يا جماعة بجد عايز مساعدة محتاج حل ضرورى بجد عشان انا زهقت

انا دلوقتى طولى 173 و وزنى 85 انا كان وزنى من شهرين و نص 90 بس انا بدأت اللعب رياضة رفع الاثقال بقالى دلوقتى شهرين و نص و طول الشهرين دول يا جماعة انا مش باكل غير مرة واحدة فى اليوم بس باكل عادى تقريبا 2 بيضة او طبق فول مع رغيف عيش و مش بشرب غير شاى بالحليب 4 اكواب فى اليوم 2 معلقة سكر اكيد دة مش هيأثر عشان انا بلعب رياضة عنيفة + انى مش باكل غير مرة واحدة بس ليييييييية مع كل دة وزنى نزل 5 كيلو بس فى شهرين ياريت اعرف السبب مع انى بتمرن كل يوم مش اقل من ساعة و يمكن اكتر

عقبالى يارب

ويارب تخسى اكتر واكتر واكتر وتوصلى لهدفك

يا اختي فكرة الاكل القليل خطاء الجسم بحاجه للطاقه انتي ما تخيسي لأنه جسمك تعود على كمية الاكل اللى تاكليه نصيحتي لج لا تهملين الفطور و لا الغدى بس الاكل المفيد الشاى الاخضر وايد زين و كمان كثري المويه و كل يوم امشى 45 دقيقه

4 كوبايات شاى بحليب وكل كوبايه معلقتين سكر وتقول قليل؟؟؟؟!!!! لا طبعا كتير ممكن تستبدله بسكر الدايت
وموضوع الوجبه الواحده ده موش كويس لانك كده بتبطأ عمليه الايض فى الجسم لازم يكونو ثلاث وجبات او خمس وجبات صغيره لان كده بيحرق اكتر
ولازم تخدع جسمك لانه اتعود على نظام الوجبه الواحده فمبقاش ينزل
وعلى فكره مش وحش انك نزلت 5 كيلو فى شهرين لان النزول البطىء احسن من السريع واكيد ان شاء الله مش هترجعهم تانى
فى كذا نوع ريجيم فى المنتدى اختار الى يناسبك ومع الرياضه الى انت بتلعبها ان شاء الله توصل للوزن الى انت عاوزه
يارب اكون افدتك

انا اسف يا جماعة انا غيرت الاشتراك لانى مش عارف ادخل على الموقع يمكن فى مشكلة ولا حاجة المهم شكرا للبنات الحلوين للرد بس انا بردو زعلان يعنى 52 واحد يدخلو الموضوع و 3 بس اللى ردو على العموم عادى مفيش مشكلة انا بس كنت عايز اقول حاجة للاخت reddy_rose يعنى انتى عايزة تفهمينى ان كل يوم بلعب اكتر من ساعة لدرجة انى مش بعرف حتى اروح من التعب و المجهود و ال4 كوبايات دول هما اللى عاملين مشكلة طب و المفروض اكل اية بقى فى ال3 وجبات دول انا عارف ان المنتدى مليان يجى 500 نوع من الرجيم بس المشكلة ان رياضة رفع الاثقال لازم كون بعديها اكل جامد عشان يبقى فى نتيجة للمجهود و انا معرفش بعد المجهود دة اكل فاكهة و خضار يبقى اية الحل

بص انا هقولك حاجه بما ان انت ولد وبرضه جسمك تكوينه يفرق عننا انا اخويا طوله 180 ووزنه كان 90 كيلو وكان عاوز ينزل عشان يبقى 80 على فكره هو بياكل كل حاجه وبياكل 3 وجبات وساعات خمسه بس كان بياخد من كل حاجه على الاكل معلقه او اتنين يعنى لو عاملين رز وطبيخ ولحمه وسلطه كان ياكل 4معالق ارز ومقدار كوبايه او اتنين طبيخ حته لحمه وهكذا.... وروح الجيم طبعا ده اساسى بس اهم من ده كله انزل الصبح كده عالساعه 7 والناس نايمه والجو طراوه وامشيلك ربع ساعه وكل يوم زود وادعيلى

هو حلو النظام دة بس المشكلة ان اخوك اقعد اد اية لحد ما بقى 80 كيلو ما هو انا مش عايز اقعد سنتين عشان ابقى 80 او 3 سنين عشان ابقى 75 و موضوع الرياضة دة مفيش منة مشاكل بس اشمعنى يعنى المشى طب ما انا بلعب فى الجيم ولا دة مش كفاية انا كنت فى الاول بجرى كل يوم ساعة مع الجيم بس اصحابى قالو لى انت كدة هاتتشفط عشان جسمك مش محتاج كل دة

اولا انا اخويا خس ال10 كيلو دول فى 21 يوم ياسيدى يعنى مش سنتين ولا 3 اطمن ثانيا الجيم مهم عشان انت ولد ولازم تبقى عريض من فوق وده مبيحصلش غير من الحاجات اللى بتشيلها هناك لكن المشى عشان الارجل والمؤخره والكرش لانهم هيختفوا تماما بعد حوالى شهر لو انتظمت فى المشى اقولك بقى على حاجه انا بعملها ومخسانى جدا وباكل عادى اوى هات شاى اخضر على مريميه على كاموميل (بابونج) واغليهم عالنار واستنى لحد مايبقوا دافيين واشربهم بس متكترش من المريميه

انا مقولتش انك تقضيها فاكهه وخضار بس لكن ممكن تاكل فراخ او لحمه او تونه معاها سلطه وبعدين انت بتقول بتلعب كل يوم ساعه او اكتر وممكن تكون الدهون اتحولت لعضلات عشان كده مش بتنزل على الميزان
على فكره هقولك حاجه انا ليا ابن عمي كان 95 كيلو وبقى 70 كيلو دلوقتى وفى مده تلات شهور اول شهر نزل خمسه كيلو وتانى شهر عشره وتالت شهر عشره ولما سألته كان بيعمل ايه وكده قالى انه بيلعب كل يوم كوره ويروح الجامعه مشي وكده والاكل بقى فاكهه وخضار وبروتينات وبيشررب قهوه كتير جدا لانها موش بتخلى الجسم يمتص الاكل وبتسد النفس
وان شاء الله لو احتاجت اى حاجه احنا موجودين

بقولك ياريدى روز ماتيجى انا وانتى نعمل زى قريبك جايز ربنا يكرم ولا انتى بطلتى تعملى ريجيمات