@@بغيت أروووح فيها والسبة تحاميل ألبوثيل المهبلية...( نصيحة )@@
السلام عليكم يا بنات اشلونكم ؟ شخباركم؟
سمعت من كثير من بنات دوامي وزميلاتي بالعمل عن تحاميل ( ألبوثيل ) وهي ممنوعة عندنا بالكويت ، وتنباع بالبيوت العلبة ب 10 دنانير يعني 120 ريال ................( تجارة صح في حريم ما يخافون ربهم؟؟؟ )
المهم مو هذا الموضوع ،،، عيل شنو؟؟؟
الموضوع إن أنا أنصحكم لوجه الله تعالى والله العظيم مابي أي شي بس انتوا خواتي في الله ، ومابي إللي صار لي يصير لأي وحدة منكم ...
والسالفة هي : مدحت لي وحدة زميله بالدوام تحاميل ألبوثيل وقالت انها استعملتها عقب ولادتها أواخر أيام الأربعين ..وانها ممنوعة في الكويت فاشترتهم من وحدة من جنسية عربية تبيعهم في بيتها ( لا وبيتها في الجهرة ) وزميلتي تسكن بالنزهة يعني في العاصمة و تخيلوا تعنت الطريق كله الدرب والمسافة للجهراء علشان تشتريهم !!!
واستخدمتهم بأواخر أيام الأربعين 6 حبات في 6 أيام ، وعلى قولتها بالحرف الواحد ( والله اني رجعت بنت وأضيق من البنت ) ...
وانصحتني فيهم وقالت ان المرة اللي تبيعهم ما عندها ألحين انتظري لمن تييب منهم أو ...اذا عندج أحد بيروح السعودية وصيه ييبهم لج !!!!
عاد وحدة من عايلتنا مسافرة لأهل لها بالسعودية وشرت لي علبتين ( ألبوثيل) الوحدة ب26 ريال تخيلوا وذيج المرة تبيعهم ب10 دنانير 120 ريال يعني.....استغفرالله ناس بدون ضمير!!!!!!!!
المهم وصلوا لي التحاميل وأجلت استخدامهم أشهر........ سبحان الله كل ما أبي أستخدمهم يتأجل الموضوع ....ربي يحبني بس أنا ما كنت أحس في هالشي....
لين هذاك اليوم في منتدى من المنتديات تمدحهم وايد ونفس الكلمة ( رجعت بنت! )وذكرت إن الدكتورة اللي تراجعها انصحتها في تحميلة وحدة عقب كل دورة وقالت ( العلبة فيها 6 تحاميل يعني تكفيج 6 شهور ) وتقول انها ضيقت المهبل .....وامدحتهم وقالت دكتورتها النسائية نصحتها فيها وايد !!!!
عاد أنا تذكرتهم قلت ( ليش ما أجرب؟؟؟ ) وخلصت دورتي الشهرية واستحميت منها وحطيت تحميلة وحدة ومن عقبها سمعوا شنووو صار؟؟؟؟؟؟؟؟؟؟؟
النتيجة الغير متوقعة!!!!!!!!!!!!!!!!!!!!!!!!!!!!!!!!
قامت تطلع افرازات شفافة وبعد يومين تحولت بيضاء وبعدين في نهاية نفس اليوم تحولت صفراء اللون مع رائحة كريهة جدا .....
مع حرقان وقت البول وألم شديد وقت الجماع ........
حسبي الله ونعم الوكيل ....
غضب زوجي مني غضبا شديدا وماقام يكلمني 3 أيام ولا يقعد معي على الغداء !!!!!!!! لأنني ( غامرت ) مغامرة واستخدمت التحاميل " دون استشارة طبية "
رحت لدكتور خاص في نفس اليوم ولم أصبر على نفسي طرت الى مستشفى خاص ، لأن دكتورتي كانت في إجازة ومسافرة .... فدخلت على دكتور استشاري ...
أخبرته بالقصة وما أن شاهد ( ألبوثيل ) وأنا أخرجهم من شنطتي.... حتى صرخ في وجهي وقال :
( هذه التحاميل نستخدمها فقط في حالة المريضة التي نجري لها عملية كي لقرحة بالرحم أو في عنق الرحم )...
و أضاف :
( انتي ما عندج قرحة أو مسوية عملية كي ، فحرقتي اللحم نفسه داخل غشاء الرحم )......
وبعد الكشف ....
قاللي : ( اللحم محترق ومتكوي ......وفيكي بداية التهاب ...لو ما جيتي خلال هذه الأيام لتطور الأمر ...احمدي ربك!!!!)
ووصف لي مضاد حيوي قوي كل 12 ساعة لمعالجة الاتهاب لفترة أسبوع ..
مع تحاميل مهبلية ( نوع من المضاد الحيوي ) لمدة 3 أيام صباحا ومساء ا ........
اليوم بس خلصت آخر حبة مضاد حيوي .....
واليوم بس شفت وحسيت بالعافية .... ألف الحمدلله والشكر لله.
بنات خصوصا المتزوجات سمعوني/ أنصحكم ابتعدوا عن المجازفات واستخدام أي دواء وصتج فيه ( جاره أو صديقة أو بنت عمج أو بنت خالتج أو زميلتج بالدوام ..................الخ )
لأن العواقب وخيمة ....
حافظوا على نفسكم واستشيروا الأطباء بالمقام الأول .....
أمنى الصحة والسلامة للجميع ........................قولوا آمين.
منقوووووووووووووول للفائده
رد مع الاستدلال
الروابط المفضلة