مرحبا خواتي

عشان الكل يستفيد وان شاء الله تلاقون الي يريحكم من اشياء كثيره

هذي الخلطات:
انا بكتبها كلها بعدين بوضح كل شيء كيف تاخذيه ومتى !

سفوف (1):

كوب حلبه
كوب حبه سوداء
1فنجان قهوه شمار
1ملعقه كبيره قرنفل
طبعا هذي كلها تكون مطحونه

وتحطينها مع بعض في علبه
___________________________

شاهي الاعشاب:

نصف كيلو مراميه
نصف كوب كمون
نصف كوب شيح
نصف كوب حبه سوداء
نصف كوب حزاة
نصف كوب قيثوم
نصف كوب قشر القهوه
نصف كوب نخوه
نصف كوب قرفه

هذي المقادير كلها غير مطحونه

____________________________

سفوف (2):
ملعقه كبيره حبه سوداء
ملعقه كبيره قرنفل
ملعقه كبيره قرفه
ملعقه كبيره فلفل اسود
ملعقه كبيره نخوه
ملعقه صغيره محلب
فنجان قهوه كمون
فنجان قوه شمار

وهذي المقادير كلها مطحونه

_____________________________________

التحاميل:
ملعقه كبيره مره
ملعقه كبيره محلب
فنجان قهوه ملح خشن
كلها تكون مطحونه بس كل واحد يطحن لوحده
بعدها تعجن مع عسل وتكورينها حتى تصبح مثل التحاميل صلبه شوي
وتستخدم قبل النوم من اول ايام الدوره الى اخرها

______________________________
للتبخير:
قشر بصل اليابس الي يكون على البصله
خوا جوا
مره
كمون
محلب
تتبخرين بهذي الاشياء في اخر ايام الدوره
تحطينها في المدخنه وتوقفنين عليها
لاتنسون اخر ايام الدوره

______________________________


الارطى:
تكسر ويوضع عليها ملح وماء
وتوضع على النار حتى يصبح لونها احمر
تستخدم للوضوء كل مادخلتي الحمام اكرمكم الله استخدميها ولا تجلسون على ماء وملح خطاء

___________________________

التمروحب الرشاد:
يعجن التمر مع الزبده ويقلب على النار ثم يوضع عليها حب الرشاد او(الثفه)
وهو يشبه السمسم بس لونه احمر
ثم تضعينها في علبه

_____________________________

نبدا الان بطريقه كل شيء:

اول ايام الدوره
اول ماتقومين من النوم
سفوف رقم (1)2 ملعقه كبيره مع شاهي او مع حليب بس لاتخلينها تطول لان فيها حلبه والحلبه تنفش فاشربيه
بسرعه طعمه مو حلو بس الواحد يصبر عشان يشوف النتائج

بعدها تاكلين شوي من التمر الي معاه حب الرشاد

بعد هذا بنصف ساعه الفطور

بعد الفطور بساعه شاهي الاعشاب تحطين من كل شيء شوي وتحطين
عليه المويه الحاره زي كأنك تسوين شاي عادي

بعدها الغداء وبعد الغداء
بربع ساعه
ملعقه كبيره عنزروت
ملعقه صغيره مره
وشوي محلب
تنقع في علبه ماء الصحه الصغير ابو ريال
يشرب المنقوع حقها

بعد الغداء بثلاث ساعات
شاهي عادي مع 2 ملعقه كبيره من سفوف رقم واحد
وبعدها العشاء

الاهم في فتره النفاس او ايام الدوره عدم الجوع عدم الجوع عدم الجوع

__________________________

اما في اخر ايام الدوره نفس ماسويتي في سفوف واحد عيدي الكره لكن بسفوف رقم 2
يعني او ماتقومين من النوم سفوف رقم 2
2 ملعقه كبيره مع شاي او حليب

بعدها شوي تمر بعدها بنصف ساعه فطور

بعد الفطور بساعه
ملعقه كبيره عنزروت
وملعقه صغيره مره
وشوي محلب
لكن في هذي المره يزاد شوي على المنقوع صبر

