ازاى تخسى بسهوووووولة و بدون رجيم
يا جماعة جايبه لكم نصائح هامة جدا عشان تقدرى تخسى بدون اى مجهود
اولا انا عايزة اشرح حاجة مهمة اوى ....ساعات كتير بتلاحظ ان فى بعض الناس بتاكل كتير و مع دلك ما بتتخنش, و انت يمكن بتاكلى اقل منهم و مع دلك بتتخنى (ده على افتراض ان الشخص طبيعى و معندوش امراض ممكن تكون هى السبب فى السمنة و ده طبعا محتاجة طبيب) ...انا هقولكم السبب دلوقت ...ازاى تاكلى نفس الكمية و مع دلك تخسى....السبب هو معدل الأيضBMR ....لو معدل الأيض ده عالى هيؤدى الى حرق الدهون اسرع ...و طبعا لو واطى هيبقى حرق الدهون ابطأ......
طب ازاى تقدرى تخلى معدل الأيض عالى وتخسى بسهولة بدون اى مجهود....... اليكم يا اخواتى هده النصائح:
1-يجب عدم اهمال وجبة الأفطار نهائيا لأن ده اهم وجبة فى اليوم خصوصا للى عايزين يخسوا....لأن معدل الأيض بينخفض اثناء النوم و لا يرتفع الى معدله الا لو انت اكلتى وجبة الأفطار...اما لو اهملتى وجبة الأفطار فإن الجسم سيصبح فى حالة جوع , و خوفا من ان تستمر هده الحالة يقوم الجسم كحل وقائى بخفض معدل الأيض و التقليل من حرق الدهون حتى يحافظ على مصادر الطاقة لديه الى ان تنتهى حالة الجوع ....لدلك ينصح بتناول وجبة الأفطار خلال اول ساعة بعد استيقاظك من النوم....و الأبحاث اثبتت ان اللدين يتناولون وجبة الأفطار يفقدون وزن اسرع من الدين يؤخرون اكلهم الى وجبة الغداء .
2-اكل 5 أو 6 وجبات صغيرة افضل من اكل ثلاث وجبات كبيرة...لأن معدل الأيض يزداد اثناء هضم الطعام..بالإضافة الى ان بقاء الجسم بدون اكل لمدة 4 ساعات سيوحى للجسم ان هناك حالة مجاعة لدلك سيبدأ معدل الأيض فى الأنخفاض تدريجيا.....بس يا جماعة ما تفهموش الموضوع غلط ...انا قلت 6 وجبات صغيرة مش 6 وجبات كبيرة و تقيلة...يعنىما تزوديش اكلك....انا قصدى ان ممكن بنفس كمية اكلك لو وزعتيها على 6 وجبات بدل تلاتة هيخليكى تخسى اكتر.
3-لعب تمارين و لو حتى رياضة المشى...لأن الخلايا العضلية تستهلك طاقة اكثر عن الخلايا الدهنية ....هدا بالاضافة الى ان الرياضة تحرق الدهون و تأثيرها كمان بيستمر ساعات حيث يستمر حرق الدهون بصورة اسرع بعد توقف التمرين بعدة ساعات.
4-اكل غداء متوازن و غنى بالفيتامينات و المواد الغدائية لأن عملية الأيض هى تفاعلات كيميائية و لكى تتم بصورة سليمة فأنت بحاجة لغداء متوازن.
واليكى بعض النصائح منى لتساعدك على انقاص الوزن بدون مجهود:
1- شرب كوب ماء قبل الأكل بثلث ساعة ....و شرب 6-8 اكواب من الماء يوميا.
2- الأكل بملعقى صغيرة و مضغ الطعام ببطء فهدا يساعد على سرعة الأحساس بالشبع.
3- البدء بطبق السلطة اولا فهى مليئة بالألياف التى ستملأالمعدة و تعطى احساس بالشبع.
4- شرب الشاى الأخضر مرة واحدة يوميا.
بهده النصائح البسيطة تستطيعين انقاص وزنك بكل سهولة و اتمنى انكم تستفيدوا من المعلومات ده و كل اللى انا عايزاه منكم انكم تدعولى ان يزوجنى الله بالزوج الصالح و يرضيينى به.
رد مع الاستدلال
الروابط المفضلة