السلام عليكم
مساكم خير ان كان مساء وصباحكم ورد ان كان صباح
شحالكم

من تزوجت للحين زايدة عشرة كيلو وصراحة فشلة كل من شافني قال لي صايرة دبة ماظلت أعشاب ماشربتها ولا ظلت خلطات الا سويتها لا رياضة نافعه ولا شي حتى تحليل الهرمونات سويتها وطلع كل شي طبيعي
عاد امس رحت لمحل الأعشاب عندنا وقلت له سالفتي
قام عطاني أعشاب وقال لي بعد اربع اسابيع تعالي المحل واوزني عندي اذا مانزلتي خمسة كيلو بعطيش فلوسش

الأعشاب اسمه الفوقس البحري وسعره 500/5 دينار ومكون من عدة اعشاب غير الفوقس بس اللي مكتوب عليه الفوقس

عاد انا قلت اسأل حبيباتي بنات المنتدى اذا عندهم فكرة عن هالأعشاب وهل صج تنزل وزن مثل ماقال صاحب المحل

اول مرررره اسمع عنه

ماقد سمعت عنه من قبل!

بس معقول الرياضه مافادتك!

معقول رياضه مع تخفيف للاكل مافادك!
بس الظاهر حبيبتي انتي شوي عجوله وزهقتي من الرياضه

اما بالنسبه للاعشاب مابنصح فيها بالمره!
خصوصا اشياء اول مره نسمع عنها

ديري بالك ياقلبي

يسلمو اختي عاشقة الجنة على مرورش

وتسلمي لي اخت طيف على النصايح الحلوة.... صج آنه عجولة شوي وابغي كل شي يصير بطرفة عين.. برجع للرياضة وبشوف

الأخت أم حماني
حبيت أبشرك...أنا سمعت عنه....
سمعت عنه من دكتورة التغذية كارلا حبيب مراد اللي بتطلع بقرة التغذية على تلفزيون المستقبل..ومدحت فيه وقالت ماله أضرار ولا له أعراض جانبية وبنزل الوزن ...
وللأمانة صديقتي راحت بسرعة واشترته من عند العطار وأعطتني منه وما قدرنا نشربه لا أنا ولا هي طعمته فظيعة فظيعة فظيعة والله ما قدرت أتحمله وريحته كأنك قاعدة بالبحر بيوم رطوبة وريحة الزنخة طالعة من البحر...
أنا آآآآآآآآآسفة على هالوصف بس حبيت كون صريحة معك ..وإذا إنتي قدرتي تشربيه برافو عليكي خير وبركة
على فكرة اللي عندها كتاب التغذية تبع الدكتورة كارلا كاتبة فيه اسم هي العشبة مع الأعشاب الغير ضارة
بتمنى كون أفدتك ..وبالتوفيق

يسلمووووووووووو اختي هبهوبة وفيتي وكفيتي

ودام قالت عنه كارلا يعني زين

هو صج ريحته مأساة وطعمه مش ولا بد بس اذا صدق ينزل برجع اشربه وان شاء الله الاقي نتايج زينة

وعلى فكرة آنه شربته ثلاث مرات بس حسيت انه مشى بطني اكثر من مرة باليوم وانتي بكرامة

ويللا شوي رياضة شوي فوقس وانشاء الله انزل

إن شاء الله عزيزتي ..والله يوفقنا جميعا

اول مرة اسمع عنه...عبارة عن شو؟؟؟