بعد السلام عليكم ...اتمنى يكون فى استفادة من الملف ده و شكرا للاخوة و الاخوات اللى بعتو لى رسايل ...و معلش على التاخير لانى كان فى ورشة عمل صغيرة فى القاهرة كانت لازم تتدرس ....
ما زلنا فى الحديث عن الأعشاب المزيده للشعر و المانعه لتساقطة من خلال تنشيط بصيله الشعرة التى هى الأساس فى تحفيز و نمو الشعر ...قلنا عشبتين هما حصا اللبان و الزعتر ...والحمد لله نتائجهم ممتازة جدا ..المهم الاستخدام و الطريقه الصحيحة ...هنتكلم اليوم عن عشبه من امهات الاعشاب ...و التى لها دور ممتاز جدا اذا استخدمت صح فى منع سقوط الشعر و تصفيفه ...وكمان لمعانه ..اذكر فى احد المرات طلب منى فى شركة عمل عينه لوسيون للشعر مانع للتساقط و ملطف و مانع للجفاف ...وكنت حينها فعلا فى زحمة شغل ..فعملت تركيبه كان فيها كمية من خلاصة المريمية كبيرة ..ثم اضفت بقيه الاعشاب ...و سبحان الله كانت النتائج كويسة جدا اكثر مما توقعت ...بالمناسبة كانت اخت بتقولى انت ازاى بتقول عن نتائج غير متوقعه هل التركيبة مش بتبقى مكتوبه او منقوله ...طبعا نصيحة لاى اخت متنقلشى تركيبة وخلاص لازم العلم بالمكونات ثم الاضافة او الحذف على حسب الحاله ..لان مجال التراكيب مجال (( ابداع)) و ليس نقل ...ودى زى اى موهبه طبعا بس اى موهبه تحتاج لدراسة ...تعالو نشوف اولا صور المريمية الصحيحة..و طبعا هيه انواع كتيرة جدا ...
ده نوع
http://www.gardenaction.co.uk/images/sage_purple.jpg
وده نوعhttp://www.milkandhoneyfarm.com/garden/images/sage.jpg
وده نوع مطحون http://www.fromnaturewithlove.com/images/SagePwd.jpg
وهيه بتكون مغبرة طبعا ملاحظة جدا و رائحتها مميزة ..
الملاحظ اننا لو قارنا المريمية بحصا اللبان هنلاقى فى بعض تشابه فى التركيب و المريمية تزيد ببعض المركبات ...المريمية تحتوى على السينيول المنشط جدا..حمض الروزمارينيك برضو بالاضافة الى مادة اسمها الف و بيتا ثوجون ((ودى تتاخد بحذر عن طريق الفم)) و بماانها تحتوى عاى فلافونيدات فده ميزة ممتازة للجلد و البشرة وكمان اشياء اخرى ..كل ده مع بعضه بيخليها ممتازة موضعيا لنمو الشعر ((عن تجربة)) ..بعض الابحاث بتقول ان مفعولها بيزيد مع خل التفاح و ده طبعا صحيح لما يحتويه خل التفاح على مواد مضاد للقشرة و منظفه لفروة الراس التى قد تكون احد اهم اسباب سقوط الشعر ....
__ الاستخدام : خلاصة المريمية فى صورة لوسيون او شامبو مركز يدلك الفروة يوميا
__قد يضاف خل التفاح 10 مل / 100 مل خلاصة يكون مفيد(( بس للشعر الجاف بلاش ارجوكم)) خليها للدهنى و الفروة الدهنية لو سمحتو
__ يفضل اضافة خلاصة الروزمارى التى تكلمنا عنها سابقا و طبعا الزعتر مع خلاصة المريمية
__طبعا خلاصة الحرق او القراص التى تكلمنا عليها سابقا من المقويات جدا لتاثيرها
__تستخدم بحذر داخليا ...اى عن طريق الفم لما تحتويه من ثوجون منشط جدا لخلايا المخ وغير مسموح لمرضى الصرع و نحوه ..و من الجميل ان العالم بدا يستخدم المريمية فى الوقايه و العلاج من الزهيمر ((مثل الروزمارى)) ..وحتى فى تقويه الذاكرة ...وبعض مجانين الموضه الاجانب بيستخدموها للاحلام المثيرة و الانفعاليه علشان يكون فى اكشن فى الاحلام ..وده ربما لانها منشطة لخلايا الدماغ
اتمنى نجرب و نستفيد و نتعلم مع بعض ......و دمتم سالمين

