بسم الله الرحمن الرحيم
السلام عليكم ورحمة الله وبركاته
حبايب قلبي كل بنات وسيدات المنتدى انا تخنت جدا فى رمضان وبصراحه نفسي اخس حوالى 25 كيلو كتير انا عارفه
بس انشاء الله لازم انا عندى هدف انى انزل 25 كيلو قبل خطوبتى فى شهر 3 وانشاء الله هحاول انزلهم حتى لو نزلت 10 كيلو بس برده هحاول لان خلاص معتش وقت ولازم نحسن من نفسنا ونبطل اكل
ياااريت اى واحده عايزه تخس تبدا معايا ونشجع بعض انا شفت حملات رجيم كتير على المنتدى وماشاء الله البنات متعاونات جدا ياريت يتعاونوا معايا عشان نشجع بعض
انا انشاء الله هبدا يوم السبت الموافق 3 ايام العيد 5/11/2005
وبفكر ابدا بنظام رجيم اليوم الواحد لمده 10 ايام عشان احس بالفرق واتشجع اكمل
فكره الرجيم انك تاكلى حاجه واحده طول اليوم مش شرط حاجه محدد بس نحاول خلال ال10 ايام يكون كلنا كل العناصر الغذائيه عشان ما يحصلش اي متاعب
انا مثلا بفكر يكون الايام بالترتيب دا
1-اى صنف فاكهه مثل (برتقال -تفاح -كمثرى- جوافه-رمان-موز)
2-زبادى او حليب خالى الدسم او جبنه قريش
3-خضراوات(خيار-طماطم-جزر-خس)
4-فراخ او لحمه او سمك
وباقى الايام نكرر ترتيب الايام الاولى مع التبديل مثلا لو انا اخترت برتقال اول يوم اليوم الخامس اختار تفاح
بحيث اكرر نفس ترتيب العناصر الغذائيه
ممكن اليوم التاسع والعاشر يكون فواكهه مشكله او خضروات مشكله
انا جربت الرجيم دا وهو بينزل حوالى 7 كيلو فى ال10 ايام
يااااااااااااااااااااااااااااارييييييييييييييييييي يييييت اى واحده تشجعنى وتشاركنى
وتقترح انواع رجيم تانيه نمشي عليها
ساعدونى ربنا يخليكوا

ربنا معاكى ... بس انا بقترح عليكى نظام تانى موجود فى الصفحة اللى كاتباه اسمها pink_cat واسمه غذاء الرسول عليه السلام
النظام ده اتجرب كتيير ونتايجه اكثر من هائلة ... جربيه وادعيلنا

مرسي مولي على مشاركتك ليا
انا فعلا هشوف النظام الى قلتى عليه حالا وممكن ابدا بيه
بس انا نفسي حد يشاركنى ويبدا معايا
وشكرا على مشاركتك

محدش بيشاركنى ليييه
والله حاسه انى لو حدى الى اعانى من السمنه

اهلين حبيبتي
انا انصحك بالانضمام هناhttp://www.lakii.com/vb/showthread.php?t=156635

انا معاكى يافوفو وخصوصا ان انا عايزة انقص وزنى تقريبا زيك حوالى 20 كيلو وياريت نبدا مع بعض بس الدايت متعب هقولك على حاجات تتعمل وهى بتصد النفس عن الاكل ونجربها لمدة اسبوع ونشوف اوكى بصى ياستى وقبل اى حاجة مبروك على الخطوبة وربنا يكملهالك على خير اول حاجة شرب الماء كثير - المشروبات الغازية تكون دايت ويستحسن تكون كل فترة طويلة - كلى ثمرة طماطم قبل الاكل بحوالى تلت ساعة لان الطماطم بتصد النفس - لو فيكى نفس اطلعى السلم وانزلى حوالى عشر مرات - قبل الاكل اسلقى كوسة مع فاصوليا خضرا وبعدين اضربيهم فى الخلاط واشربى كوب قبل الاكل - ممكن نجرب الكوسة فى يوم والطماطم فى يوم بعد كل وجبة وهكذا دا يوم ودا يوم اوكى فى حاجات تانية بتساعد على التنحيف عبارة عن اعشاب ممكن نجربها هقولك عليها بعدين المهم قوليلى رايك اية وبعدين نتكلم

