عزيزاتى و اخواتى فى النتدى انا بصراحة بداءت افقد وزن بس فية حاجة قريتها من بعض الاخوات فى المنتدى و بصراحة اترعبت منها و هية مشكلة الترهلات فى الجلد بعد فقد الوزن فياريت كل واحدة فقدت وزن تقول لينا
1- هل عانيت من الترهلات بعض ان فقدتى وزنك
2 - اذا كنت قد عانيتى من الترهلات هل استطعتى التخلص منها
3- ما هي الوسيلة التى استخدمتيها للتخلص من الترهلات و المدة
ارجو كل من فقدت وزنها ان تشترك معنا و تخبرنا كم فقدت من الوزن و المدة التى فقدت فيها الوزن

انا بخبرج اذا تبغين تنزلين وزنج بدون ترهلات الرياااااااااااااااااااااااااضه مع الرجيم

اذا سويتي ريجيم بدون رياضه بيترهل الجسم وصعب يشد

الرياضه اثناء الرجيم مفيده ليش؟

لان كل ماتفقدين كيلو ولانص كيلو تشدين الترهل اللي ينتج عن هالنقص في الكيلوات

لكن اذا نزلتي مثلا نقول عشر كيلو بدون رياضه بيصير الترهل عندج واضح وصعب تشدينه بالرياضه

مافي الا هالحل وطبعا الاستحمام دايم بعد كل رياضه بالماء البارد

واذا دهنتي جسمك بخل التفاح قبل الحمام البارد

وبعدين اخذتي ماء دافيء دش مع الشامبو حق جسمك

وبعدين اخر شي ماي بارد ماراح تلاقين ترهل

وانا اقولج هالكلام من واقع تجربه انا بصراحه كل ماابي اسوي رجيم اخربه واكل

مااقدر اكمل

بس بعدين قلت خلاص بخفف في الاكل واحاول ماأتعشا

والحين صارلي 7 اشهر نزلت فيهم 13 كيلو وراح انزل انشاء الله لاني مستمره
وجسمي صار وايد حلو

ومشدود لله الحمد ومناسبني وانا طبعا مشتركه بنادي من 7 اشهر مع تخفيف الاكل

وشرب الاعشاب هذي طريقه صحيه وماراح يرجع وزنج ابد لان المعده تعودت على قلة الاكل

ياليت الكل يجرب هالشي ويكون باله طويل لان فقدان الوزن بسرعه يسبب مشاكل ضعف في الصحه وفقر دم وسقوط الشعر .........الخ

تحياتي.........

الف شكر عزيزتى على معلوماتك جزاك اللة خيرا و يا رب الكل ينفذها

وانا مثلك يا كويتيه سعوديه اخفف من الاكل وبس وكل شهر انقص تقريبا كيلو واحد مع الرياضه يوم ايوه ويوم لا علشان مامل بسرعه نصف ساعه

مشكورة عزيزتي كويتية سعودية بس يا ريت تعطيني اسم الأعشاب الي تشربيها

نانسي حببتي انا عملت قبل كده رجيم وخسيت عليه تقريبا 23 والحمد لله مكنش عندي ترهرلات لاني كنت بمشي كل يوم 1 ساعه في الصباح والحمد لله كان جسمي مشدود بس في ملحوظه مهمه نزول الوزن ورجوعه تاني هو سبب الترهلات
وجزاك الله خير على الموضوع

كام الأخت كويتية سعودية صح ...


بس أخت كويتية سعودية أبى أسألج كيف يتج الإرادة تكملين فالريجيم و تنحفين ...


و شو كان شعورج ؟؟؟

لأاني بادية بريجيم و نزلت للحين 5 كيلو كيف أكمل بدول من تضعف إرادتي ؟



سارة

مقرمشه

اختي انا اشرب شاي اخضر بعد كل وجبه بس تركته والحين اشرب شاي رويال

الصبح على الريق اخذ منقوع ليمون ويا كمون

العصر اخذ اعشاب انا مشتريتهم وخالطتهم

رجل الاسد-مرميه-اكليل الجبل-قشر قهوه-وزنجبيل
وممكن تاخذين منه في الليل قبل النوم

بس انا الحين اشرب بذر الكتان قبل النوم اصحى الاقي بطني مشدود وربي

ساره 85

انا بصراحه اللي شجعني بنات النادي ماشاء الله عليهم

الكل مسوي ريجيم ويحافظ على رشاقته واحنا في النادي تجمعنا اخوه وصداقه ماتتوقعينها لانه نادي صغير والكل يعرف بعض

وحده تشجع الثانيه

وخلينا في المنتدى نشجع بعض

انا مااقدر اسوي ريجيم مشكلتي مااحب اتقيد

علشان جذي صرت اقوم من الغدا وانا موشبعانه بس مويوعانه

واحاول مااتعشا في الليل

واذا كلش كلش هذاك اليوم قالي زوجي يلا بنتعشا برا اطلع وياه بس اكل سلطات ولا مشويات بدون خبز ومااكثر وامشي في الليل

وارجع اشرب اعشاب

وهكذا

الحين ماشاء الله رجعت البس ملابسي وبناطيلي اللي صارلهم 3 سنوات

يعني رجع جسمي وناويه انحف اكثر علما بان وزني الحين 75 وكان 88 وطولي 172

ربي يوفقج وتنزلين الوزن اللي يعجبج غناتي

شكرا" على الموضوع و للأسف أنا جسمي سريع الترهل بس سمعت أنه مع الرياضة راح ينشد و الله المستعين