ايه يا جماعه كل دي زيارات ومفيش ردود
عموما انا بشجع نفسي مدمت مش لاقيه حد يشجعني

السلام عليكم
كيفكم يا بنات وازيك يا نايس وحمدالله عالسلامه
انا من زمان ما دخلت بسبب الظروف لكن الاهم من ده كله اعتقد ان وزني زااد بس مش عرفه اد ايه لانه اخر مره قبل شهرين ونص كان 93 معرفش بقى اد ايه دلوقتي اتوقع 93 الف يمكن هههههههههه ولسه ماعملتش رجيم وما فكرتش في حاجه معينه

وداعا للسمنه وحشتيييييييييييييني اوزني حبيبتي وشوفي وزنك بسرعه وان شاء الله متكونيش زايده
معقول كل ده موزنتيش؟
عموما الاحسن تشتري ميزان علشان تقدري تتابعي الوزن تمام
ده انا قعدت اعيط لزوجي اول مجيت السعوديه وخليته يشتريله ميزان علطول
اي نعم مش مضبوط اوي بس علي الاقل اعرف انا وزني ايه
المهم يله بلاش كسل وشوفي هتعملي انهي ريجيم

هههههههههههههههههه وانتي كمان وحشتيني ووحشوني البنات كلهم
لا مش هوزن مش عايزه اتصدم حاسه اني زدت الف كيلو هههههههههههه
بس لسه مافيش في بالي رجيم وتعبانه نفسيا عايزه اعمل رجيم واخس الألف اللي زدتهم
بس مش عارفه ابدا امتى واعمل ايه اصلي من زمان ما عملتش رجيم
انتي اخبارك ايه واخبار السعوديه انشالله مرتاحه

ايوه يا نايس انا اسكندرانيه وبعد الجواز سافرت النمسا وهنا مفيش بحر امشى عليه كمان الجو مش مساعد يعنى النهارده كان الجو حر وقلت بعد الظهر انزل امشى ولسه هلبس اتقلب الجو لرعد وبرق وشتا فظيع يعنى مش انت بس قى السعوديه مش بتقدرى تمشى انا هنا كمان حبسنى الجو .
وبعدين انا لسه معجزتش قوى علشان تقوليلى كل مبنكبر الحرق بيقل يمكن علشان قولتلك من زمان .
هو مش من زمان بعيد من سنتين ونص بس
يا ريت نبقى اصدقاء . ممكن

وداعا للسمنه انتي عسل والله بجد
انا من ساعت مجيت كل يوم اعمل ريجيم واخربه عالمغرب الوحيد بصراحه الي قدرت اكمله هوا ده لانه سهل جدا وخسيت في 3 ايام كيلو وده معدل ممتاز انا اصلا بخس كيلو في الاسبوع بس
المهم السعوديه حلوة خاصة اني في الرياض بلد جميله جدا جدا ولكن مش متعوودة عالحبسه خاصه اني في مصر بخرج علطول وبسوق وبودي المدارس وكله انما هنه مفيش كده
والي مدايقني الوحده
الحمد لله بس عاوزاكي بقي تفوقي كده وتغسلي وشك وتشوفي هتعملي ايه ماشي؟


babynona
هلا بيكي يا قمر هو انا اطول نبقي اصدقاء؟ بصي انا برضه مش كبيره انا لسه مكملتش 28 بس فعلا لاحظت كل سنه بتعدي الاكل الي مكانش بيتخني زمان بيتخني الان
هحاول ابعتلك مسيج

فادني جدا النقل يانايس1
الله يجزاكي خير

انا نسيت اقولك انا كان وزنى قبل الجواز 68 وبعد الحمل والولاده بقيت 80 وبقالى فتره بقلل الاكل وطولى 155 وفعلا انا حاسه ان معدل الحرق قل مش عارفه اعمل ايه
نفسى اغمض وافتح ولاقى نفسى زى زمان

نايس حبيبتى
انتى كلامك ده شكله كده هايغير مجرى حياتى كلها
لانى وللأسف................. بعمل كللللللللللللللل اللى انتى بتنصحينا بمنعه
يعنى الاكل الدايت دايما عندى
والريجيمات القاسية دايما باعملها وماشية فيها حاليا
عملت ريجيم الموز 4 ايام ودلوقتى ماشية فى البطاطس المسلوقة من يومين
ونزلت فى ال 6 ايام 2.5 كيلو
وعايزة اقولك انى مش حاسة ان ال 2.5 كيلو دول نزول جامد
لانى فى الدايت العادى اللى كنت بخفف فيه وماكانش نوع واحد كنت بررررررررررضه بانزل ال 2.5 كيلو فى الاسبوع
بس انا بعمل النوع الواحد ده لما بيكون عندى مناسبة وكده يعنى
وانا حاليا عندى فرح يوم الأحد(بعد 3 ايام) وفرح تانى بعد 20 يوم تقريبا
ومش عارفة بس لو بطّلت النوع الواحد هاعمل ايه؟؟
ده هو اللى كان بينزلنى قبل كده جامد