السلام عليكم


مبروك يافوفو الخطوبه وانا كمان محتاجه اسوي رجيم يالله خلينا نبتدي مع بعض خلينا نتبع الرجيم هذي ونجرب مع بعض

http://www.lakii.com/vb/showthread.php?t=156635


والله بيكون معانا


اهم شي التشجيع

مرسي هنوده حبيبتى على ردك عليا ياريت بجد نبدا مع بعض ونشجع بعض
انتى فعلا معاكى حق الرجيم دا صعب وبيني وبينك رخم بيزهق
انا لقيت رجيم ماشاء الله تحفه موجود هنا على المنتدى نتايجه جميله جدا كل البنات كاتبين انهم نزلوا 10 كيلو واكتر كمان فى شهر ونص مثلا
هو بعنوان رجيم السعرات الحراريه اصح رجيم فى العالم
انا وصلت فيه ل6 اسابيع نزلتهم عندى وكمان الميزه الى فيه ان الى كاتباه فاهمه ماشاء الله ودارسه تغذيه
وكمان ممكن تظبطى اى وجبه حسب الاكل الى فالبيت
انا هنقلكم اول اسبوع والملاحظات الى مكتوبه معاه وياريت تقولى رايك فيه يمكن نبدا بيه
على فكره انا وولاء اختى ورانيا صحبتى كلنا هنبدا مع بعض ونشجع بعض ياريت كل البنات يبداو معانا
هستنى ردك ياقمر

الاسبوع الاول:

اليوم الاول:
ف: شريحه كيك+نصف كوب حليب خالي الدسم
بعده ب3 ساعات: ثمرة فاكهه
غ: شريحه لحم مشوي+ماج مكرونه مسلوقه+سلطه
بعده ب3 ساعات: كيس شبسي
ع: بيضه مسلوقة+ 4 زتونات + رغيف سن

اليوم الثاني:
ف: ماج عصير برتقال(انا اعصر 2 برتقال+ليمونه+دايت سويت+شوية ماء) + زبادي
بعده ب3 ساعات: كأس جيلي
غ: شريحه لحم مشوي+سلطه+ رغيف سن
بعده ب3 ساعات: ثمرة فاكهه
ع: رغيف سن+مثلث جبنه لافاش كيري

اليوم التالث:
ف: بيضه مسلوقة+ رغيف سن
بعده ب3 ساعات: ثمرة فاكهه
غ: ربع ارنب+حبه كبيره او 2 صغيرة بطاطس مسلوقة او مشوية+سلطه
بعده ب3 ساعات: ثمرة فاكهه
ع:علبة تونه صغيره+رغيف سن

اليوم الرابع:
ف:نصف ماج كورن فلكس+نصف كوب حليب خالي الدسم
بعده ب3 ساعات: ثمرة فاكهه
غ: ماج مكرونه مسلوقه+شريحة كبده(او لحمه) مشويه+سلطه
بعده ب3 ساعات: قطعه شوكولاته
ع: ربع رغيف بلدي+ماج فول +سلطه

اليوم الخامس:
ف: 1 توست سن او اسمر +مثلث جبنه
بعده ب3 ساعات: ثمرة فاكهه
غ: سمك مشوي +نصف ماج ارز مسلوق+سلطه
بعده ب3 ساعات: ثمرة فاكهه
ع: توست سن +شريحة جبنه رومي+سلطه

اليوم السادس:
ف: توست بالعسل+ ثمرة فاكهه
بعده ب3 ساعات: ثمرة فاكهه
غ: ماج مكرونه مسلوقه+2 شريحة جبنه رومي مبشوره+سلطه
بعده ب3 ساعات: ثمرة فاكهه
ع: بيضه مسلوقة+ رغيف سن+نصف كوب حليب خالي الدسم