بعد3ساعات من الغداء

شاي مع 2 ملعقه كبيره سفوف رقم 2

وبعدين العشاء
________________________________

2ملعقه كبيره من كل من
قرفه
قرنفل
سكر بني
زنجبيل طازج
بن يمني لونه مثل لون القهوه التركيه
تخلط وتوضع مع ثلاث اكواب ماء وتغلى نصف ساعه
وتصفى ويشرب نص كاس بعد العشاء من اول ايام الدوره الا اخرها

__________________________________

الممنوع طوال فتره الدوره او النفاس:
الحوامض
عدم التكثير من الطماطم
الملوخيه
الباميه
الشمام
البطيخ
الجوامد اي شيء يابس ابتعدي عنه
الايس كريم
عدم المشيء على السيراميك والارض البارده
عدم الاستحمام بكثره يكفي مره واحده
او اذا غسلتي جسمك من فوق خذي منشفه وبلليها وامسحي بها جسمك من تحت
البعد عن المشروبات الغازيه

والاشياء الي ماتعرفونها قولوا للعطار وهو بيعرفها

فوائدالخلطات هذي

تضيق المنطقه بعد الولاده
وتنشف الافرازات المستمره بشكل كبير وملحوظ
وتكون معالجه باذن الله من الهوى الي يخرج من الامام
وهذي يعاني منها بعض الحريم

تحياتي لكم
الشوق الجنوبي

عزيزتي شكــرا لكي على هذه الوصفاااااااااااااات بارك الله فيكي

اسمحيلي بمداخلة بسيطة انا قرات وسمعت كثير من البنات ما يمدحو التبخير والتحاميل

وكمان سمعت من الدكتور جابر القحطاني ان منقوع الارطة هو الافضل باذن الله

والتشطيف بالمرة المخففة بالماء جدا" ممتازة

والافضل عدم كثرة خلط الاعشاب

والماء والملح هو الافضل طبيا" للجرح من ناحية التعقيم والتطهير

واخيرا"

هلا وغلا والله
تفضلي وخذي راحتك
حبيبتي كل الي ذكرته عن تجربه والله
وفوائده زي ماقلت لك بالعكس انا معاك كلنا نسمع ان التبخير للنفاس مو زين
بس الس نسمعه مو صح بالعكس والله انها تساعد على اخراج البلاوي الي في الجسم
حتى التحاميل ايام الدوره والنفاس تنزل المويات الي داخل الرحم
ومشكوره على المداخله ونورتي عيوني

جزاك الله خيرا

هلا غاليتي مشكوره
نورتي

مشكورة اختي على هالصوفات الاكثر من رائعة

وبجد في نساء كثير ماعندهم فكرة عن هالخلطات لكن الله يجعلها في موازين حسناتك لانه انا مجربة كم وحده من

اللي قلتيها وفعلا رووووووووووعة واستفدت منها

ولكي مني خالص الشكر .

شكراعلى الخلطات بس حبيت اسال
فيه حريم اذا استخدمو مثل هذي الاشياء تسبب التهابات وحكه بس ابغى اعرف اذا تعرفين ليش واذا عنك نصيحه لهم لاتتاخرين
وجزاك الله عنا خير الجزاء انا في انتظار ردك

السلام عليكم ورحمة الله وبركاته
جعله الله في ميزان حسناتكم
طبعا هذه الأشياء نسويها ونشربها سواء بالدورة او النفاس
صح

كتبت بواسطة ((أم يارا))

مشكورة اختي على هالصوفات الاكثر من رائعة

وبجد في نساء كثير ماعندهم فكرة عن هالخلطات لكن الله يجعلها في موازين حسناتك لانه انا مجربة كم وحده من

اللي قلتيها وفعلا رووووووووووعة واستفدت منها

ولكي مني خالص الشكر .

العفو حبيتبي
شاكره لك مرورك

كتبت بواسطة النوايا الحسنة

شكراعلى الخلطات بس حبيت اسال
فيه حريم اذا استخدمو مثل هذي الاشياء تسبب التهابات وحكه بس ابغى اعرف اذا تعرفين ليش واذا عنك نصيحه لهم لاتتاخرين
وجزاك الله عنا خير الجزاء انا في انتظار ردك

هلا اخيتي لا والله ماعندي اي فكره ممكن تسال دكتوره لان ممكن يكون عندها التهاب
انا اسفه على التاخير عيوني