السلام عليكم ورحمة الله وبركاته
بسم الله نبدأ جزء جديد
الجزء ده مخصوص لتتويج الاميره همس ملكه للرشاقه
لعدة اسباب منها
انها وصلت للمثالى الكل يقول الله اكبر ماشاء الله بكل عزيمه واراده ومثابره
ومحافظه عليه بالرغم من انها ممكن يزيد وزنها كيلو لكن بسرعه بتلحقه وترجعه كما كنت
علشان كده استحقت عن جداره لقب ملكة الرشاقه
الف مبروك عليكى اللقب
وسامحينى لو كنت قصرت فى حقك فى يوم من الايام
وبهذه المناسبه والتتويج اتمنى من الكل انه يغار منها ( غيره طيبه بلاش أرر على الاخت )
ونوصل للمثالى ونضع خطه وهدف امامنا للوصول للرشاقه اللى بنحلم بيها وساعتها حنلاقى الدنيا بمبى فى عنينا والحياه حلوه والدنيا ربيع هههههههههههههههههههههههههههههههههههههههه
نصيحتى ليكم
الالتزام بالريجيم الصحى والغذاء المتوازن
ممارسه الرياضه ما لايقل عن نص ساعه يوميا
شرب كميه كافيه منالماء ( لترين فى الصيف )
وقبل كل ذلك اخلاص النيه والدعاء لله والتوكل على الله
ومش عايزين ننسى اننا بنستعد لشهر رمضان الكريم كل سنه وانتم طيبيبن
والاستعداد مش بتحضير الاطعمه والاغذيه وتخزين المطبخ بما لذ وطاب
الاستعداد يكون بتجهيز المعده وتصغيرها وتهيئتها للصوم من الان
يلا نكتب تانى شروط الحمله على سبيل التاكيد والتذكير
شروطى الاجباريه :
/1 الالتزام بالدايت 100 % ومفيش اعذار ( اللى حتقول معزومه وخبصت يا ويلها ) لاننا ببساطه ممكن نزوغ باكل كميات قليله فى العزومه والاكثار من السلطه
ولما تروحى بيتك مش تدخلى تتعشى لأخلاص تنامى خفيفه (بشوف بنات بتروح من العزومه تتعشى يا عينى يا جبروتك)
/2 الرياضه كل يوم اقل حاجه نصف ساعه
تمارين
او
مشى
او
على جهاز رياضى
براحتكم
المهم ماتنقص عن نصف ساعه تزودى يبقى خير وبركه
/3 شرب الماء كتير رايحه جايه تشربى صحيتى من النوم تشربى رايحه تفطرى اشربى تتغدى اشربى تضحكى اشربى الخ الخ الخ ......
مش عاوزه اعذار ( بطنى اصلها ايه اوبنسى اشرب او الميه بتعمل معرفش ايه ) اتصرفوا بقى اتعودوا عليها حتبقى عادهعندكم
الماء ضرورى للجسم والبشره ونضارة الوجه غير انها بتخرج السموم
الشروط الاختياريه ( بس برضوا اجبارى)
1 - تصوير الميزان وتحميله فى المنتدىووضعه فى الرد
2 - شرب سوائل تساعد على الدايت ( جنزبيل بالليمون جريب فروت او برتقالشاى اخضريا سلام عليه كل على حسب ظروفك وتقبلك للمشروبات ده
يلا على بركة الله
الروابط المفضلة