المهم انتى قلتيلى كذا حاجة صدمتنى بجد
وهى اننا فى وجبة الصبح بدرى بنحرق جامد
وكمان اننا لازم نفضل نشغل جهاز الحرق واننا لازم ناكل بين الوجبات
لانى كنت اعرف ان الاكل بين الوجبات هو اللى بيزود الوزن
وكمان كنت اسمع ان المكرونة لوحدها ممكن ماتزودش لكن لو مع لحمة تزوّد جدا
ومن هنا كنت اعرف ان البروتين مع نشوى بيتخّن جامد
وانتى غيرتى فكرتى عن ده
وكمان اللبن كامل الدسم ماكنتش باشربه خااااااااااااالص
كان كل حاجة لبن دايت من غير سكر حتى وبسكويت دايت وعيش سنّ وعصاير دايت
وتونة لايت وكل حاجة دايت بس عمرى مااخدت ادوية ابداااااااااااااا
كل حاجة اكل دايت ورياضة وكمان بدأت أكسل عن الرياضة اوى
خصوصا انى خلّصت كلية من اسبوعين ومابقتش أعرف اخرج كتير وأمشى زى الاول

انا بجد دلوقتى محتارة ونفسى فعلا نظامى فى الاكل يبقى هو كل نظام حياتى
بس انا اعرف ان ده بيحصل فى وقت طويل
وانا نفسى على آخر الصيف
يعنى بعد شهرين تقريبا وقبل شهر رمضان اكون وصلت للوزن اللى باتمناه
وهو 62 كيلو
انا كنت 82.5 كيلو قبل بداية الريجيم من 3 شهور ونص
وحاليا 70.5 وطبعا كل ده كان خلاله لخبطة ورجوع للريجيم ورياضة وكسل

انا مش عارفة أعمل ايه بس كل اللى اعرف انى هابطّل النوع الواحد فوووورا
وكمان كنت باسيب فواصل بين الاكل تقريبا 8 او 9 ساعات
وكمان مش بانام فى اليوم غير 4 او 5 ساعات منفصلين كمان

بليييييييييييييييز قوليلى اعمل ايه وايه النظام اللى اعمله

اه وعايزة أسألك سؤال

طالما بينفع اننا ناكُل نشويات مع بروتينات بس
ممكن مثلا تكون وجبة تكون نص عيش أسمر وبيضة مسلوقة وماينفعش خيار او طماطم معاهم وكده ولا ينفع ولا ايه؟؟

وكمان ممكن مثلا أجمع بين العيش والبيض المسلوق والفول على أساس ان البيض والفول بروتينات
ولا لازم نوع واحد من البروتينات؟؟؟
يعنى لازم بيض بس مع العيش او فول بس مع العيش ولا ايه
يارب تكونى فهمتى سؤالى ياحبيبتى
وبجد موضوعك رااااااااااااااااااائع
ويارب بس يكون الدكتور ده ثقة

ايمان خير الامور الوسط يعنى الاعتدال فى كل شى احسن لانك مش هتعيشى على طول فى حرمان والرجيم الى قائم على نوع واحد بس ده بياذى الجسم جدا لان الجسم محتاج كل شئ الدهون والنشويات والبروتين حتى الحلويات بس المهم انها تكون فى حدود المعقول .وبعدين نظام الرجيم الواحد ده بيخلى الجسم بعد فتره مش بيستجيب ليه خالص لان الجسم بيحس بالحرمان فمعدل الحرق بيقل وكمان بخزن كل حاجه لانه بيحس انه داخل على مجاعه
وانا فى راى انه من المهم انك تحرقى الاكل ده يعنى انا لما كنت بمشى على البحر كنت خاسه جدا وزدت بعد ما سبت المشى .
الرياضه مع تقليل الاكل فى راى احسن شئ صحيح انه هيبقى معدل بطئ بس ده احسن لان الى بينزل بسرعه بيرجع بسره واسوا من الاول
حقيقى انا نفسى ارجع امشى زى زمان