض
وزني 90
الطول 170
اريد ان اخسر خلال ربع شهور 20 كيلو ولا اريد ريجيم سريع
لانو نتائجو مؤقتة فقط
وعشرط نوزن حالنا كل اسبوع فقط ونسجل
بس لازم نلاقي ريجيم بسرعة صحي ومتوازن نمشي عليه كلنا مع بعض

السلام عليكم
و أنا حكون معاك ان شاء الله يا منمونة
و حبدأ بالدعاء
اللهم اجعل تجمعنا هذا تجمع خير علينا كلنا
اللهم آت كل واحدة منا سؤلها من الخير
اللهم أعنا على الاهتمام بأجسامنا حتى تعيننا على طاعتك
و نملأ أعين أزواجنا حتى نكفيهم النظر الحرام
اللهم أعنا على التحكم بشهوة الطعام
اللهم إنك تعلم أنا ما أردنا ذلك لشر نصيبه لمسلم فلا تحرمنا إياه يا رب العالمين

السلام عليكم ورحمة الله وبركاته
اسال الله العظيم رب العرش الكريم ان يعطيك وجميع الاخوات سألهم واكثر امين
اختي منمونة اوصيك اولا بتقوية عزيمتك وتحديد هدفك والاسرار على الوصول اليه
يظهر لي ان رجيم الاخت بطوطة جميل جدا وصحي لان فيه جميع المكونات واظن انه سينفعك واظن انه رجيم السعرات واظن ان الاخت الراجية عفو ربها توافقني على ذلك.
وربنا يساهل
ارجو من الاخت بطوطة ان تنزل باقي الرجيم الذي تتبعه مشكورة.

منمونة يا عسل
يارب تخسي وتوصيلي لمرادك
يارب يكرمك في خطيبك وتتجوزو في اقرب وقت ويرزقكم بالذرية الصالحة

انا برضو زيك زهت وقرفت من شكلي شوفي الريجيم اللي حتعمليه لو يناسبني حعمل معاكي