رجيم د_مها راداميس من يوم 23_11
بسم الله الرحمن الرحيم
حبيباتي التختوخات السمان الكلبوظات ههههههههه ال يعني البت سمبتيك
المهم كل مره اكتب موضوع واقول خلاص هبتدي رجيم وبعد كده مبداش
بس انا رحت للدكتوره مها رداميس الي بتتطلع في التلفزيون
وادتني الرجيم ده وهمشي عليه الاسبوع ده واشوف النتائج
المهم انا طولي 162 سم
ووزني 93
وسني 21 سنه
الرجيم بقي كلاتي:
اول مانصحي من النوم كبايه مايه دافيه معصور عليها لمونه.
الفطار لمده يومين نفس الشئ:
جبنه قريش وبيضه او توست وبيضه
الغدا لمده يومين:
ربع فرخه وفنجان سلطه وفنجان رز مسلوق بدون زيت او سمن طبعا وخضار
العشا لمده يومين:
تونه وسلطه وبرتقاله
وبين الوجبات خيار خس علي قد ما انت عايزه
اليوم التالت والرابع:
الفطار :
2 بيض و 2 لانشون او بسطرمه
الغدا:
2 لحم مشوي وطبق سلطه طبعا من غير طماطم وطبق شربه خضار
العشا:
كوب مكرونه مسلوقه وخضار وسلطه
اليوم الخامس والسادس:
الفطار:
1 توست الدايت وجبنه قريش او 2 جبن رومي او2 جبنه فلامانك او شيدر
الغدا:
سمك مشوي او تونه وطبق سلطه
العشا:
سلطه وبطاطس مسلوقه
اليوم السابع:
الفطار:
بيضه و2 شيدر
الغدا:
ربع فرخه وطبق سلطه وطبق شربه خضار
العشا:
فنجان جبن قريش وبيضه او هبورجو وموتزاريلا وسلطه
وقالتلي الخضار كله ماعدا البطاطس والبسله والجزر والقلقاس
والفاكهه الموز لا والبلح والعنب
وممكن سناك تفاحه بين الوجبات
وشرب كبايتين ميه قبل الاكل بنص ساعه وتنين بعد ووسط الاكل لا عشان الكرش
ويستحسن مايه دافيه معصور عليها لمونه
والرياضه طبعا
وقالتلي اني لازم اخس 16 كيلوااااااااااا ادعولي بقي وربنا يقدرنا كلنا
وهوافيكم بلاخبار
رد مع الاستدلال
الروابط المفضلة