اولا قبل اي حاجه
لازم اشكر كل الناس اللي هنا البنات و المشرفين و اصحاب الموقع و الاعضاء كلهم
انا خسيت 19 كيلو و هحكلكم ازاي بفضل ربنا سبحانه وتعالي ومن بعده المنتدي دا
من غير لف و لادوران
هحكلكم الحاكيه
انا طولي 175 سم و كان وزني 95 و ساعات بيطلع ل 97
انا ما كنتش كده
بس والله اخر سنتين في الكليه كان كل يوم اكل بره
و مافيش حركه و كنت بلبس لبس واسع وما كنتش بلاحظ نفسي
و مره في يوم
ببصلنفسي في المرايه و قرفت اوي
قررت اني اعمل رجيم
و دايما اول ما تنط في راسي الكلمه دي
اعمل النقيد
و اكل كتير
كأني يعند مع نفسي
و مش انا بس كده
بنات كتتتتتتتتتتتتتتتتتيييييييييير كده
المهم
كان في يوم حاسم بجد
لما خطيبي قالي ايه رأيك تخسي شويه علشان صحتك و علشان بعد الجواز السيدات بتتخن و لازم تخلي بالك من صحتك
هوه ما جرحش مشاعري
و انا عارفه انه خايف عليا
بس والله الكلمه دي خلتني عمله زي شعلة النار يا بنات
و قررت اني اتغير تماما
اول رجيم كان 5*5
و مشيت عليه بالظظظظظظظظظظبط
و اول ما لقيت الميزان نزل ل 90
اتصدمت و اتحمست
كملت برجيم متوازن علشان خفت اوي
الرجيم ماكنتش مقيده باكل معين
بس كنت باكل كل حاجه مانعه الدهون و الحلويات و العيش و الرز
نزلت وصلت ل 85
سعتها و صلت اني حسيت اني خفيفه
دخل عليا رمضان
و بدأت العب رياضه يوميا و ماشيه على نفس نظام الاكل
كنت نزلت 9 كيلو كمان
مش عايزه اقولكم شكلي اتبدل
خطيبي خليته ما يشوفنيش فتره الشهرين دول
و اول ما شافني
مش عارفه اقولكم ايه ما عرفنيش
و انا كنت فرحانه بالتحدي لنفسي و لكل اللي حواليا اللي كانوا بيحبطوني
المهم الحمد لله
من اخر يوم في رمضان وليومنا هذا و انا باكل طبيعي جداااااااااااا
و الحمد لله ما زدتش
بس مش مرتاحه انا نفسي اخس 3 كيلو كمان
بس مش عارفه و مش قادره
و الايام دي برمرم كتير
علشان حالتي النفسيه مش اد كده
يعني
انا حكتلكم حكايتي و شجعتكم
ياريت تشجعوني
تحياتي
رد مع الاستدلال
الروابط المفضلة