ازيكوا يا بدينات و يا سمينات و ان شاء الله رشيقات المستقبل

انا بفكر اكتبلكم ريجيمات دكتور خالد دراهم بالتسلسل اللى انا واخداه

و لانى للاسف لسه بدأه معاه من وقت قصير فكل يوم ثلاثاء من كل أسبوع اذا أحيانا ربنا هكتب الريجيم اللى اخدته منه و نقصت قد أيه فيه

موافقين و لا فكره مش مرحب بيها ؟؟

فكرة جميلة أختى

إن شاء الله تعم الفائدة على كل البنات

وإن شاء الله بالتوفيق وتنزلي كل الوزن الزائد

تحياتي

, والله فكرة رائعة بس يا ريت اختي تقوللنا الرجيمات لوزن كام واكيد فيه بنات حتستفيد
يكون حد مننا نفس الوزن
و يعطيك العافية

ممكن تكتبيهم

طبعا الدكتور خالد دراهم غنى عن التعريف

انا شفته فى برنامج العاشره مساءا

مع الدكتور خالد منتصر وكلام عجبنى جدا

طبعا منتظرين الرجيمات وبسرعه علشان الموضوع يظل مفتوح

مشكوره

شكرا على شعورك النبيل اتجاهنا وحاجتنا الماسة لريجيمات من واقع التجربة وليس منقول وهذا ماكنت ادور عليه

حبيبتى انا رحتلة وادانى الرجيم الأول بس مش حينفع اروحلة عشان الأمتحانات يلا حطى الرجيم بسرعة

انا أسفه أتأخرت عليكم

الأسبوع الأول

وجبه الفطــــــور

ربع رغيف بلدى او 2 توست رجيم + طبق فول صغير ( 4 ملاعق ) بدون زيت او سمن و لكن يضاف الليمون عادى

أو

ربع رغيف + بيضه مسلوقه

أو

ربع رغيف + 50 جرام جبن قريش

أو

ثمرتين فاكهه فيما عدا الممنوع و هو البلح و المانجو و التين و القصب و الشمام و العنب


+++++

كوب شاى بملعقه سكر طبيعى واحده أو شاى بحليب بدون سكر

ملحوظه :لا يضاف السكر على الحليب ابدا

مسموح بتناول ملغقتين سكر يوميا أو عسل نحل

وجبـــــه العذاء

1- النشويات

ربع رغيف بلدى أو 3 ملاعق أرز أو 3 ملاعق مكرونه

2- الخضروات

طبق سوتيه أو شوربه خضار بدون بطاطس

و يراعى ان تطهى على ماء او شوربه لحم منزوعه منها الدسم على سطحها

+++

طبق سلطه خضراء بثمره طماطم واحده ,,, أى كميه سلطه

3- اللحــــــوم

1-2 شريحه لحم أحمر مشوى او مسلوق = 150 جم

او

ربع فرخه مسلوقه او مشويه بدون جلد من الصدر

او

3 سمكات مشويه متوسطه الحجم

او

تونه مصفاه من الزيت و تشطف بالخل و الليمون

او

2 بيضه مسلوقه

4- الفاكهــــــــــه

ثمره واحده من اى نوع ماعدا الممنوع

وجبـــــــــه العشـــاء

كوب حليب منزوع الوش اللى عليه و بدون سكر

او

كوب زبادى وسط بدون وش

و يمكن اضافه الرده عليه و تحميص الرده

او

قطعه جبن قريش + خيـار + طماطم ثمره واحده

او

ثمرتين فاكهه من أى نوع ما عدا الممنوع و حجمهم متوسط