السلام عليكم يا بنات
هذا الجزء الثالث لمشروع الرشاقة الذي بدأناه يوم 12/01/2008 و ريجيمنا يعتمد على اتبعاء النظام الصحي و التخفيف و تنظيم الوجبات مع الرياضة و نتطلع الى التخلص من كيلو كل اسبوع طبعا مع الرياضة و هذا الرابط للجزء الثاني

http://www.lakii.com/vb/showthread.php?t=403873

اعضاء الفريق و بيناتهم
ٌأم يسورتي
الطول 165
الوزن عند البدء 95
الوزن آخر مرة 85


Ramzeyeh
الطول 169
الوزن عند البدء 88
الوزن آخر مرة 88

الاميرة رفال
الطول 160
الوزن عند البدء 86
الوزن آخر مرة 83

محبة منتدى لك
الطول 155
الوزن عند البدء 75
الوزن آخر مرة 72

Lamo0osh
الطول 170
الوزن عند البدء 69
الوزن آخر مرة 68

Haja
الطول 167
الوزن عند البدء 95
لوزن آخر مرة 90



عادة نوزن كل اسبوعين مرة واحدة و يكون يوم السبت. نحن هنا لنساعد و نساند بعضنا خصوصا ايام التخبيص و لنتبادل الافكار المفيدة في رحلة الرشاقة.

اللهم ثبت اقدامنا و افرغ علينا صبرا في رحلتنا هذه.

الف مبروك علينا افتتاح الجزء الثالث

وانشاء الله يكون فاتحة خير علينا ونحقق فيه اكتر من الجزء الثاني

مشكوره حبيبتي حجه على الافتتاح

وبهاي المناسبه رح انزل الجدول مره اخرى عشان يكون موجود معنا من البدايه

وبالنسبه لدندوشه لم نضع بياناتها لاننا ننتظر ان تبشرنا بانها حامل انشاء الله

وصباح الورد والفل للحلوين

انا عضوة جديدة ممكن اعرف كيف هو الرجيم عشان انا كمان عندي سير من سنتين وماستخدمته ابغى استخدمة ممع رجيم علما انه زواجي بالصيف يعني ماعندي وقت كثير

السلام عليكم ورحمة الله وبركاته كيفكم اخواتي الرائعات وايش اخبار الرجيم والرياضة معاكم
اختي الحبيبة حجة شكرا لك على الجزء الثالث وانشاء الله بنستمر مع بعض الى ان نصل الى هدفنا يدا بيد والله يجزيكي كل خير
اختي لمى ماشاء الله عليكي استمري بنفس همتك مع انه وزنك متناسب مع طولك حبيبتي
واحنا كمان حبيناكي كتير الله يجعلك اختا لنا في الدنيا والآخرة
غاليتي رمزية الله يبارك فيكي انشاالله وفي الجميع وشكرا لكي على انزال الجدول مرة اخرى رفغتي معنوياتنا كتير الله يوفقك حبيبتي

ام يسورتي كيف احوالك انشاء الله تكوني بخير حبيبتي وكيف الرجيم والرياضة ماشي معاكي وما اخبار الشوكولاته تغلبتي عليها ولا غلبتك وكيف نفسيتك اليوم انشاالله بخير احب ان اراكي دائما بخير وسعادة

صديقتنا الجديدة يارا اهلا بكي اختا بيننا اتمنى ان تكوني معنا يدا بيد لنكمل مسيرة الرشاقة
حبيبتي يارا كل وحدة فينا ماشيا على رجيم غير وفي ناس بيخففو مع اتباع عادات غذائية صحية وكلنا متفقات على الرياضة والمشي ساعة في اليوم واقل شي نصف ساعة
يالله قوليلنا كم وزنك وطولك وابدئي معانا المشوار واحنا كل اسبوع يوم السبت متفقين ان كل وحدة توزن نفسها ونشوف كل وحدة كم نزلت واذا حابة تشوفي رجيمي راح تلاقي في صفحة 12 رجيم الأسبوع الأول
ورجيم الأسبوع الثاني في صفحة 18 الرجيم رائع اطلعي عليه وخذي فكرة مع المشي ساعة طبعا الرجيم من اخصائية التغذية ونزلت في الأسبوع الأول 3كيلو ويوم السبت راح اشوف كم نزلت على رجيم الأسبوع الثاني طبعا الرجيم حتلاقي في الجزء الثاني على هذا الرابط
http://www.lakii.com/vb/showthread.php?t=403873

وحياكي الله اختا بيننا واي استفسار كلنا تحت امرك

محبة منتدى لكي مشجعتي على المشي في الصباح اخبارك حبيبتي واخبار الرجيم انشاالله تكوني بخير

اهلا اهلا يا رفال كيف الصحه؟

شو هالهمه العاليه؟ الله يديمها علينا

والله على سيرة الشوكولاته انا مش عارفه كيف بدي افتح معكم الموضوع!!
هييييييييي اكلت مبارح حبتين شوكولاته بس صغار!!!!
يعني متل ما تقولي... اجا على بالي اكل وحده بسسسسسسسس ما لقيت غير التانيه صارت لاحقيتها!!!

