مساء الخير على البنات الحلويييييييييييييين
طبعا انا مشتركة جديدة معاكم..... لسة طازة يعني
عجبني اوى المنتدى وعاجبني اكتر التفاعل الجميل مابين الاعضاء كلهم
والكل ماشاء الله عنده مواضيع حلوة ... والواحد وهو بيقرأ كدة يحس ان ناس فاهمة بتتكلم
ودة طبعا خلاني اقوول الحمد لله لقييييييييييييتكم

عايزة بقى كل بنات مصر الحلويييييييييين يكزوا معايا هنا عشان انا في مشكلة عوييييييييصة جدا وماحدش هيساعدني غيركم

ابدأ بقى في سرد مأساتي ومشكلتي :
انا كنت بعمل ريجيم والحمد لله خسيت .... بس يارتني ماعملت ولا خسيت
مش طايقي شكل جسمي من تحت وبالتحديد رجلي من الترهل والسلاوليت
ومش عارفة اعمل ايه... فرحي في الصيف ان شاء الله
وبجد انا مش طايقة منظري مش عارف جوزي هيطقني ازاي

المهم اني دلوقتي بحاول اعمل المستحيل عشان المنظر دة على الاقل يخف شوية
مش مطلوب انه يروح يخف بس

سمعت عن كريم لوريال للشد وعلاج السلاوليت والكل بيقول عنه انه جميل جدا
بس دورت عليه هنا عندنا في المنصورة وفي القاهرة في كارفور ومالقتهوش
وطلبت من اخويا يشفهولي في الامارات هناك ومالقهوش
ومش عارفة حاجة تانية غيرو خاااااااااااااااااالص

واحدة صاحبتي مامتها صيدلانية قالتلي على كريم بيحطوه الستات بعد مايولدو عشان ال
stretch marks اسمه derma pure sm
هيا بتقول انه كويس .... بس انا مشكلتي مش الخطوط البيضة الي بتظهر في الجسم بعد التخسيس
انا مشكلتي الترهل ومش مقتنعة ان الكريم الي بيعالج العلامات ممكن كمان يعالج الترهل
فياريت لو حد يعرف حاجة عن الكرم دة يفيدني الله يخليكم

وكمان عايزة من البنات المصريين الي معانا هنا
حد بلييييييييييييييييييييييييز يقولي على كريم يكون بيتباع هنا في الصيدليات اوي اي مكان ويكون كويس وأكيد بيجيب نتيجة

عشان خاطري ياريت الكل يرد عليا
عشان انا فعلا الموضوع دة عاملي اكتئاب ومخلي مزاجي وحش ... ومش طايقة حتى معاد الفرح يقرب
وكمان ياريت لو تعرفوا كريم كويس للتنحيف لأني حتى بعد ماخسيت مشكلتي من تحت .... عندي جناب ونفسي اخسسها

املي فيكم كبير تنقذوني

مرحبا بيكى اختى ومبروووووك على فقدانك للوزن انا انقطعت شهرين عن المنتدى بسبب ظروف عائلية والان رجعت مرة اخرى وكلى حماس عشان افقد وزنى واكمل الريجيم
بالنسبة للترهل انا اشتريت كريم جل من دوف مكتوب عليه لشد البشرو السيلوليت اسمه intinsive body firm gel وهذا اول يوم لى استعمله لو لقيت نتيجة اكيد هقولك بس انا اشتريته من السعودية سعرة 20 ريال بس عاوزة اسألك انتى كنتى بتلعبى رياضة؟؟؟؟؟؟؟؟؟؟

اهلين حبيبتي نورتينا والله
مبروك نزولك لكن اهم حاجه لازم رياضه
يعني حاولي على الاقل تمشي ساعه وكمان في كريم اسمه روك ممتاااااز جربيه

بالتوفيق

اهلا بيكي يا ww ياحبيبتي احسن حاجة للسيلولايت هي الرياضة والمشي بالتحديد وعلى فكرة انا فى الامارات وجبت كريم لوريال ولا عمل حاجة وكمان نيفيا بيقولوا نيفيا باي سيلولايت كويس بس عايزة مثلا كل يومين عبوة حاجة مملة يعني وحتى دوف اللي استعملته الاخت حبيبة انا جبته وكنت منتظمة عليه وكانت بنت فلبينية بتعملي بيه مساج ونفس المشكلة ولا عمل حاجة اما عن روك الحقيقة ماجربتوش لانه غالي وماحبتش اجيبه احسن يطلع زي اللي قبله الحل الوحيد انك تشتركي فى جيم وتعمل تمارين وزن علشان تشدي جسمك ودي ضرورية بعد نزول الجسم وخصوصا النزول السريع وربنا معاكي وماتخافيش جوزك مش حيقرف منك ولا حاجة طالما بيحبك عمره ماحياخد باله من حاجة زي كدة طالما ماتلفتيش نظره وربنا يتمملك بخير بس يادوب تلحقي من دلوقت تشدي جسمك علشان بياخد وقت وصدقيني هتبداي تحسي بالفرق من اول شهر

انا فعلا مع لولا رياضه ثم رياضه ثم رياضه وهتلاقي الفرق بعد شهر بالكتييييييير

ماهو للأسف اني انا لما عملت الريجيم عملت لوحدي من غير دكتور
وماكنتش اعرف خالص ان الريجيم من غير رياضة بيضر الجسم كدة

بس في اخرة فترة في الريجيم كنت بدأت امشي مع الريجيم
يعني كنت بمشي تقريبا في اليوم ساعة او نص ساعة
بس بردو في ترهل

انا مش عارفة ايه الحل بصراحة...حتى لو بدأت امشي كتير واعمل رياضة
الموضوع دة عايزلوا فترة طوويلة اوى عشان الجسم يششد

طيب ماحدش يعرف كريم derma pure دة كويس للشد ولا للخطوط والعلامات بس؟
وكمان حد يعرف اذا كريم دوف للتنحيف بيشد كمان ولا بينحف بس؟\

ياريت يا سمسمة تقوليلي انتي جربتيه شخصيا ولا لأ؟؟ وهو بيتباع بكام؟وفين؟

مرسىى اوى على ردوودكم
وادعووووووووووولي

والله يا مؤمنة انتي حبيبتي ودايما ارائك مظبوطة

كتبت بواسطة 0مؤمنه بالله0

انا فعلا مع لولا رياضه ثم رياضه ثم رياضه وهتلاقي الفرق بعد شهر بالكتييييييير

على ضمانتك بعد شهر
لو بعد شهر او حتى شهرين يبقى الموضوع بسيط
ياريت والله يكون كدة
بس انا عايزة اسأل
هو المشي على السير الكهربة كفاية
ولا لازم تمارين تانية؟؟؟؟؟؟؟؟؟؟؟؟؟؟؟؟؟؟

للرفع

لازم تمارين فيها اوزان علشان تشدى العضلة ولازم تشتركي فى اي جيم قريب ليكي علشان تلاقي الاجهزة متاحة والمدربة حتقولك كل جهاز لايه وعلى ضمانتي النتيجة هتحسي بيها خلال شهر وجسمك حيبقى جميل خلال 3 شهور وسيبك من الكريمات كلها فاشلة صدقيني وانا جربت دوف وخليت واحدة فلبينية تعملي مساج ومع كدة ولا عمل حاجة روحي الجيم واتعبي الكام شهر اللي قبل الفرح وادعيلي بعدها يا جميلة