السلام عليكم يا احلى صبايا و سيدات احلى منتدى ....

بدون اطالة و كترة حكي ....

اللي بده الخير لحاله ... ما بتهنى فيه ....

واللي بعمل ريجيم لحاله ... ما بيستمر عليه .... "ولا شو رايكم؟؟؟؟"

باختصار انا عمري 21 سنة و طولي 156 و وزني 66 .....

بدي أنزل 10 كيلو بالكتيير و 7 كيلو على اقل تقديير ( ربنا بقدرني )

المشكلة اني في الصيف الماضي نزلت 5 كيلو و ما احلاني .... بس الله يهديني .. رجعت لشبح الطفاسة و الاكل بدون حساب ... و خربت الدنيا مع قطايف و كنافة رمضان .. و كعك العيد ....

و عشان انا بنت وحيدة .. و مافي مين يشجعني .. و بتعرفو الشباب .. اللهم صلي على النبي ... بياكلوا و ما بيبين فيهم زينا (اخواني ما شاء الله بياكلوا قدي .. لكن اجسامهم . اللهم لا حسد )

و بما اني مش من النوع اللي بتقبل الريجيم . و ما بقدر عليه .. و رحم الله امرء عرف قدر نفسه ....

و كل ما انوي عمله عشان انزل هو .. كالتالي :
1. تخفيف أكل
2. البعد عن الطفاسة
3.ممارسة الرياضة

وبس .....

ولقد قررت ان :
و عشان اجبر حالي اني استمر ... راح اكتب يومياتي و كل الصعوبات اللي بتواجهني هون .... عشان تشجعوني .. واستمد القوة منكم ....

ان شاء الله راح ابدا من بكرة ... بس على خفيف ... يعني ممكن نسميها تهيأة .....

اللي بدو يبدا معي اهلا و سهلا ... ولا ما بدو ............





لازم يشجعني .... عشانكم خواتي اللي بحبهم و يحبوني

نلقاكم غدا ان شاء الله .....

تصبحوا على خير

الله يوفقك
وان شاء الله بتوصلي للوزن المطلوب

و اللة دمك زى العسل ياا ديدى استمرى و ربنا يوفقك و توصلى للوزن اللى انت عايزاة

nnnnnnnnnnnnnnnnnn

تشجييييييييييييييييييييييع
هييه....dinan..هييه..dinan..هييه..dinan..هييه..din an..هييه..dinan

ههههههههه...ههههههههه

ياويلك اذا سمنتي تعببت وامبح صوتي وأنا أشجعك.
شوفيني بشجعكم كلكم, حاطه لكم ملف اللي تبغى
تنحف واللي تبغى تسمن روحي أقريه وأستفيدي

نور الهدى ... شكرا كتيير .. و ما تحرمينا من هالدعاء الحلو ...

نانسي ... تسلمي .. والله انت اللي عسل .. كلك ذوق ...

الراجية ... هو انا صحيح ما فهمت .. بس مشكورة على المرور

جروح2 ... سلامة صوتك ... الله يخليكي ... ضلك شجعي هيك .. برافو
بس ما في ملف ولا اشي .. وينه ؟؟؟ يا ريت تحطيه بركي ساعد

المهم .. هالموضوع مو الي لحالي .. اي وحدة حابة تشارك اهلا و سهلا ... عشان نتشجع سوى مع بعض .. ماشي !

نبدا بفطور اليوم ... الله ستر .. كنت راح انسى حالي بالاكل و اخبص

بس الله ستر و اتذكرتم .. و اتذكرت الموضوع .. سكرت فمي .. و ركضت على الكومبيوتر عشان احكيلكم .
بس لا تنسوا .. ما في رجييييم .... بس تخفيف اكل و محاربة للطفاسة و دناوة النفس بالاكل ...


بدي ناس تشاركني في هالمعركة .. و ناس تشجع و تحكي تجارب هي عاشتها ...

و عشان الموضوع ما يكون كلام و بس ... بدنا نحط فيه روابط لتمارين او صور ... وصفات خفيفة ... يعني اي شي ممكن يفيد ... عشان ما نزهق و نمل
و لنا لقاء اخر

السلام عليكم اختي
ربنا معاكي ان شاء الله في مشوارك
وانا عامله زيك ماشيه على تخفيف في الاكل بأكل كل حاجه بس بنظام وشويه لخبطه وشويه نظام وماشي الحال وربنا يعنا ان شاء الله ونوصل لهدفنا
واحب احط لكي رابط تمارين حلوه كتير ان شاء الله تنفعك
http://www.lakii.com/vb/showthread.php?t=228132

كتبت بواسطة dinan

جروح2 ... سلامة صوتك ... الله يخليكي ... ضلك شجعي هيك .. برافو
بس ما في ملف ولا اشي .. وينه ؟؟؟ يا ريت تحطيه بركي ساعد
و لنا لقاء اخر

مين قالك مافيه ملف ياأختي لاتستعجلي بالقراءه زي ماأنت مستعجله
بالريجيم اذا مالقيتيه بالصفحه الاولى تلاقيه بالثانيه حتما اسمه
والا أقولك أضغطي ع الرابط

ملف شامل وكامل للاعشاب التخفيف والزيادة للوزن حياكم؟؟؟

يسلم ايديكي اخت جروح2 ....
القصة انه كنت مفكرة انك حاطه الملف على شكل رابط في الرد ... يعني لا استعجال ولا يحزنون

يبدو انه ماحدا بدو ينزل وزنه غيري
على العموم.... صارلي من يوم الخميس ماشية على موضوع التخفيف و بس ... الحمد لله .. شبه ملتزمة يعني ما بتقل العشاء .. بحاول اختار الاشياء الصحية على الاشياء الدسمة .. يعني صحن سلطة بدل سندويشة لبنة .. يعني ....

من بكرة ان شاء الله رح ارجع امارس رياضة .... اللي راح اعملهم 5 مجموعات من التمارين .. كل مجموعة بتكرر 10 مرات او حسب القدرة
..::المجموعة الاولى::..
تمارين للوسط : و هي ان تفردي ايديكي بمحاذاة كتفك ( يعني شكل الجسم على حرف T) الرجلين مفتوحة على شكل الرقم ثمانية و بعدين بتلفي و ايدكي مفرودة ..يعني تلفي الوسط بس, بزاوية 90 درجة .. كانك بتحاولي تشوفي شو في على الناحية اليمين ... و بعدين بترجعي تلفي على الناحية التانية..و بتكرري 10 مرات ....

..::المجموعة التانية::..
تمارين للوسط: نفس وضعية المجموعة الاولي (حرف T) لكن هالمرة ... ناخذ وضعية الركوع لكن اليدين بضلو مفرودين... و خلال كل مرة من التمرين حاولي تلمسي فدمك اليمين بايدك اليسار و القدم اليسار بايديك اليمين و يكرر 10 مرات

..::المجموعة الثالثة::..
تمارين النوم على الظهر مع فرد الرجلين و فرد اليدين بمحاذاة القدمين , ورفع الفدمين بزاوية 45 درجة و تكراره 10 مرات ... <<<<<هاد التمرين هلاك ... بس نتايجه منيحة .. و ربنا المعين

..::المجموعة الرابعة::..
تمارين البطن المعتادة , نوم على الظهر و رفع الجزء العلوي من الجسم ..... 10 مرات

..::المجموعة الخامسة::..
تماريت للظهر و هي لمعادلة اثر المجموعة الرابعة ,النوم على البطن مد اليدين الى الامام وضع الرجلين بجانب بعضهما البعض, ثم رفع الرجلين و اليدين معا الى الاعلى .. 10 مرات