اختى قرأت هذا الرجيم فى المنتدى و اريد تطبيقه مارأيك فيه و هل حقا ينزلنى من 5-6 كجم مع العلم انى نزولي بطئ ارجو منك النصيحة اختى و ربنا يجعلها لك حسنات شكره و عاوزة اعرف هنتى منين من مصر
الرجيم
السلام عليكم ..اليوم جايبتلكم ريجيم للتخلص من الكرش تخفيض الوزن 5- 6 كيلو غرام .. ان شاء الله يفيدك من بدأ بالريجيم عدد الأيام 14 يوما

الإفطار
موحد في جميع الأيام
3 • أكواب كبيرة من الماء على الريق.
• كوب عصير جريب فروت أو قطعة أناناس.
• اختاري.. بيضة مسلوقة جيداً أو 10 ملاعق "فول" بقليل من الزيت والليمون، "أو قطعة جبن قريش".. ممكن إنك تنوعي يعني يوم "بيض" ويوم "جبنة" ويوم "فول" لإبعاد الملل.
• ربع رغيف عيش بلدي.
• فنجان شاي أو قهوة بدون سكر.

اليوم الأول
الغداء• 2 بيضة مسلوقة جيداً.
• طبق سبانخ مسلوقة ولو مش بتحبي السبانخ ممكن إنك تعملي طبق شوربة خضار مكون من "كوسة + جزر + بسلة + فاصوليا ".
• ربع رغيف بلدي.
• شاي أو قهوة بدون سكر.العشاء
• صدر دجاجة "مسلوقة" أو "مشوية" منزوعة الجلد.
• خمس جزرات.
• خمس ثمرات طماطم.
• ثمرة جريب فروت قبل النوم.

اليوم الثاني
الغداء• طبق سلطة فواكه طازجة.


العشاء• ربع كيلو سمك مشوي.
• طبق سلطة خضراء مكون من "كرفس، خيار، طماطم".
• ربع رغيف بلدي.
• فنجان شاي أو قهوة بدون سكر.

اليوم الثالث
الغداءطبق سلطة فواكه طازجة.


العشاء• 2 بيضة مسلوقة جيداً.
• طبق سلطة خضراء.
• ربع رغيف بلدي.
• فنجان شاي أو قهوة بدون سكر.

اليوم الرابع
الغداء• صدر دجاجة "مسلوقة" أو "مشوية" منزوعة الجلد.
• شرائح طماطم.
• وبعد مرور ثلاث ساعات يمكنك تناول ثمرة جريب فروت.

العشاء• مقدار ربع كيلو سمك مشوي.
• طبق سلطة خضراء.
• فنجان قهوة أو شاي بدون سكر.

اليوم الخامس
الغداء• طبق سلطة فواكه

.العشاء• 2 بيضة مسلوقة جيداً.
• شرائح طماطم.
• قطعة جبنة بيضاء.
• نصف رغيف عيش بلدي.
• فنجان شاي أو قهوة بدون سكر.

اليوم السادس
الغداء• 2 بيضة مسلوقة جيداً.
• طبق سلطة خضراء.
• ربع رغيف عيش بلدي.

العشاء• مقدار حوالي ربع كيلو لحمة مشوية.
• طبق سلطة خضراء.
• فنجان شاي أو قهوة بدون سكر.

اليوم السابع
الغداء• 2 بيضة مسلوقة كويس.
• طبق سبانخ أو شوربة خضار.

العشاء• حوالي ربع كيلو سمك مشوي.
• ربع رغيف بلدي.
• ثمرة جريب فروت قبل النوم.

يتم الاستمرار على هذا النظام لمدة أسبوعين وبعد ذلك تأخذي إجازة يوما تأكلي فيه كل ما ترغبي ثم تكرري النظام أسبوعين أخريين

السلام عليكم ورحمه الله وبركاته

حبيبتى بارك الله فيكى لحسن ظنك بى

اولا هذا النظام يسد شرايين فــــــيـــــل 12 بيضه بالاسبوع كم غير معقول
المفروض اننا بعد سن البلوغ نقلل البيض الى 4 بيضات فى الاسبوع
وفوق سن الاربعين 2 بيضه
ولو فى اى متاعب ضغط او قلب او حتى تاريخ عائلى نتناول بيضه واحده

