دلوعه ودها تساعدونها وتساعدكم في عمل رجيم مجرب ومضمون
بنات .. انا من زمان متابعه لهذا المنتدى ...
والصراحه عجبني واللي شجعني ان هناك وايد فتيات في مثل حالتي ..
ودي افيدكم .. باللي عندي ..
انا ودي ابداء هذا الرجيم خلال الشهر الجاي .. وياريت اشوف التشجيع ... منكم بنات وانشالله نتوفق ونسويه ..
وانشالله راح ابدى الرجيم من الاسبوع الجاي .. يعني من تاريخ 20/4/2002
وراح انتهي منه بتاريخ 20/5/2002م
الهدف هو انقاص 8 كيلو -10
الطريقة هي الرجيم اللي اعطاني اياه الدكتور عادل عبدالعال ..وهو طبيب معروف في الامارات
2 كوب ماء كبير قبل الصلاة و2 كوب ماء بعد الصلاة مع عدم تناول اي شيء خلال 45 دقيقة
قبل اي وجبة يجب اكل تفاحتين و خيارتين +كأس ماء
الفطور: 3 حبات برتقال او صحن يح احمر + كأس نسكافية عادي بالحليب والسكر+2 كأس ماء
عند الجوع : 4 خيارات او 2 تفاح اخضر مع كأسين ماء
الغداء: 3 حبات سنترة او صحن يح + نسكافية+ 2كأس ماء
يبداء الغداء بتناول طبق كبير من السلطه الخضراء ( خس + خيار+طماطم+بقدونس+ جزر)
سمك مشوي او 2 صدر دجاج
اذا اكلتي سمك يفضل شرب بدل النسافية شاي اخضر بالنعناع او شاي عادي .
العصر : 3 حبات تفاح او سنترة + حبة من الفتامينات+ كأس ماء
العشاء : صحن يح احمر + كأس نسكافية+ 2كأس ماء
+ صحن كبير سلطة روب ( 3 خيار + علبتين قليل الدسم روب)
عند الجوع : 2 كأس ماء + علبة روب وخضار مثل الطماطم والخس والجزر
اهم المعلومات :
1- قبل البدء يجب سرب اعشاب لتنضيف البطن .. مثل الحلول او المرمية
1- حبوب الفتامينات تأخذ من الصيدلية .. اي نوع فتامينات كاملة .. مثل انتي اكسدنت او كومبلكس
2- المشي لمدة 3 ايام في الاسبوع
3- هذا الرجيم قد يخفك في الاسبوع من 1- الى 3 كيلو ..
4-هذا الرجيم اخذ تحت اشراف طبي
5- حالتي الطبية الحمدلله لا اشكو من اي شيء وبامكاني عملة في اي وقت
......
ملاحظة سويته من قبل لمدة اسبوعين ونزلت بالضبط 5 كيلو .. وجد فرحت ...
انا راح ابداء فيه واتحدكم بنات .. وانشالله انزل 8 كيلو بعد شهر من الان ...
اختكم
بنات .. اللي ودها تسوي مثلي حياها واللي ودها تسوي رجيمها الخاص بس تبدى معاي بعد حياها ... والله ودي القى حد يشجعني .. وياريت .. نبدى ونتكاتف
دلوعه دبي ...
رد مع الاستدلال
الروابط المفضلة