في البدايه بشكركم للمرور علي موضوعي

طولي 165 سم ووزني كان قبل زفافي 72 كيلو

وبعد مرور سنتين علي زواجي زاد وزني جداا

والكل بقي يعلق لازم تعملي رجيم بس ما تخيلت

ان هييجي اليوم اللي اقف فيه عي الميزان واشوف ال98

مش عارفه ازاي وصلت للوزن ده

المهم قررت ابدا رجيم وفورا

اتبعت رجيم السعرات

ورجيم الفاكهه نزل وزني 7كيلو في شهر بس كنت عايزه اهرب من التسعين باي

شكل قررت ابدا رجيم 12 ×12 بعد ما بحثت كتير عنه وحسيت انه مناسب ليه

وكان الرجيم عباره عن:-

الثلاث ايام الاولى>> زبادي و لبن دايت وممكن جبن قريش بس كميه صغيره

الثلاث ايام الثانيه>> فاكهه بانواعها ماعدا الموز والتين والمانجو

الثلاث ايام الثالثه>>خضار بانواع ماعدا البطاطس

الثلاث ايام الاخيره>> لحوم او فراخ مسلوقه او مشويه بدون دهن

والرجيم ده كان معاه تعليمات وهي:-

عليك بالرياضة الموضوعيه لكل المناطق فهي مهمة جدا لشد الجسم ومنع الترهلات

2-

شرب 2 لتر ماء في اليوم

3-

المشروي السحري ميتنسيش مهم جدا لسرعة الحرق وشد الجسم

4-

ممنوع السكر العادي استخدمي السكر الدايت

5-

مهم جدا علشان صحتك تاخدي ملتي فيتامين

6-

وممكن تاخدي سليماكس علشان يساعدك

7-

علشان نكون صح زي ما انتو عارفين ان النوع ده من الرجيم يندرج تحت الرجيم الكميائي ، فلازم اللي هتكمل ال12 يوم تبلغني علشان لازم الاسبوع اللي بعده تمشي رجيم من 600الي 800 سعر حراري ،

والاسبوع اللي بعده تمش علي 1000 سعر حراري ، واللي بعده 1200 سعر

بكده ان شاء الله عمر اللي نزلتيه ما هيرجع تاني وهتنزلي بردوا علي رجيم السعرات حوالي 2.5 او 3 في الاسبوع

والحمد لله التزمت بالرجيم بس للاسف من غير رياضه

وتفاجات ان وزني نزل 9 كيلو في 12 يوم

وبقيت 82 كيلو واخدت يومين تثبيت وعدت الرجيم بس لمده 5 ايام نزلت فيهم 3 كيلو

ووصلت لوزني الحالي 79

ومكملتش لاني سافرت

وحابه ابدا الرجيم من تاني ومحتاجه تشجيعكم وانا هنزلكم رجيم التثبيت اللي هتستخدموه بعد الانتهاء من رجيم 12 ×12


وانتظروا طريقه تطبيقي للرجيم بالتفصيل

يسلموو ايديكي يالغالية
مشكورة ع البرنامج
وبانتظار برنامج التثبيت

ام قشطه شكراا علي ردك الحلو برنامج التثبيت كالاتي:-

رجيم ال800سعر

الافطار :-

3 ملاعق جبن قريش او خالي الدسم تماما

+ 1/4

رغيف عيش بلدي او رغيف سن

+

ثمره طماطم او ثمرة خيار + كوب شاي اونسكافيه باللبن خلي الدسم

الغداء :- بالتبادل يوم ويوم

1-

طبق سلاطة متوسط +ربع رغيف + جبن قريش( او جبنه خاليه الدسم ) باي كميه

2-

ربع فرخة او 2 قطعه لحمة اوسمكة متوسطة مسلوق او مشوي + طبق سلطة كبير

العشاء :- بالتبادل يوم ويوم

1 -

بيضة مسلوقه + ثمرة فاكهه ( تفاحة متوسطة )

2 -

كوب زبادي لايت + ثمره فاكهه ( تفاحة متوسطة )

التعليمات

-

ممنوع نهائيا تغير اي شيئ من الموجود حتي ولو بالحذف

2 -

طبق السلطة مكون من ( 1 خياره -1 طماطم - 4 ورقات خس وفجل وجرجير- ثمرة فلفل رومي -كرفس وشبت و بقدونس و كسبره - بصله صغيره او وحده بصل اخضر )

3 - ليكي كوبايه لبن كامله خاليه الدسم ممكن تشربي في حدودها كوبايه شاي او نسكافيه بين الوجبات

