السلام عليكم
مش عارفة اقول اية ولا انا بكتب الموضوع لية بس حالتي دلوقتي ماحدش يعلم بيها الا الله
انا عاوزة اخس من اكتر من 3 سنين ومش عارفة كل ماخس ارجع تاني
مع اني الحمد لله مش مليانة اوي لكن نفسي اخس واكون رشيقة زي كل البنات
خصوصا اني طويلة والطول مع التخن مش بيبقى حلو
انا بجد حاسة اني على حافة الانهيار
بقيت كل مالاقي نفسي اكلت اكلة كبيرة اقوم للحمام(واستفرغ كل اللي اكلتة(أعاذكم الله
عارفة ان دة بيبقى مرض واسمة polymia nervosa وللاسف انا عارفة مضاعافاتة واللي ممكن يحصلي بسببة
بس مش قادرة في فكرة بتسيطر عليا كل ماكل اكلة تقيلة اني لازم استفرغ ومش بقدر اقاومها
بقيت بتعب جدا جدا بسبب الموضوع دة وحاسة اني بنهار
ورغم كدة برضو ماخسيتش
بمشي على الرجيم يوم بالكتير ومش بقدر اكمل
مش بقدر اقاوم الاكل بكل انواعة
ارادتي ضعيفة جدا جدا
والله بموت ارجوكم ساعدوني

اختى انت لازم تقرى الموضوعات المطروحة وتشوفى الارادة القوية وناس عم بتخسى ب 20 كيلو واكتر وانت مش مليانة اوى

خديلك شهر ولا اقل وحتبقر رشيقة

بس اعملى رجيم ورياضة كل يوم وراح تخسى اكيد وتبقى زى عارضات الازياء

انا اقول التزمي مع اقرووب بالمنتدى وراح تشوفين الاراده تزيد يوم بعد يوم
انا توني باديه اليوم خامس دخلي موضوعي وابدي ماعانه وصدقينه مع المجموعه راح تحسين ارادتج قوت
وتحسين انه في احد معاج ويشاركج نفس الهم الله يوفقج يارب وتحققين كل التبينه

كتبت بواسطة دكتورة عسولة

السلام عليكم
مش عارفة اقول اية ولا انا بكتب الموضوع لية بس حالتي دلوقتي ماحدش يعلم بيها الا الله
انا عاوزة اخس من اكتر من 3 سنين ومش عارفة كل ماخس ارجع تاني
مع اني الحمد لله مش مليانة اوي لكن نفسي اخس واكون رشيقة زي كل البنات
خصوصا اني طويلة والطول مع التخن مش بيبقى حلو
انا بجد حاسة اني على حافة الانهيار
بقيت كل مالاقي نفسي اكلت اكلة كبيرة اقوم للحمام(واستفرغ كل اللي اكلتة(أعاذكم الله
عارفة ان دة بيبقى مرض واسمة polymia nervosa وللاسف انا عارفة مضاعافاتة واللي ممكن يحصلي بسببة
بس مش قادرة في فكرة بتسيطر عليا كل ماكل اكلة تقيلة اني لازم استفرغ ومش بقدر اقاومها
بقيت بتعب جدا جدا بسبب الموضوع دة وحاسة اني بنهار
ورغم كدة برضو ماخسيتش
بمشي على الرجيم يوم بالكتير ومش بقدر اكمل
مش بقدر اقاوم الاكل بكل انواعة
ارادتي ضعيفة جدا جدا
والله بموت ارجوكم ساعدوني

اولا عشان تبقى فاهمه انتي لما بترجعي الاكل بتاعك ده مش معاناه ان السعرات اللي دخلتيها في جسمك كده خرجت انتي كده بس بتهلكي معدتك و خلاص و لو عاوزه تخسي فعلا لازم تفهمي انك اولا متضريش نفسك و لازم متبقيش لوحدك و تابعي مع ناس هنا في المنتدى و اتعرفي عليهم هتلاقي الموضوع في تشجيع جامد و ممكن تدخلي على الينك ده و اشتركي معانا احنا كل يوم بنتكلم مع بعض و بنعرف كل حاجه عن الدايتس بتاعتنا و الحمد لله كلنا بنخس و هنهوصل بس يللا تعالي و لا لازم اجي اقومك

صباح الورد

ازايك يا دكتورة يا عسولة؟؟

إذا عايزة تكون عندك إرادة حديد
خلي في بالك إنو الأكل ده .. هو إلي سمنك .. وهو إلي خلا الدهون تتراكم في جسمك ..
عشان كده اعتبريه عدوك الأول ..
اعتبري الأكل عصييير جدا لذيذ بداخلو سم .. بتشربيه؟؟
استحالة طبعا ..

شيلي من حياتك .. الطحين الأبيض (الأخباز الأبيضاء) .. والسكر الأبيض .. والمشروبات الغازية .. والدهون .. والتدخين.. وقد ما تقدري الكافيين ..

واستبدلي بالخبز الأسمر .. والخضروات والفواكه المسموح بها .. وكثيييير من الماء .. وبعض منتجات الحليب قليلة الدسم .. وبعض أنواع اللحوم المشوية أو المسلوقة ..

