المنتجات الدايت اللى ساعدتنى فى نزول وزنى 8 كيلو فى الشهر
صباح الخيييييييييييييييير
مش عارفة مالى كده عايزة اقول للدنيا كلّها انى خسيت 8 كيلو فى شهر
تلاقيكوا بتقولوا البت دى وجعت لنا دماغنا ليه ماتتكتم بقى أصل نقوم نضربها
ههههههههههههههههههههههههههههههههه
أعمل ايه يعنى الحق عليا انى عايزة أعرّفكم كل اللى عملته علشان أنزل 8 كيلو وتستفيدوا
وتبقوا ناس سمباتيك خاااااااااااااالص
(قال يعنى الأمّورة بقت سمباتيك اوى)
المهم ياحلوين
ماما بتتضايق اوى وبتزعل اوى اوى اوى لما بتلاقينى كل يوم والتانى داخلة عليها بكام شنطة
فيهم حاجات دايت وتقول لى( يابنتى كُلى من أكلنا بس خفّفى لكن ماتحرميش نفسك كده خالص)
هى نايمة دلوقتى لو تعرف انى باقلّدها هاتقوم تخنقنى وتدخل تكمّل نوم
المنتجات بقى الدايت منها حاجات كتيرة جدا
تقريبا كل حاجة
بس اللى باحبّ أجيبهم دايما
اللبن...الجبنة.....عصيربيور برتقال..توست ريجيم..بسكويت دايجيستا...مربى دايت
وكنت باجيب بيبسى دايت بس قاطعته
ومن فترة جبت الرز الدايت وقلت ياااااااااااااريتنى ماجبته ماحبيتوش خالص
اسكتوا اسكتوا مش نزل كمان شيكولاتة وحلاوة دايت؟؟
اه والله لقيتهم وانا باشترى من كام يوم وضحكت اوىىىىىىىىىىىىىىى
المهم الحاجات دى كنت باوزّعها على اليوم
وكنت باشبع منها جامد ده غير طبعا الماااااااااااااااااااااء
لالالالا مافيش ماء دايت هو ماء واحد بس
وفيه ناس كتيرة كانت بتقول لى ان مافيش حاجة اسمها منتجات دايت
وان فيها نفس السعرات اللى فى الأكل العادى
وان ده بس ضحك على الناس وخلاص
لكن لا خالص ياجماعة
انا والله الفضل لربنا وللرياضة وللأكل الدايت ده فى نزول وزنى
يارب يكون الموضوع ده نفعكم وتجيبوا الحاجات دى وتجربوها
(تلاقيكوا بتقولوا هى البت دى عايزانا نشترى ليه؟؟ هى فاتحة سوبر ماركت وبتبيع الحاجات دى ولا اييييييييييييه)
رد مع الاستدلال
مفاجأه 
وبيصدقوهم يبقى ليه ميعمولش شيكولاته دايت وممكن حلاوه بالقشده كمان دايت لو تحبى 
البسها اخس طوالى 
واسمعى كلام ماما ربنا يبارك فى امهاتنا جميعا والله العظيم ليها حق 
الروابط المفضلة