ولم افهم النقطه تعنى ان كل هذه الاصناف لغداء مثلا سمك مع سلطه مع خبز لو نعم جيد

وايضا سلطه الفاكهه لا تعتبر وجبه ابدا لا غدا ولا عشا

سؤال هام انتى وزنك وطولك كم ؟
وهل اتبعتى من قبل انظمه ريجيم وما هى ؟ لنعرف مدى اعتياد جسمك على الريجيم
واخبار الرياضه معك ايه ؟

انتظر ردك
وفقك الله لما يحب ويرضى

اولا اشكرك جدا على ردك وانا طولى 148 سم و وزنى 62 وانا كنت 71 كيلو وعملت رجيم مع دكتور لحد ما وصلت للوزن دا بس فى ظروف منعتنى اكمل مع الدكور فلجأتلك ونفسى يبقي وزنى 50-54 ممكن تسادينى و انا عندى 21 سنة و متزوجة و جوزى متضايق من شكلى جدا لأنى قصيرة و مايلنة و قالى انه عاوزنى ابقي رشيقة اسفة جدا جدا جدا انى طولت عليكى بس انا طلبة مساعدتك ارجوكى ممكن تحطيلى برنامج يناسبنى بس بلاش التخفيف عشان مبعرفش اتحكم فى نفسى و مرة تانية اسفة قوى

كتبت بواسطة rodana

اولا اشكرك جدا على ردك وانا طولى 148 سم و وزنى 62 وانا كنت 71 كيلو وعملت رجيم مع دكتور لحد ما وصلت للوزن دا بس فى ظروف منعتنى اكمل مع الدكور فلجأتلك ونفسى يبقي وزنى 50-54 ممكن تسادينى و انا عندى 21 سنة و متزوجة و جوزى متضايق من شكلى جدا لأنى قصيرة و مايلنة و قالى انه عاوزنى ابقي رشيقة اسفة جدا جدا جدا انى طولت عليكى بس انا طلبة مساعدتك ارجوكى ممكن تحطيلى برنامج يناسبنى بس بلاش التخفيف عشان مبعرفش اتحكم فى نفسى و مرة تانية اسفة قوى

العفو على ايه
بصى نتفق ان انتى وزنك يحتاج تعديل صح
وطالما زوجك ربنا يبارك ليكم بدأ يكلمك عن وزنك اذن الراجل متضايق منه صح
فكرى كده ح تبقى مبسوطه لو بص بره طبعا لأ انا من هنا ح ازعل لك
يبقى موضوع التحكم فى النفس ده مهم جدا
ممكن تقولى ايه نقاط ضعفك التى لا تتحكمى فى نفسك وتحبى عملها وفى اعتقادك هى السبب المباشر لزياده وزنك
انتظر ردك

وفقك الله لما يحب ويرضى

الحلويات والارز اما بالنسبة للرياضة فانا بالعب تمارين ايروبكس لكن مينفعش امشى انا عاوزة منك رجيم صحي و ينزل وزنى
واكون شاكرة جدا و ربنا يجازيكى خير

بصى مبدئى ان الريجيم الموضوع ويكون مغاير لعاداتك انتى فى الاكل منتهى الفشل للاخصائيه

بمعنى انتى تأخذى نموذج وتعدليه على حسب هواك وطريقته سهل مثلا الخبز حوليه ارز
الخضار براحتك الصنف المريح ليكى تناوليه بنفس الكميه
هذا النظام مطاط ولا يحتاج منك تطبخى اكل مخصوص ولا اصناف من السوبر ماركيت لأ اكلك انتى عدليه وباذن الله بعد فتره مش كبيره تلاقى نفسك عرفتى كيفيه التعديل وبقيتى خبيره
ومش فاهمه يعنى ايه العب بس لا ينفع كم المده التى لعبتيها لو اقل من 3 شهور( وعلى الاقل 3 مرات ) فى الاسبوع يبقى ما لحقش يبان اثرها

وعموما انتى مؤشر كتله جسمك 28 يعنى وزنك زايد وقرب على البدانه ( من 30 ) مهم تهتمى وتتبعى نظام غذائى

وانتى ما تحتاجيه 1750 سعر
وفى هذا الموضوع نموذج له و طريقه التطبيق

خاص جدا لكل من تسأل عن ريجيم السعرات الصحى ( الجزء الثانى )

ماشاء الله الراجيه ماقصرت