يعني انا كل اموري تماااااااام ومسيطره على حالي مكتير مبسوطه من طريقة اكلي بس هالشوكولاته هاي!!!!

الله يسامح اللي اخترع الشوكولاته!!!

والمشكله انه زوجي بحب انو يكون في في البيت شوكولاته دايما مع انه كل 3 ايام لحتى يتذكر ياكل وحده!!! بس صاحبتكم ما بتقدر الا تحلي دايما والله ما انا عارفه شو الحل!!!

والمشكله اني بعد ما اكل بضل حايصه ولما اكل الشوكولاته برتاح!!! عليم الله عندي ادمان!!!

يارا اهلا وسهلا فيكي معنا وانشاء الله اذا التومتي معنا ووضعتي بياناتك بنضيف اسمك على جدول الوزن الجاي.

فينكم يا بنات فين غاطسين اليوم ام يسورتي ومحبة منتدى لك ويار والبقية اين انتم شايفيننا احنا هنا في الجزء الثالث

شكلهم البنات تاهوا!!!

مع انو العنوان سهل!!!

خلينا نستنا عليهم شوي يمكن الطريق ازمه ههههههه

السلام عليكم

ألف ألف مبروك الجزء الثالث ما شاء الله الله يثبتنا يا رب

كتير مبسوطة ماشاء الله عليكم

يسلمه إديكي اختي حجة على فتح الموضوع

على فكرة اسلوبك كتير جلو

والآن إسمحولي إقرأ الردود ورد أنا كمان

لأنه من فرحتي فورا حبيت بارك

ألف مبروك الله يجعله فاتحة خير علينا جميعا

وإنشاء الله ما بيغلق هذا الجزء حتى نكون وصلنا لنتائج رائعة

كتبت بواسطة yaraa66

انا عضوة جديدة ممكن اعرف كيف هو الرجيم عشان انا كمان عندي سير من سنتين وماستخدمته ابغى استخدمة ممع رجيم علما انه زواجي بالصيف يعني ماعندي وقت كثير

أهلا وسهلا بك حبيبتي

محبة منتدى لك تتبع ريجيم السعرات الحرارية و هو في الجزء الثاني

الأميرة رفال عمتتبع ريجيم مع أخصائية تغذية و هي أكيد ما رح تبخل عليكي

الباقي على حسب إطلاعي يتبعن التخفيف و بعض العادات الصحية لرجيم طول العمر بإذن الله

اهلا وسهلا بك معنا

وألف مبروك الزواج مسبقا

حبيبتي دندوشة

ما شاء الله اخبارك بتفرح نزول 3 كيلو ما شاء الله مبروك

كمان وأهم شي ما شاء الله حجم البويضة تمام شايفة الله ما في أكرم منه سبحانه لا إله إلا هو

الله يرزقك الحمل عاجلا غير آجل ويمن عليكي ويهبك الذرية الصالحة

ام كروشة سلامة بنتك الله يشفيها ويعافيها و ترجع أحسن من أول

حجه الله يخلينا ياكي والحمدلله على سلامتك والله يتقبل منك الصيام

لمووووش ما شاء الله أخبارك كتير حلوة الله يثبتك

محبة منتدى لك شو أخبارك طمنينا عنك

الأميرة رفال شكرا غاليتي لسؤالك الحمد لله الهمة عال العال والنفسية تماموهذا فضل من الله لا أنكره

الله يديمكم لي و لمحبيكم الشوكولاه لا الحمد لله ما في لا حلو ولا شوكولاه غلبتها ههههههههههههه

لكن عمباكل كتير هيك حاسة حالي الله يعينا

رمزية يسلمه الإيدين يلي عملوا ونزلوا الجدول عن جد فكرتك كتير حلوة شو أخبارك على فكرة كتير غلط تظلي 8 ساعات من دون أكل حرام ما رح ينفع معك شي مستحيل هيك ما رح ينزل وزنك يمكن يزيد

أنا عمبحكيكي على تجربة رح تروحي على البيت تاكلي بسرعة ونهم وما رح تعرفي كم أكلتي لأنك من داخلك مؤمنة أنك ما أكلت طول اليوم ممكن تاكلي قد ما بدك !!!!!!!!!!!!!!!!!!!لآلآلآلآلآلآلآلآلآلآلآلآلآلآلآل آلآلآلآلآلآ

أنا مثلي مثلك عامله لحالي برنامج

مثلا على الريق ماء

نصف إلى ساعة بعدها قهوة من دون سكر

بعدها بساعة تقريبا تفاحة إذا توفر لدي طبعا

وبجيب معي سندويش لكن صحي خبز أسمر قمح و جبن مثلا أو مرتديلا أو بيض أو أي شي بشوفوا صحي

بجيب سندويشتين مختلفتين وحدة فطور وحدة حوالي الساعو 2 ظهرا

هيك لما بروح عالبيت باكل براحتي

وهذا ليس إلا رأيي و كل وحدة من الغوالي عندها تعليق تنصحني به



المهم انا الحمد لله اليوم صايمة إدعولي ما أخبص على الفطور