4 -

المايه مش اقل من 3 لتر مايه

الفيتامين مهم اوي علشان لو دخلت الانيما جسمك هتغلبك في نسبة الحرق

5 -

المشروب السحري هاااااااااااااااام جدا

6 -

الرياضةمهم لابعد الحدود علشان الترهلات الفتره الجايه متظهرش علي جسمك

7-

الفاكهه المسموحة التفاح بس

8 -لايسمح بأستخدام السكر الطبيعي او سكرالفاكهه

المسموح هو دايت سويت فقط

ودا رجيم ال1000 سعر

الافطار اليومي :

ربع رغيف بلدي او رغيف سن او 2 توست رجيم او 3 بقسماط دايت

+ 1

بيضة مسلوقه + ربع كوب لبن خالي الدسم ( مع شاي او نسكافيه او 1/2 كاكاو خام خالي من السكر )

اليوم الاول

الغداء : ربع فرخة من الصدر + سلطة او طبق خضار ني × ني باي كميه

العشاء : 2 ثمرة فاكهه

اليوم الثاني

الغداء: 2 قطعه لحمه مسلوقه اومشويه + طب خضار ني × ني باي كميه

العشاء : 1 بيضة مسلوق + خيار (باي كيمه)

اليوم الثالت

الغداء : 1 بيضة مسلوقه + طبق سلطةباي كميه +ربع رغيف او بدائله

العشاء : بيضة مسلوقه + خيار باي كميه

اليوم الرابع

الغداء : ربع كيلو سمك مشوي او علبه تونه مغسوله بالخل

+ 3

ملاعق رز مسلوق + طبق سلطة

العشاء : نصف قطعة جبن قريش + خيار باي كميه

اليوم الخامس

الغداء : سلطة فواكه باي كميه ماعدا الممنوع منها

العشاء : نصف عليه تونه او سمكة مشويه صغيره + سلطة

اليوم السادس

الغداء : 3 ملاعق كوسه او فاصوليا ني × ني + 3 ملاعق رز مسلوق + 3 قطعه لحمة

العشاء : 2 ثمرة فاكهه من المسموح

اليوم السابع

الغداء : 4 ملاعق مكرونه مسلوقه + سلطه وسط + ربع فرخة من الصدر

العشاء :كوب زبادي خالي الدسم + 2 ملعة رده + قليل جدا من القرفه

ودا رجيم ال1200 سعر

الفطار :-

1 -

كوب شاي باللبن او نسكافيه (4/1 الكوب لبن فقط )

2 -

بيضة او 3 ملاعق جبنه قريش او 3 ملاعق فول او شريحة جبنه مثلثات او 2 شريحة لانشو او شريحة جبنه رومي صغيره او كوب زبادي خالي الدسم او شريحة جبنه شيدر

3 -

ربع رغيف بلدي او 2 توست دايت او 3 بقسماط دايت او رغيف سن صغير

الاسناك :-

بعد الافطار ب 3 ساعات

اما ثمره فاكهه او خياره او جزره او 10 ورقات خسه

الغذاء

:-

1 - طبق سلطة( 1 خياره -1 طماطم - 4 ورقات خس او 2/1 جزره وفجل وجرجير- ثمرة فلفل رومي -كرفس وشبت و بقدونس و كسبره - بصله صغيره او وحده بصل اخضر )

2- 2

قطعة لحمة احمر مسلوق او مشوي -او ربع دجاجة من الصدر بدون جلد مسلوق او مشوي - او 2سمكة مشويه -او 2بيضة - او علبة تونه مغسوله من الزيت بالخل و الماء -او 5 ملاعق جبن قريش - او ه ملاعق فول

3 -

طبق خضار مسلوق او ني×ني ( اي نوع فيما عدا البطاطس - بسله -القلقاس )

4- 4/1

رغيف بلدي او2 توست دايت او رغيف سن صغير او 3 ملاعق ارز او 3 ملاعق مكرونه مسلوقه

الاسناك :-

بعد الغذاء ب ساعتين ثمرة فاكهه من المسموحه او كوب عصير لثمرة الفاكهة بقليل من اللبن الخالي الدسم او من غيره وبسكر دايت

العشاء :- اختاري احد البدائل التاليه

1- 1 كوب زبادي خالي الدسم او 3 ملاعق قريش
او 3 ملاعق فول او بيضة +ا خياره او ثمرة فاكهه
2- او طبق سلطة كبير
3- او طبق خضار ني × ني كبير

4 -

او4 ثمرات فاكهه من المسموح بيها

طبعا بعده تقدروا تعملوا تاني رجيم كميائي مفيش مشكله

بس الاهم من دا انكم متعمليش يوم فري

غير بعد الاسبوع التاني ( 1000 سعر )

