ازيكم يابنات عاملين ايه؟ انا بليز عاوزه مساعده منكوا انا اخت خطيبى من 3 ايام كانت بتمسح الشقه ونقطه ميه جت على رجلها صوتت وصرخت ونصفها الشمال كله بقى لونه احمر يعنى من اول كتفها الشمال لحد قدمها الشمال مبتلمسهاش ميه عشان لو لمستها بتالمها جدا جدا وكانها بتتحرق وجسمها بيحمر. وبعدين اللى زاد وغطى ان الجزء المصاب من جسمها بقى منمل جدا . زوجها عملها تحليل سكر وانيميا طلع معندهاش انيميا بس عندها السكر منخفض جدا جدا وهى بقالها تقريبا 3 ايام مبتاكلش اى شىء وديناها المستشفى قالوا مش عارفين اى حاجه وتبقى تعمل اشعه يوم السبت لانه بالحجز . يا جماعه محدش يعرف هى عندها ايه وايه علاجها انا قلقانه جدا عليها لانها كمان بتخس جامد جدا بقالها فتره طويله كانت 55 بقت 40 مع العلم ان نفسيتها كويسه والحمد لله معلش على الاطاله بس يارب الاقى الحل عند حد فيكوا وادعولها بالشفا يارب

ربنا يشفيه

الله اشفيها

حبيبتى
هو من الواضح انها اتكهربت لان الموقف ده حصل ليا ولماما قبل كده
بس اخت خطيبك الكهرباء سيطرت على جسمها بنسبه 80%
ومسيطرتش بس لا ده جسمها اتأثر بالكهرباء كمان

انصحك عن تجربة,روحو دكتور جلديه
هو الى هيديها الكريم الصح الى يناسب حالتها او ممكن يخليها تروح الاول لدكتور مخ واعصاب(لا قدر الله)لان ممكن يكون عندها عصب اتاثر بالكهرباء
وحذارى تتصرفو من دماغك وتحطولها كريم معرفش ايه ولا ايه لانه غلط لان كل جسم مش زى التانى

الحمد لله انها نجيت من الكهرباء,وربنا يطول عمرها ان شاء الله وربنا يشفيها يارب

لو انتو فى القاهره و عايزة عنوان دكتور كويس..قوليلى وابعتلك عنوان دكتور ممتاز جدا فى رساله خاصه.

سلام والف سلامة عليها

متشكره جدا ليكى ياهناء بس هى مش على طول موجوعه لأ دى بتمشى عليها وبتتحرك ولو ضربتيها مفيش اى مشاكل مجرد بس المياه تيجى عليها تبقى مصيبه ودلوقتى كمان بقت بترجع اى حاجه ناكلهالها مش عارفه نعمل ايه بس هى راحت فعلا عند دكتور جلديه وقالها روحى عند دكتور اعصاب والاعصاب قالها انا مش عارف فيكى ايه لازم تعملى اشعه ربنا يستر

ربنا يشفيها
اكيد طبعا هتتعب لما تيجى مياه عليها
امال احنا بنخاف ليه المياه تيجى عالكهربا
هيعملو قفلا والكبس يطلع نار
هو اعتقد والله اعلم ان جسمها مليان كهرباء وطبعا مياه على كهرباء هيعملو قفلا
والقفلا دى جوه جسمها والنار مكتومه لكن اكيد والله اعلم ان المياه لما تلمس جسمها المتكهرب بيحرقوا قى جلدها فبتسوط
تخيلى كده القفلا والنار لما مياة تيجى على كهرباء
مابالك لما تحصل جوه جسم انسان...حقيقى ربنا يشفيها
بيحرقو مقصدش بيها يصبح الجسم محروق لا بس يلسعوها لسعه ربنا يكفينا شرها

خليها تمسك خشب واطرافها علطول تلمسهم بالخشب
عشان الخشب من غير مصطلحات علميه اللى فهمته انى بيساعد على خروج الكهربا عشان كده الواحد المفروض اطرافه تلمس خشب وهو بيحط الفيشا مثلا لان ممكن لا قدر الله الكبس يكون حصل فى عيب والواحد يجى يحط الفيشا فيا الله السلام

ربنا يشفيها فى اقرب وقت ان شاء الله.المؤمن مصاب

ربنا يشفيها ويطمنكم عليها

الله يشفيـــــهاا انشاء الله

جزاكم الله كل خير

ربنا يشفيها يا رب

الله يشفيها ويسهل علاجها يا كريم..