لسه داخله اشوف كلامكم

ياريتني ما دخلت الا زدت بكا على بكا

انا مقصرره في حق ربي كتير
وفعلا دا سبب حزني

فين الانتظام ع النوافل

ايه الصلاة السريعه اللي مافيهاش خشوع

حتى قراءة القرآن بطلت اجودها

ولا حتى صيام البيض

خايفه اموت مقصرة

يارب يهدي لي عبادي ويهديني

خليني اقوم اطلع غيظي في الرياضه

مش عايزة حد يواسيني عايزة تقريع شديد وقوي

كنت كل حاجه لي اصلي استخاره ولو حتى عايزة ابرة

فين الاستخاره دي
فين قيام الليل؟؟

مش معقول طفل صغير يخرب لي كل نظامي

مش معقول

دا كله تكاسل مني .. مش كدا ؟؟


معلش بكلمكم كأني بتكلم مع نفسي

الله يسعدك يا ام اسامة والله انت نعععمة لازم نحمد ربنا عليكي ليل ونهار
الله ما يحرمني منك ياااااااارب

بالنسبة للصور باذن الله اجيب لك الطريقة باسلوب بسيط .. هي هنا مرة نزلت طريقة التصغير
اذا شفتيها فهذه نص الطريقة.. ولاتقلقي الموضوع سهل انا زيك ما كنت اعرف مع انه شغلي على الكمبيوتر بس النت وملحقاته ما عندي خبرة فيه ههههههههه


تعجبني جدددا الاشياء اللي دايما بتتحفينا بيها وكتيييير استفيد منها

بنات ما تنسوا تحطوا العسل يوميا على الشفايف وخاصة قبل النوم رااااااااااائع بصراحة وحتلاقي الفرق على طول

وكمان كل ما ابى اقلكم انسى
بعد الاستحمام خلوا آخر شفطة للشعر بماء ورد مخفف فظييييييييييييييع يابنات
وحطي منشفة على شعرك وانت طالعة من الحمام علشان رائحة الورد تتغلغل جوا شعرك وبصيلاته.. انت ما حتشمي الريحة واضحة بس اللي حواليكي حيشموها >>غمزة


نسيت امس اكتب اليوميات
الحمية فظييييعة وقاومت توفي وكيك الميلفي -زغردوا الحمدلله خلاص خلللص ههههههههه
اليوم زوجي قاعد ياكل وكل شوية يعزم علي وانا ماني راضية
بعدين قال فجأة :يابنت انت فين جبت هذه الارااااااادة الجبارة شككتيني فيكي انت من جد سارة؟!!!!!!!
انا مت ضحك.. قلتله شفت كيف ..خليني دايما على النت وتشوف انواع جديدة من الارادة كمان هههههههه

نرجع:
قاومت حلا لذيذ من عند اهله


رياضة 50 د.. واو

زيت لوز حلو على وجهي (قبل ما سارة تنورني بالحقيقة المرة)
اليوم عدلت الموضوع وحطيت المر على وجهي خخخ

خروع على رموشي

فتكم بعافية

الله يحميكم يا بنات .. تبارك الله .. أقرأ وأجي أرد إلا ألاقي صفجة تانية هههههه

وللي شكروني أقلكم .. من جد لا شكر على واجب .. ربنا قال : وتواصوا بالحق وتواصوا بالصبر .. لازم نتجمع على شي يرضي الله عشان ما نتحسر على تجمعاتنا وتكون راحت عالفاضي .. أحبــــكـــــم

هنو يا قلبي والله حاسة بيكـ أنا كنت كده لما جبت صبا ودا خطأ فادح .. إزاي عايزين ربنا يسهل علينا تربية أولادنا وإحنا مخليين ربنا آخر حاجة في حياتنا ؟

إزاي عايزين ربنا يوفق بينا وبين أزواجنا وإحنا علاقتنا بالله ضعيفة ؟

وإزاي عايزين ربنا يبارك لنا في وقتنا وصحتنا وحياتنا وإحنا مش بنطلب الحاجات دي منو ؟

ما تزعليش مني يا هنو بس والله أنا بأكلم نفسي قبل ما أكلمك .. كلنا مقصرين .. وعايزين حد يشدنا من إيدينا ويصحينا .. مش عايزاك تيأسي ولا تحبطي .. بالعكس تزدادي قوة وإيمان .. وترجع علاقتك مع ربك أحسن من إلي كان ..

ومنو كمان نشكر ربنا على النعم إلي بيدهالنا وإحنا مش بنشكره حق الشكر ..

يارب اغفرلنا وأعنا على عبادتك وشكر نعمائك واجمعنا على المحبة والإيمان في الدنيا قبل الآخرة ياااااااااااااااااارب العالمين ..

آآآآآآآآآآآآآآه يا نونة .. أنا بعشق الفطار بشكل مش طبيعي .. مستعدة أعيش عالوجبة دي .. والحاجات إلي جبتيها مغرية جداً يا سلااااااااااااااااااام ..