مهم جدا علي فكره
الفري هيرجعك تاني خلي بالك
وان شاء الله هتنزلك الانظمة دي من 6 الي 8 كيلو

طريقتي في اتباع هذا الرجيم

في الثلات ايام الاولي كنت اضيف ملعقة رده(نخاله)

واضيف شاي او قهوه او نسكافيه للبن طبعا بدون سكر بس ده بيساعد علي سد الشهيه

ايام الفاكهه كنت اعمل منها عصير وسلطه فاكهه بدون اضافات وابعدوا عن المعلبات

ايام الخضار عملت شوربة الملفوف بالخضار مع مكعب ماجي

ودي طريقه حلوه بدل السلطه اللي بتلوع النفس

ايام البروتين كنت اكل نص فرخه اقسمها علي اليوم وكده بتحسي الرجيم سهل

وطول اليوم اشرب شاي وقهوه ونعناع واعشاب عامه وكمانلا تنسوا الفيتامينات اهم حاجه

ربنا يقويك على التثبيت

شكراااااا

thenile ربنا يرزقني واياكي الذريه الصالحه عاجلا غير اجلا يارب العالمين

السلااامــ عليكمــ ورحمة الله وبركاته

غاليتى .. مبرووك نزولك مع انك اتبعتي الرجيم الكيميائي

عزيزتى مايخفى على إنسان خطورة اتباع هذا الرجيم
موضوع الاستعانة بالرجيم الكيميائي للتخلص من السمنة
فانه ينطبق مع المثل القائل
(( كالمستجير من الرمضاء بالنار))

انها مخاطرة بالحياة غير مأمونة العواقب فان نجونا من تأثيره المحدق بالحياة فلا سبيل للنجاة من تأثيراته الضارة بالصحة واهمها:-
1-حصوات الكلى
2-قصور وظائف الكلى
3-قصور وظائف الكبد
4-سقوط الشعر
5-الاعياء المستمر
6-تعذر التخلص من السمنة في المستقبل

تظهر تلك الأعراض المرضية بعد حين او على نحو آجل مما يجعل الكثيرين يستخفون بها ولا يعيرونها اهتماما...

صحيح انه ينزل الوزن ولكن بعد التوقف سيعود الوزن المفقود من غير ماتشعرى ولذلك وجدت الأنظمة الصحية التى يجب إعتبارها نظام حياة مستمر وليس فترة وتنتهي ...

اتبعى نظام السعرات أو النقاط والذى يعتمد على الهرم الغذائي واتبعي سنة رسولنا الكريم صلى الله عليه وسلم فى الحديث الشريف (" ما ملأ ابن آدم وعاء شراً من بطنه بحسب ابن آدم أكلات يقمن صلبه فإن كان لا محالة فثلث لطعامه و ثلث لشرابه وثلث لنفسه")

موفقة ياغاليه ,,

شكراااا بوح انثي بس انا حريصه اخد مالتي فايتمين ورده وملعقة سمسم في اليوم

واللي يعجبني في الرجيم ه انه يحتوي علي كل العناصر الغذائيه الهامه

البان وفاكهه وخضار وبروتين اللي يمكن بنهملهم ونعتمد علي المقالي والمعلبات

يمكن تكون الطريقه مش مناسبه لكل الناس بس من تجربتي الكل يقولي بشرتك بقت

حلوه ورايقه جداا وكمان شعري ما شاء الله لان في اليوم بتاكلي لبن وزبادي وجبن قريش

وفي يوم تاكلي تفاح وخوخ ومشمش واناناس وكيوي وبطيخ

وفي يوم شوربه خضار وسلطات مغذيه جداااا وكمان ايام البروتين تقدري تاكلي سمك او فراخ او لحم

فهمتيني يعني اقصد انها اطعمه مفيده انا ضد الرجيم اللي يعتمد علي فئه واحده من الغذاء

بس الرجيم ده فيه كل حاجه ماعدا النشويات وعشان كده اضيف ملعقة الرده (النخاله)

واخد مالتي فيتامين وملعقه سمسم وبعد ال12 يوم التثبيت بتاع الرجيم فيه كل حاجه

شكرااااااااااا مره تانيه وبارك الله فيكي

ماشاء الله تبارك الرحمن
مبروك ياعسل على النزول ونسأل الله لكي الثبات
برغم ان الكيميائي ضار بس مضرين احيانا" للجوه له
الله يحمكي ويزيدك قوة وعزيمه

شكراااااا اختي جوريه والله يبارك فيكي