مرحبا يا صبايا كيفكم
ان شالله بخير
هلا بعد ما سجلنا بالحملة وعرفنا كم كالوري وكم كمية الدهون والكاربوهيدرات والبروتينات اللازمة لاستهلاكهها يوميا
وعرفنا التمارين الرياضية لكل بنت شو هي كبداية
رح نبدا بتطبيق الحملة
وتسجيل يومياتنا على هذا الموضوع
ورح تشوفوا بالمرفق قائمة باغلب انواع الاطعمة الي رح نمشي عليها في الحملة
وانا قسمتها لعدة فئات
متلا الكاربوهيدرات كان فيها اكتر من 20 نوع اكل
اذا في يوم كان عنا خيار بالاكل كاربوهيدرات وكان مو متوفرعنا بالبيت متلا كان مطلوب منا خبز توست
بروح على قائمة الكاربوهيدرات وبختار اي شي متوفر وبحسب سعراته الحرارية وممكن اختار خبز عادي لانه التوست مو متوفر
يعني البرنامج هاد كتير مرن وبيمشي مع نظام حياتنا مو نحنا الي رح نمشي معه
التسجيل بالحملة متل ما بتعرفوا انتهى
الصبايا الي سجلوا وما اعطوني معلوماتهم يدخلوا على هاد الرابط ويكتبوا المعلومات المطلوبة كاملة
والي لسا ما عرفت شو آلية الحملة الي نحنا ما شيين عليها تدخل على هاد الرابط وتقرا وتفهم كل شي
لانه ما رح تنجحي بهاد النظام اذا ما فهمتي نحنا شو بنعمل وليش هيك بنعمل
الفترة هادي رح تستمر اسبوعين وبعدها رح تغير وتصير المرحلة الجاية اصعب
كل بنت بناء على طلبها ووزنها والرياضة الي طلبتها والاكل الي رح تاكله رح تنقص بمقدار كيلو اسبوعيا
اذا اي وحدة اخلت باكلها او بالرياضة ما رح تنزل كيلو رح تنزل اقل او ما رح تنزل بالمرة
وهون كل وحدة بتعرف مصلحتها
واهم شي بهادي الحملة من قياس الميزان هو القياسات للجسم
بتجيبي متر وورقة وقلم
وبتسجلي كل مقاس حابة تنزلي منه وبتضلي تتاكدي من المقاسات اسبوعيا
وانا اكتر من هيك ما بقدر افيدكم انا الي عندي نزلتلكم اياه وهلا الباقي عليكم
لانه كمان شوي انا ما رح انزللكم برامج اكل انتم رح تصيروا تختاروا اكلكم اليومي وتحسبوا سعراتكم لوحدكم
وكل فترة بهاد الموضوع رح انزل وصفات مختلفة لاكلات سعرتها قليلة وزاكية
رح انزل نصائح رياضة ونصائح للاكل
فكلكم تابعوا الموضوع هاد اول باول واحفظوا كل الوصفات عندكم
وعلى فكرة لسا في جداول للحوم والاطعمة الجاهزة رح ينزلوا قريبا عشان ما يكون قدام اي حدا حجة يعني طلعتي فيوم على مطعم واكلتي بترجعي البيت وبتنزلي سعراتك اليومية
المهم ما تتعدي الحد المطلوب منك يوميا
الله يوفق الجميع وان شالله البداية من يوم السبت
الروابط المفضلة