الله يسعدك إنتي وزوجك ويهديلك أولادك ويعينك على تربيتهم يارب ويخليكي لينا

سارو سلامة رجلك .. الله يهديكـ كان المفروض تروحي عالدكتورة من بكير لإنو الآلام يلي شرحتيها ما كانت عادية ولا سهلة .. الله يطمنا عليكـ وما تتأخري بروحة الدكتور ..

هدى العسل .. بانسبة لكرشتي المصونة هههههه خفت كتيييييييير بفضل الله ثم بفضل كوب الزنجبيل وطريقته :

تحطي في الكوب شوية زنجبيل أخضر + شوية نعناع + ملعقة شاي أخضر صغيرة وتحطي عليهم موية مغلية وتغطي الكوب بصحن ..

سوي دي الخطوة قبل لا تنامي .. ولما تصحي تصلي الفجر صفي الكوب في كوب تاني واشربيه بارد زي الدوا بسسسسسرعة .. طبعاً عالريق ..

والله داومت على دي الحركة بدون رييجيم لمدة شهر وبطني اختفى تلتينها أو تلاتة أرباعها والحمد لله ..

فسوي الفكرة دي وقوليلنا إيش صار معاكـ

الله يعافيك ام منك ياسرسورة ولا لقطة اهئ اهئ اهئ وانت فاكرة لو حطينا العسل على الشفايف يبقى للصبح ؟؟؟؟؟؟؟؟؟؟؟؟؟ اكيد حيتلحس غمزتين ههههه
يخليك عسل
شطوووووووووووووووورة ماشاء الله ديماا جدعة ونص
هناااا لا لا لا كلنا ترمومتر ايمانا يطلع وينزل مو يعني لمي ما تقرئي قران ولا تذكري ولا تقومي تكوني كويسة ولما تنشغلي بابنك تبقى لاء كل عبادة وثوابها عارفة انه اجر سهر ليلة واحدة يعادل عتق 40 رقبة شوفي بقى الاجر كل مرحلة وثوابها اكيد نفسنا نحفظ ونوااضب المهم قليل دائم احسن من كثير منقطع المهم نساعد بعض ايه رايك يا قمر نقرا مع كل صلاة 4 صفحاات ونهاية اليوم على العشاااء نكون كملنا الجزء حلوة ما... تعااالو مثل ما احنا داخلين حمياات وصالووون تجميل نركز شوية على العباداات على الاقل نكسب في بعض ثواب ونفوق من الفتور الي نتخبط فيه من موااافقة ؟؟؟؟؟؟؟؟؟؟؟
نتفاهم على القيام والصيام والقران والذكر على فكرة رايحة اجيب ورد المسااا يالله حطو كل حاجة من ايديكم ومش لااازم حاجة تلتينا عن ربناا يالله وبعد ارجع وانا اذكر اغتنم الفرصة اتحركلي شويتين واهو نوااازن دنياااغرووووووووووووووورة ودين الله يثبتنا هنووو لا تزعلي قلبي انا معك واكيد كل العصفورات الي تحب تخس تجي ....فرحي ربك واخسري وزنك .....يالله راجعة باذن الله انا ايضا مقصرة كنت ابتديت المراجعة القديمة لاحفظ الجديد بس الله يلعن الشيطاان
طول ما احنا مع بعض ما تخااافووووووووووووووو دين ودنيااااا ان شاء الله الله يرضى علينا اااميييييييييييييييييييين
ام صبا كلامك مية مية وانا معك ماذا تقترحين ؟؟؟؟؟؟؟؟؟؟؟
صح الفطار انا عندي مقدس لما اواضب عليه انجومن شبح الكيلوات بسرعةولمااعك تجي الفاس في الراس ماشاء الله عليك خليك دايما معنا الله يكرمك ويهنيك ويسعدك وتخسي بصحة وتبقي احلى عصفووووووووووووورةواكيد ربنا قبل كل شيء بس لاااااااااااااااازم نقوي نفسا وصحبتنا هنا لله اول شيء نتحفز ونتنافس في طاعته ثم الرجيماات والتخبيصاات كله من تقصيرنا الله يعفو عنا ويهدينااااا

براااااااااااااااااااااااااااااااااااااااااافو يا سوسو على مقاومة الإغراءات دي تبارك الله .. الله يثبتك يارب وينحفك نحف الصحة والعافية وتثبتي عالوزن الحلو وتاكلي دي الأشياء براحتك

صح كلامك يا نونة .. ويلا أنا قايمة أصلي المغرب وأقرأ قرآني ..

ربنا يجزيكـ كل خير يارب

لا تنسوا أذكار المساء ..

فينكم يا بنات نزلتوا الكورنيش وما طلعتوش ؟؟

يومي :

تغديت شوربة خضار خفيفة ..

في المغرب شاي أخضر بالنعناع كوب كبير وبسكوتة أوريو ..

تعشيت صحن سلطة كبير .. والحمد لله ..

أمس صنفرت جسمي بسكر + زيت زيتون وإلين دحين ما شاء الله جسمي طري وناعم .. شعور رهيب .. جربوه