وراح تشوفي بعد فترة إن بشرتك صارت أحلى وأصفى .. وإن الدهون المتراكمة ابتدت تخف ..

في مليون موضوع في المنتدى .. في أنواع مختلفة من الرجيم .. شوفي إلي يناسبك منها طبعا ..
وانضمي لرابطة معينة .. أو فريق معين .. وخبريهم بيومياتك وراح يشجعوكي ..
بس خلي إرادتك حديد .. وكلها كم شهر يا عم .. وتبقي عارضة أزياء ..

أتمنى لك كل التوفيق يا قمر .. وابتدي من النهاردة وما تعطليش ..

انا متشكرة اوي على تفاعلكم والله انا كتبت الموضوع وقمت من كتر العياط استفرغت تاني غصب عني المرة دي بس استعذت بالله وصليت ورجعت اقرا ردودكم والحمد لله انا هديت دلوقتي وان شاء الله ابدأ معاكم ونخس وربنا يوفقنا كلنا

اقرئي جوابي إلي فوق .. إنشالله تستفيدي ..
وما تفرغيش معدتك مرة تانية .. الحركة دي مضرة جددددا .. وبتهتك جدار المعدة ..
خلي بالك يا عسولة .. دي صحتك يا حبيبتي ..

وطالما حتفرغيه ما تاكليهوش من الأساس ..
أحسن التعذيب إلي بتعزبي بيه نفسك كل يوم ..

شد حيلك يا قمر ..

اختى العزيزه ... انا عارفه ان التخن ده مصيبه

بس ما تفضليش على الوضع ده
قدامك حلين
الاول : طالما انك مش قادره تلتزمى بريجيم ممكن تعملى ربط معده يمكن ده يكون حل كويس بالنسبة ليك طلما بياثر على حالتك اوى كده

الحل التانى :

فى ريجيم لسه بدأينوا الاسبوع ده مع البنات فى المنتدى ... انا وزنى 95 وروحت لدكتور كل اللى عندوا كان وزنهم فوق ال 150 و 140 وهكذا دلوقتى ما شاء الله كلهم فى حدود 60 ن 66 ، 70 وهكذا ... فاكيد الريجيم ده لللناس اللى مش بتقدر تمسك نفسها عن الاكل يعنى اللى وزنه 154 اكيد ده فشل ميت مره انو يعمل ريجيم ... ف اكيد الريجيم ده مساعد قوي للحالات للى زينا
لو تحبي تمشي معانا تعالى
ريجيم فى اكل كتير اوى ادخلى هنا وشوفيه ... وفى يوم فري فى لاسبوع ... ده لسه اول اسبوع لينا ولما نخلصوا هكتب الاسبوع التانى .. وزى ما بقولك هو لاصحاب الاوزان التقيله زينا كده
http://www.lakii.com/vb/showthread.php?t=305232&page=21


ربنا معاك .. الدنيا ما تستاهلش التعب ده كله .. فى الاخر دي حاجه بسيطه ... تنظيم لاكل وان شاء الله كلوا يتظبط ..انا احيانا بضايق بردوا بس بقول لازم الواحد يتغير .. هفضل حابسه نفسي عشان الاكل ؟؟؟ هدفن نفسي بالحياه عشان الاكل ؟؟؟ حرام ولا مش حرام !!!!
انا بعتبر الموضوع ده عامل بالظبط زي الشيطان استغفر الله العظيم لانو بياخد كل تفكير ... احيانا بقول ياربي هفضل افكر فى الاكل طول عمرى كده ؟؟؟؟ افكر وانا باكل وبتخن ومكتئبه .. وافكر وانا بعمل ريجيم امتى اخس ...مره قولت لو مت
ياترى لما ربنا بيسالنى عملتى ايه فى حياتك؟؟؟ اقوله والله كنت بفكر ليل ونهار ازاى اخس عشان اعيش حياتى !!!!!!!!!!!!!!!!!!!!!!!!!!! سبب سخيف ...
المشكله ان الموضوع ده بياثر على كل حاجه فى حياتك على الشغل وحياتك الاجتماعيه والعاطفيه ...و كل حاجه والاحباط ده بيلازمك فى كل مكان وكل وقت ....
حرام والله
الكلام ده بقوله ليه انا قبل ما يكون ليك انتى
لان اليأس ده بجد من الشيطان
اتمنى كلامى يكون له تاثر طيب عليك
وعوزاك تضحكى كده وتنسي الكلام بتاعك والتعب ده وابداى وانسى الماضى نهائي

عزيزتي شو رايك تنضمي مع نور الامل رح يفيدك نظامها ورح تشجعو بعض

فعلا كلام البنات صحيح جدا

انضمى لاى مجموعه وشجعوا بعض

والله انا كمان من اربع سنين بزيد وانزل

وقلبى محروق بمعنى الكلمه على انى كنت نزلت 35 كيلو ورجعت منهم 30

كل ما افتكر اتمنى انى كنت اموت ولا ارجع تانى

الحمد لله على كل حال