السلام عليكم و رحمة الله و بركاته
اولا احب ادعى لنفسى و كل بنت عايزة تخس ان ربنا يقدرنا و نخلص من الوزن الزائد ده
انا حابه اسالكم و اسال مشرفتنا اللى زى القمر الراجية عفو ربها
انا وزنى 79 كيلو و طولى تقريبا 160
ايه الوزن المناسب الى المفروض اوصله
و بالنسبه لنظام الاكل انا شوفت طرق كتير و وصفات كتير و احترت اختار ايه
لكن بداية بدأت اقلل من اكلى يعنى ادوق الاكل كله لكن مش اكل منه و اعتمد على شوربة الخضار و الى بعملها من البسله و الجزر و البطاطس بس - مؤقتا لحد ما اوصل لنظام غذائى صحيح - لانى مش بعرف امشى على نظام غذائى معين و اكل حاجات محدده ( يعنى مش بعرف امشى على جدول ثابت )
ده ممكن يقلل من وزنى قد ايه تقريبا ؟
كمان لتحلية الشاى و القهوة ممكن استخدم العسل الابيض و لا لا ؟
و بالنسبه لريجيم بذر الكتان ده مفيد فعلا و بيخسس اوى كده ؟
معلش اسئلتى كتير اوى
بس لان وزنى زاد حوالى 13 كيلو فى السنه اللى فاتت حاسه نفسى مش انا
و نفسى ارجع زى ماكنت
جزاكم الله كل خير
الروابط المفضلة