لا احلل نقل الموضوع دون ذكر كاتب الموضوع والمصدر

وعليكم السلام
جزاك الله كل الخير على المعلومات القيمه بس عندي سؤال هل اي احد فينا يقدر يعملها ولا لازم اروحو عند العطار وهو يخلطها لي ؟
ارجو منك الرد

لو هتقدرى حضرتك تشترى الخلاصة من مكان معتمد و عالم بطرق تحضير الخلاصات عندكم فى الامارات يبقى شىء طيب ...بس بلاش حكايه العطار دى لان معظم العطارين لا يعرفو شيئا عن الاعشاب و لا التراكيب الخاصة بالاعشاب ...لو مش هتلاقى هتعملى الاتى
_30 جم عشب مطحون يضاف الى 500 مل ماء
_ يوضع على نار هادئة جدا جدا و يغلى لمدة ساعة ..ثم يترك لمدة ساعة اخرى
_يصفى المخلوط جيدا ثم يضاف اليه 50 نقطة صبغه جاوى((كمادة حافظة مؤقته)) ويحفظ فى الثلاجة للاستخدام (( ليس اكثر من اسبوعين)) وشكرا

يسلمووووووووووو

جزاكم الله الجنه
طب لو من مصر ممكن نشترى الحاجات دى منين؟

و الله يا اخت ماشيمارو فى مصر هتلاقيها عند شركة !!!!!!!! ودى طبعا شركة ممتازة بس بتدى بكميات كبيرة ..الكميات التى للاستعمال الشخصى هتلاقيها عند !!!!!!!!!!!! ... او فى شركه !!!!!!!!!!!....بس المهم يا جماعة الاستمرارية و استخدام العناصر اللى انا قلتها ..و تابعونى بالحالات لو امكن ...يعنى نوع الحاله ....طبيعه الشعر و كدة ..وشكرا للمتابعه

شكرا خالص يا دوكتور حكيم بصراحة اول مرة اشوف متخصص فى الاعشاب بجد كدة ربنا يخليك ...وانا فعلا جربت شامبو القشرة اللى عند !!!!!!!!!!..و الله جب نتيجة كويسه جدا معايا ز..بس المشكله انه مفيهوش عطر جامد ..ربنا يخليك

شكرا للاخت بنت البلد ...بس لازم تعرفى حاجة ان العطور لا يفضل توضع فى التراكيب التى للقشرة و التى غالبا تكون فيها الفروة ملتهبه ...خاصة ان معظم البارفيومز مخلقه يعنى صناعية ...لو هنضع عطور طبيعيه يبقى هتتكلف اضعاف اضعاف اسعارها الحاليه ..يكفى ان تعرفى ان زيت الياسمين الطبيعى لا يقل حاليا عن 12000 جنيه مصر (اثنا عشر الف جنيه ) و شكرا و نتمنى افادة الجميع و الاستفادة منكم

كنت عاوزة اعرف يا دوكتور هل استخدم اى شامبو عادى مع التركيبه و لا بلاش احسن ارجو الرد

الاخت بنت البلد عادى استخدمى اى شامبو معتمد ((ماركة يعنى)) لان معظم الانواع الاخرى غالبا ما تسبب بنفسها القشرة ....و ممكن تكتفى بالشامبة ذاته للغرضين التنظيف و علاج القشرة و شكرا