اليوم السابع:
ف: توست سن او اسمر +مثلث جبنه
بعده ب3 ساعات: ثمرة فاكهه
غ: ربع رغيف بلدي+ قطعة جبنه قريش+ نصف ماج فول + سلطه
بعده ب3 ساعات: ثمرة فاكهه
ع: قطعة بيتزا اي نوع عليها اي اضافات بحجم الكف

تعليمات هامه:
-يجب شرب 8 اكواب ماء باليوم(2 على الريق-1 مع ما بين الوجبات-2 قبل كل وجبه بربع ساعه)
-يجب اخذ فيتامينات (حبه من اي نوع جيد انا استخدم سوبرفيت او ثيراجران) بعد الافطار مباشرة
-ممنوع الغاء اي وجبه
-ممنوع الاكل امام التلفزيون
-مسموح بالمشروبات الدايت(بيبسي-سفن)و عصير الليمون باي كميه
-مسموح بالدايت سويت او الرويال سويت(و هو افضل منه لانه طبيعي)
-التخريف وجبه واحده فقط ف الاسبوع+حاجه حلوه و ليس اليوم كله
*البدائل
قطعة الجبنه القريش=مثلث جبنه
السمكه=علبه تونه=2 بيضه
ربع رغيف=رغيف سن=2 توست سن
نصف كوب حليب خالي=ملعقه و نصف شاي لبن بودرة=مثلث جبنه
ممكن استبدال اللحمه بالدجلج و ليس العكس
ممكن استبدال اي لحوم بالسمك
ممكن استبدال اي وجبه بالاخرى او اي يوم باخر
معايرة الاكواب تكون بعد استواء الطعام وليس وهو نيء
كمان فى حبت تعليمات مكتوبه

-ممنوع منعا باتا الشرب خلال الوجبات فقط قبلها بربع ساعه او بعدها بساعه
-مسموح بالمشروبات الدايت(بيبسي-سفن) الشاي-القهوة-النسكافيه و عصير الليمون-الكركديه-اليانسون-النعناع باي كميه بس كل هذا اما بدون سكر او بالدايت سويت
الشوكولاته بالجدول تعني اصبع كادبوري او اصبع كيت كات او ممكن استبدالها ب6 قطع بسكوت شاي (ولو دايجستف يبقى 4 و يكون لايت)
اذا ما بتحبوش البيض مسلوق ممكن انا اعمله اومليت على ملعقه صغيرة زيت او شوية حليب خالي الدسم او ماء
ممكن عمل المكرونه بملعقة صلصة طماطم لكن بدون زيت
اذا شعرتي باي دوخه خذي ملعقه كبيرة عسل نحل او الضغط واطي زودي كمية الملح ف الطعام

ثمرة الفاكهه ممكن تكون: تفاحه او برتقاله او كمتري أو نصف موزة او مانجا صغيرة او نصف مانجا كبيرة او حبة تين صغيرة او طبق شمام(اللي هو البظيخ الاصفر في الخليج) او طبق بطيخ احمر(الرجي) او نصف كوب عنب
-لنزعوا جلد الدجاج قبل الطهي
[B]ممنوع الوزن الا كل اسبوع وبعد كده كل اسبوعين عشان تحسوا بفرق الوزن

على فكره انا بشكر العسل لولو صاحبة الموضوع اصلا ربنا يسعدها يارب
واتمنى منها لو موجوده معانا فى المنتدى تشاركنا بخبرتها الكبيره
وهستنى ردكوا عليا
بااى










ا

الله يبارك فيكى ياgazael
مرسي مووت على مشاركتك بس ياريت تشوفى الرجيم الى انا نقلته من المنتدى برده وتقولى رايك
فيه
لانه حلو مووت
ويااااااااااااااارب كلنا نخس وميبقاش فيه اى بنت تخينه ابداااا

انا معاكي بس أهم شي الألتزلم وعدم الأحباط يعني اللي تخربط تابد من اول واجديد بس ماتحبط صديقاتها..وانا لي باع اطويل في الرجيم واكثر شي نزلت عليه رجيم التمر واللبن عن جد رهيب..