مشوار ال50 كيلو خاص للدبيات
السلام عليكم ورحمة الله وبركاته
تحية من القلب للجميع
وتحية سبشل للدبيات لانهم غااااالين على قلبي((؟؟؟؟))
وشلونكم حبيباتي
بدخل بالموضوع على طول
انا قبل ثلاث ايام اتخذت خطوة قووووووووية في صدد التخلص من السمنة ويوم شفتني مرتاحة حبيت اني اشاركم تجربتي وبستمر من البداية الحالية لين ما اوصل50
طبعا وانتم معي
اول شي انا طولي طيب ووزني كان زوين ومن 6شهور بالضبط زادت سمنتي بشكل مو طبيعي وكبرت كرشتي وعضودي وبالنهاية زاد وزني الطبيعي عن المثالي بكثير
وصارو البزارين يتسلطون علي يالدبا يالدبا
لا ويئلفون فيني قصايدبعد (دبا سمينة بريالين ههههههههههههها)
وامي تلقح من بعيد لبعيد اللي تبي تنخطب تنحف ترى عيال هالوقت يبون العصص
وانا اردعليها (اهم شي الاخلاق )
اخيرا حامت كبدي من روحي وقررت انحف وارجع مثل اول وانحف بعد
طبعا اول شي فكرت فيه اسوي ريجيم عشان انحف وما فلحت لعدة اسباب منها ادماني للشكولاتات(بالذات حمولة المارس وعيال عمهم الجالكسي)
والعادات الغذائية السيئة عندي بالبيت
وثالثاوالاهم لضعف ارادتي قدام كل ماهو يقرب للمقالي او الحلا
بعدها دخلت نادي رياضي وخسيت 5كيلو وانشدت بطني شوي وللاسباب اعلاه
وقف وزني ينزل فتركته ورجعت ها 5 وزيادة وصرت اتخبط مابين ريجيم وريجيم
شي 3ايام واقطعه وشي2 يوم وهم اخليه
(هذا غير الشواهي الي تلوع القلب مرة اخضر ومرة مرامية الللللخ)
اخيرا شخصت علتي بضعف الارادة وقررت أأدب نفسي
ففكرت اعمل ربط للفكين رحت الدكتورة وشرحت لها مشكلتي طبعا المسكينة
تقطع قلبها وهي تحاول تقنعني ان هذي الطريقة مو صحية وان الحمية افضل لكني سديت اذاني واستخرت وقلت لها بسويها بسويها
فوضحت لي ان من مساوئ ها الطريقة عدم توفر جميع حصص المواد الغذائية 4في الوجبات اللي حتكون فقط سائلة(الا اذا طبعا استعنتي بالخلاط في خلط مثلا شوربة مع قطع صغيرة من اللحم (طبعا هذا بروتين )اوقمتي بعمل عصيرات خضر بدون تصفية مثل الجزر وغيره )
ومن مخاطرها الاختناق بالقئ
المهم يوم شافتني مصرة حولتني لجراحة الفم والاسنان اللي خيروني
بين طريقتين للربط الاوله بالسلك والثانية بسلك التقويم طبعا لكل وحدة مميزاتها ومساوئها وعلموني كيف اتخلص منهم في حال نوبة قئ طبعا اول ماحس باعراضها
اخترت الاولى
وعمللللللللللللللللللللللللللللللللللللللللللللللل للتها
طبعا هذا الكلام الاحد 5/22يعني قبل يومين والحمدلله اليوم الاربعاء قست وزني نزلت 2كيلو (قولو ماشالله)
ونفسيتي عال العال مبسوطة رغم صكة حنوكي عن البلع الي انحرمت منه
احس نفسي خفيفة رغم شحومي والغريب ان صلاتي صارت اكثر تركيز
هم بعد احس همتي عالية
طبعا اكلي الحالي كله سوائل بدون دهن اوسكر الا(للضرورة سكر سبلندا )
المشكلة الوحيدة الي واجهتني بصراحة الامساك وانحلت بعد كاس عصير تفاح بقشره و1كاس جزر
وانشالله بتابع معكم لين ما اوقف عند 50
حبي للجميع
الروابط المفضلة